Published:Updated:

’தாஜ்மஹால் விவகாரம் மதவாத அரசியலை வெளிப்படுத்துகிறது’: பிருந்தா காரத்

ஒட்டுமொத்த விகடனுக்கும் ஒரே ஷார்ட்கட்

Use App
’தாஜ்மஹால் விவகாரம் மதவாத அரசியலை வெளிப்படுத்துகிறது’: பிருந்தா காரத்
’தாஜ்மஹால் விவகாரம் மதவாத அரசியலை வெளிப்படுத்துகிறது’: பிருந்தா காரத்

’தாஜ்மஹால் விவகாரம் மதவாத அரசியலை வெளிப்படுத்துகிறது’: பிருந்தா காரத்

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

உலகப் புகழ்பெற்ற வரலாற்றுச் சின்னமான தாஜ்மஹாலை சுற்றுலா இடங்களின் பட்டியலிலிருந்து நீக்கியுள்ளது உத்தரப்பிரதேச அரசு. இதற்கு, மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு உறுப்பினர் பிருந்தா காரத், கடும் கண்டனம் தெரிவித்துள்ளார்.

ஐ.நா சபையின் 'கல்வி, அறிவியல் மற்றும் கலாசார' நிறுவனம் யுனெஸ்கோ. இந்த அமைப்பு, ஒவ்வொரு நாட்டிலும் உள்ள பாரம்பர்ய சுற்றுலா இடங்களைத் தேர்வுசெய்து பட்டியல் வெளியிடும். அதில் எப்போதுமே இடம் பெறும் பெயர், 'தாஜ்மஹால்’. அப்படியான உலகப் புகழ்பெற்ற வரலாற்றுச் சின்னமான தாஜ்மஹாலை சுற்றுலா இடங்களின் பட்டியலிலிருந்து நீக்கியுள்ளது உத்தரப்பிரதேச அரசு. தற்போது அங்கு, பாரதிய ஜனதாவின் ஆட்சி நடந்துவருகிறது. கடந்த இரண்டு நாள்களுக்கு முன் செய்தியாளர்களிடம் பேசிய மாநில முதல்வர் யோகி ஆதித்யநாத், "இந்தியாவின் கலாசாரங்களைப் பிரதிபலிப்பது என்றால் அது ராமாயணமும் பகவத் கீதையும்தான். தாஜ்மஹால் அல்ல” என்றார்.

தற்போது, சுற்றுலாத்துறையின் சார்பில் வெளியிடப்பட்டிருக்கும் புதிய சுற்றுலா கையேட்டில், தாஜ்மஹால் இடம் பெறவில்லை என்ற அதிர்ச்சிக்குரிய தகவல் வெளியாகியுள்ளது. இதற்கு, மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு உறுப்பினர் பிருந்தா கராத், கடும் கண்டனம் தெரிவித்துள்ளார். அவர் கூறுகையில், “உலகப் புகழ்பெற்ற வரலாற்றுச் சின்னமான தாஜ்மஹாலை சுற்றுலா இடங்களின் பட்டியலிலிருந்து நீக்கியிருப்பது உ.பி அரசின் மதவாத அரசியலை வெளிப்படுத்துவதாக உள்ளது. இந்த நடவடிக்கையை உ.பி. அரசு உடனடியாகத் திரும்பப்பெற வேண்டும்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு