Published:Updated:

தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!

தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!
பிரீமியம் ஸ்டோரி
தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!

ஸ்டெர்லைட் சி.இ.ஒ பேட்டி

தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!

ஸ்டெர்லைட் சி.இ.ஒ பேட்டி

Published:Updated:
தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!
பிரீமியம் ஸ்டோரி
தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!

ஸ்டெர்லைட் மூடப்பட்டிருக்கிறது. ஆனால், ‘‘தமிழகத்தை விட்டு வெளியேறும் எண்ணம் நிச்சயம் எங்களுக்கு இல்லை’’ என அறிவித்திருக்கிறது இந்த ஆலையை நடத்தும் வேதாந்தா நிறுவனம். அடுத்து, ஸ்டெர்லைட்டின் நகர்வு என்னவாக இருக்கும்? மீண்டும் திறக்கப்படும் வாய்ப்புள்ளதா? மே 22 துப்பாக்கிச்சூடு சம்பவம் பற்றி ஸ்டெர்லைட் என்ன நினைக்கிறது? மௌனமாகவே இருந்த ஸ்டெர்லைட் நிர்வாகம் சமீபகாலமாக பேசத் தொடங்கியுள்ளது. ஸ்டெர்லைட்டின் தலைமைச் செயல் அதிகாரி ராம்நாத்தை சந்தித்தோம்.

‘‘தூத்துக்குடி துப்பாக்கிச்சூடு பற்றி ஸ்டெர்லைட் சொல்ல விரும்புவது என்ன?’’

‘‘அது வருந்தத்தக்க ஒரு நிகழ்வு. அப்படி ஒரு சம்பவமே நடந்திருக்கக் கூடாது என நினைக்கிறோம். அதற்கும் ஸ்டெர்லைட்டுக்கும் எந்தச் சம்பந்தமும் இல்லை என்பதை மட்டும் உறுதியாகச் சொல்ல விரும்புகிறோம்.’’

‘‘ஸ்டெர்லைட் கேன்சர் பற்றி...’’

‘‘தூத்துக்குடி ஒரு தொழில் நகரம். அங்கு ஸ்டெர்லைட் ஆலை மட்டுமா உள்ளது? பிறகெப்படி யாருக்கு கேன்சர் வந்தாலும் அதை ஸ்டெர்லைட் கேன்சர் என்கிறார்கள்? இது திட்டமிட்டுப் பரப்பப்பட்ட பொய். அதனால்தான், இந்தப் போராட்டத்தையே ‘சமூக வலைதளங்களால் உருவாக்கப்பட்ட போராட்டம்’ என்கிறோம். அங்கு கேன்சரில் யார் இறந்தாலும், ஸ்டெர்லைட்தான் காரணம் என்று சொல்லச் சொல்கிறார்கள். அப்படிச் சொன்னால் பணம் தருகிறார்கள். சமீபத்திய போராட்டத்தின்போதும்கூட, ஒரு பெண்மணி கேன்சரால் இறந்தார். அவர் கணவருக்கு ஒரு லட்சம் ரூபாய் தந்துள்ளனர், ஸ்டெர்லைட்தான் காரணம் என்று சொல்வதற்காக!’’

தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!

‘‘யார் தருகிறார்கள்?’’

‘‘FOIL VEDANTA என்று சர்வதேச என்.ஜி.ஓ  ஒன்று உள்ளது. அவர்களின் நோக்கமே வேதாந்தாவை அழிப்பதுதான். இது தொழில் சார்ந்த போட்டி. அவர்கள்தான் எல்லாவற்றுக்கும் காரணம். அந்த அமைப்பைச் சார்ந்த சமரேந்திர தாஸ் என்பவர், போராட்டம் நடப்பதற்கு சில நாள்களுக்கு முன் தூத்துக்குடிக்கு வந்து தங்கியுள்ளார். அவர் பெயரில் அறை எடுக்காமல், வேறு பெயரில் அறை எடுத்துத் தங்கினார். சமூக விரோதிகளுக்குப் பணம் தந்துள்ளார். அவர்தான் எல்லாவற்றுக்கும் காரணம். மக்கள் திசை திருப்பப்பட்டுள்ளனர்.’’

‘‘அப்படியென்றால், ஸ்டெர்லைட் ஆலையால் தூத்துக்குடி மக்களுக்கோ, சுற்றுச்சூழலுக்கோ எந்த பாதிப்புமே இல்லை என்கிறீர்களா?’’


‘‘எந்தத் தொழிற்சாலையும் 100 சதவிகிதம் பாதுகாப்பானது எனச் சொல்ல முடியாது. எங்களால் முடிந்த அளவுக்குச் சரியாக இயங்குகிறோம். சொல்லப்போனால், மற்ற தொழிற்சாலைகளைவிட நாங்கள் பாதுகாப்புக்கு அதிக முக்கியத்துவம் கொடுக்கிறோம். இப்போதும்கூட, ஆண்டுக்கு 500 கோடி ரூபாய் சுற்றுச்சூழலுக்காக முதலீடு செய்துள்ளோம். லேசர் பாதுகாப்பு வேலி அமைத்துள்ளோம். இதைத் தாண்டி ஏதேனும் கசிந்தால் அதைப் பதிவுசெய்கிறோம். அப்படி நடந்தால், உடனே ஆலை தானாக ஷட் டவுன் ஆகிவிடும். இது இந்தியாவிலேயே எந்தத் தொழிற்சாலையிலும் கிடையாது. இதைப் பசுமைத் தீர்ப்பாயமும் வந்து பார்த்துள்ளது. காற்றையும் எப்போதும் கண்காணிக்கிறோம். நிலத்தடி நீரையும் ஒவ்வொரு மாதமும் எங்கள் ஆலைக்குள்ளே சாம்பிள் எடுத்து ஆய்வு செய்கிறார்கள். எல்லாமே அனுமதிக்கப்பட்ட அளவில்தான் இருக்கின்றன.’’

‘‘ஸ்டெர்லைட் ஆலைக்கு அருகில் இருக்கும் மக்களுக்கு ஸ்டெர்லைட் என்ன செய்திருக்கிறது?’’

‘‘மக்களுக்கு நாங்கள் நிறைய உதவிகளைச் செய்துவருகிறோம். எங்கள் நிறுவனத்தில் வேலை செய்யும் 3,070 பேரில் 70 சதவிகிதம் பேர் தமிழ்நாட்டைச் சேர்ந்தவர்கள். இவர்களில் 2,150 பேர் தூத்துக்குடியைச் சேர்ந்தவர்கள். எங்கள் சமூகப் பங்களிப்பு சேவைகளால் மட்டுமே பல ஆயிரம் பேர் பலனடைகிறார்கள். மருத்துவ முகாம்கள் தொடர்ந்து நடத்திவருகிறோம்.

ஒட்டுமொத்த விகடனுக்கும் ஒரே ஷார்ட்கட்!

தூத்துக்குடி துப்பாக்கிச் சூட்டுக்கும் எங்களுக்கும் தொடர்பு இல்லை!

‘‘மருத்துவ முகாம்களை எல்லோரும் நடத்துகிறார்கள். இங்கு என்ன பாதிப்பு ஏற்படுகிறது என்பதைக் கண்டறிய மருத்துவ ஆய்வுதானே செய்ய வேண்டும். அதை நீங்கள் ஏன் செய்யவில்லை?’’

‘‘அது ஸ்டெர்லைட்டின் வேலை அல்ல. ஹெல்த் ஸ்டடி நடத்தச் சொல்லிப் பசுமைத் தீர்ப்பாயமோ, உச்ச நீதிமன்றமோ சொல்லவே இல்லை. அதைச் செய்வதற்காக, பசுமைத் தீர்ப்பாயம் ஒரு குழுவை அமைத்துள்ளது. அதில் சுகாதாரத் துறை செயலாளர், வைகோ உள்ளிட்ட பலர் இருக்கிறார்கள். அவர்கள்தான் ஹெல்த் ஸ்டடி நடத்த வேண்டும். ஆறு மாதங்களுக்கு ஒருமுறை அவர்கள் ஆய்வு செய்து அறிக்கை கொடுக்க வேண்டும். அவர்கள் அதை ஏன் செய்யவில்லை என வைகோதான் சொல்ல வேண்டும்.’’

‘‘ஸ்டெர்லைட், மன்னார் வளைகுடாவிலிருந்து 25 கி.மீ தூரத்துக்குள்ளேயே இருக்கிறதே? அது விதிமீறல் இல்லையா?

உலக விதிப்படி Marine park-லிருந்து 25 கி.மீ தூரத்துக்குள் தொழிற்சாலைகள் இருக்கக்கூடாது. ஆனால், மன்னார் வளைகுடாவைத் தமிழக அரசு இன்றுவரை ‘மரைன் பார்க்’ என்று அறிவிக்கவில்லை. மேலும், அந்த விதி இப்போது 10 கி.மீ தூரமாகக் குறைக்கப்பட்டுவிட்டது. ஸ்டெர்லைட் 14 கி.மீ தள்ளி இருக்கிறது. மற்ற பல தொழிற்சாலைகள் அதற்குள்தான் உள்ளன. அனல் மின் நிலையம்கூட 10 கி.மீ உள்ளேயே உள்ளது. அதிலும், அது சிப்காட் தொழிற்பேட்டை.’’

‘‘அடுத்து என்ன செய்யப்போகிறீர்கள்?’’ 

‘‘சட்டப்படி போராடுவோம். மக்களிடம் போவோம். தூத்துக்குடியில் ஸ்டெர்லைட்டை மூடியதால், பல ட்ரக்குகள் சும்மா நிற்கின்றன. ட்ரக் ஓனர்கள் எல்லாம் இ.எம்.ஐ கட்டப் பணமில்லை என்கிறார்கள். ட்ரக் விஷயத்தில் மட்டுமே 10,000 பேர் வேலையில்லாமல் இருக்கிறார்கள். தூத்துக்குடி துறைமுகத்தின் பிசினஸ் 20 சதவிகிதம் குறைந்துள்ளது. அது அவர்களுக்கு மிகப்பெரிய அடி. ஸ்டெர்லைட்டை மூடியது இந்தியாவுக்கும் தமிழகத்துக்கும் பொருளாதாரரீதியாக பெரும் நஷ்டம். அதனால் எப்படியும் ஸ்டெர்லைட்டைத் திறக்கப் போராடுவோம்.’’

- கார்க்கி பவா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism