Published:Updated:

`இந்த முடிவு துரதிர்ஷ்டவசமானது!'‍- காங்கிரஸ் மீது ஜோதிமணி திடீர் பாய்ச்சல்

துரை.வேம்பையன்
`இந்த முடிவு துரதிர்ஷ்டவசமானது!'‍- காங்கிரஸ் மீது ஜோதிமணி திடீர் பாய்ச்சல்
`இந்த முடிவு துரதிர்ஷ்டவசமானது!'‍- காங்கிரஸ் மீது ஜோதிமணி திடீர் பாய்ச்சல்

``உயர்சாதியினருக்கு பொருளாதார அடிப்படையில் பத்து சதவிகிதம் இடஒதுக்கீடு வழங்கும் மசோதாவை ஆதரித்துள்ள காங்கிரஸ் கட்சியின் முடிவு துரதிர்ஷ்டவசமானது" என்று காங்கிரஸ் கட்சியின் செய்தி தொடர்பாளர் ஜோதிமணி விமர்சித்துள்ளார்.

இது சம்பந்தமாக, அவர் தனது ஃபேஸ்புக் பக்கத்தில், ``உயர்சாதியினருக்குப் பொருளாதார அடிப்படையில் 10% இடஒதுக்கீடு வழங்கும் மசோதாவை ஆதரித்துள்ள காங்கிரஸ் கட்சியின் முடிவு துரதிர்ஷ்டவசமானது. இது நூற்றாண்டுகால ஒடுக்குமுறையைக் கருத்தில் கொண்டு சாதிய அடிப்படையில் மட்டும் இடஒதுக்கீட்டை ஆதரிக்கும் அரசியல் சாசனத்துக்கு முரணானது. இம்முயற்சி இட ஒதுக்கீட்டுக் கொள்கையை காலப்போக்கில் நீர்த்துப்போகச் செய்யும் ஆபத்துள்ளது.

வருடத்துக்கு 8 லட்சம் வருமானமுள்ளவர்களை ஏழைகளென வரையறுப்பது ஏற்புடையதல்ல. எந்தப் புள்ளிவிவரத்தின் அடிப்படையில் இம்மசோதா உருவாக்கப்பட்டுள்ளது. உச்சநீதிமன்றத்தின் அரசியல் சாசன அமர்வு ஏற்கெனவே பொருளாதார அடிப்படையிலான 10% இடஒதுக்கீடு செல்லாது எனத் திட்டவட்டமாக தீர்ப்பளித்துள்ளது. இந்தச் சூழ்நிலையில் இந்த மசோதா எப்படி நீதிமன்றத்தின் ஒப்புதலைப் பெறமுடியும்?" என்று கேள்வி எழுப்பியுள்ளார்.