Published:Updated:

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...
பிரீமியம் ஸ்டோரி
அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

Published:Updated:
அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...
பிரீமியம் ஸ்டோரி
அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

நெடுவாசல் பகுதி மக்களை நிம்மதி இழக்கச்செய்த ‘ஹைட்ரோ கார்பன்’ திட்டம், தற்போது சிதம்பரம் நோக்கித் திசைதிரும்பியிருக்கிறது. இயற்கை எழில் கொஞ்சும் கடல் பிரதேசமான பிச்சாவரம் பகுதியில் இந்தத் திட்டம் செயல்படுத்தப்பட இருப்பதால், இங்குள்ள அலையாத்திக் காடுகள் அழியும் நிலை உருவாகியுள்ளது.

சிதம்பரம் அருகே உள்ள பிரசித்திப் பெற்ற சுற்றுலாத்தலமான பிச்சாவரத்தில் சதுப்புநிலக் காடுகள் அதிகம். ஆறும் கடலும் சேரும் கழிமுகப் பகுதிகளில், இயற்கையாக உருவானவை இந்த சதுப்புநிலக் காடுகள். சதுப்புநிலங்களில் வளரும் தாவரங்கள், கடலில் சீறி வரும் அலைகளை ஆற்றுப்படுத்தக்கூடியவை. அதனால் அவற்றை, ‘அலையாத்திக் காடுகள்’ என்றும் அழைக்கிறார்கள். இவை ஆண்டு முழுவதுமே பசுமையாக இருக்கக்கூடியவை. பிச்சாவரம் பகுதியில் சுரபுன்னை எனப்படும் அலையாத்தி வகை தாவரம் அதிக அளவில் காணப்படுகிறது. இந்தப் பகுதியில் கிட்டத்தட்ட நான்காயிரம் ஏக்கர் பரப்பில் சுரபுன்னைக் காடு அமைந்துள்ளது. இந்தக் காட்டை மட்டுமே நம்பி பலவகையான சிறு உயிரிகள், விலங்குகள்  என்று பல்லாயிரக்கணக் கான ஜீவன்கள் உயிர் வாழ்கின்றன. கிட்டத்தட்ட 122 வகையான பறவைகள் வலசை வந்து செல்வதாக அடையாளம் காணப்பட்டுள்ளன.   

இப்படிப் பல்லுயிர் முக்கியத்துவம் வாய்ந்த பகுதியில்தான் ஹைட்ரோ கார்பன் திட்டத்தைச் செயல்படுத்தத் துடிக்கிறார்கள் ஆட்சியாளர்கள்.

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

இதுகுறித்துப் பேசும் சூழலியலாளர்கள், “கச்சா எண்ணெய், மீத்தேன், ஷேல் காஸ் ஆகிய அனைத்தையும் உள்ளடக்கியதுதான் ஹைட்ரோ கார்பன் திட்டம். நிலத்திலிருந்து இவற்றை எடுக்க விரும்பும் நிறுவனங்கள், முன்பு ஒவ்வொன்றுக்கும் தனித்தனியாக அனுமதி வாங்க வேண்டிய நிலை இருந்தது. கடந்த 2016-ம் ஆண்டு, அனைத்தையும் உள்ளடக்கிய ஹைட்ரோ கார்பன் எடுக்கும் ஒற்றை அனுமதிக் கொள்கையை நடைமுறைப்படுத்தியுள்ளது, மத்திய அரசு. அதன்படிதான் தற்போது பிச்சா வரம் பகுதியில் ஹைட்ரோ கார்பன் எடுக்க அனுமதி வழங்கப்பட்டுள்ளது. இந்தப் பகுதியில் ‘ஷேல் காஸ்’ இருப்பதை ஆய்வுகள்மூலம் முன்பே கண்டறிந் துள்ளது, மத்திய அரசு.

ஷேல் காஸ் எடுக்க மிகவும் அபாயகர மான ‘ஹைட்ராலிக் ஃபிராக்சரிங்’ என்னும் தொழில்நுட்பத்தைப் பயன் படுத்துவார்கள். ஒருமுறை ஹைட்ராலிக் ஃபிராக்சரிங் செய்ய 15 கோடி லிட்டரிலிருந்து 20 கோடி லிட்டர் வரை தண்ணீர் தேவைப்படும். அத்துடன், சுமார் 600 வகையான ரசாயனங்களையும் பயன்படுத்துவார்கள். இதனால், நிலத்தடி நீரும் நிலப்பகுதியும் கடுமையாகப் பாதிக்கப்படும். இதன் தொடர்ச்சியாகப் பிச்சாவரம் அலையாத்திக் காடுகளின் அரிய வகை தாவரங்கள், பறவைகள், நண்டுகள், மீன்கள், இறால்கள் உள்ளிட்ட உயிரினங்கள் அழிந்துவிடும். உயிர்ச்சூழல் முற்றிலும் பாதிக்கப்படும்” என்கிறார்கள்.

இதுகுறித்து நம்மிடம் பேசிய தமிழ்நாடு விவசாயச் சங்கங்களின் கூட்டு இயக்கத் தின் மாநிலப் பொதுச் செயலாளர் ரவீந் திரன், ‘‘தமிழ்நாட்டில், இந்தத் திட்டத்தைச் செயல்படுத்த மூன்று மண்டலங்களாகப் பிரித்துள்ளார்கள்.  முதல் மண்டலத்தில், குள்ளஞ்சாவடி முதல் தரங்கம்பாடி வரையிலான 731 சதுர கிலோ மீட்டர் நிலப்பரப்பில் நான்கு கிணறுகள் அமைத்து ஹைட்ரோ கார்பன் எடுப்பதற்கான உரிமம் ஓ.என்.ஜி.சி நிறுவனத்துக்கு வழங்கப் பட்டுள்ளது. அடுத்ததாக மரக்காணம் முதல் கடலூர் வரையிலும் பரங்கிப்பேட்டை முதல் வேதாரண்யம் வரையிலுமாக இரண்டு மண்டலங்கள் பிரிக்கப்பட்டுள்ளன. மொத்தம் 2, 574 சதுர கிலோ மீட்டர் கடற்பரப்பைக் கொண்ட இந்த மண்டலங்களுக்குள் 20 கிணறுகள் அமைத்து, ஹைட்ரோ கார்பன் எடுக்கும் உரிமம் வேதாந்தா நிறுவனத்துக்கு வழங்கப்பட்டுள்ளது. இதனால், காவிரிப் பாசனப்படுகை மற்றும் கடல் வளம் அழியும். எனவே, இந்தத் திட்டத்துக்கு அனுமதி அளிக்காமல், கடலோரச் சுற்றுச் சூழல் பாதுகாப்பை, தமிழக அரசு உறுதி செய்யவேண்டும்” என்றார்.

ஒட்டுமொத்த விகடனுக்கும் ஒரே ஷார்ட்கட்!

அலையாத்தி காடுகளுக்கு ஆபத்து! - மீண்டும் மிரட்டும் ஹைட்ரோ கார்பன் திட்டம்...

கிள்ளை பேரூராட்சியின் முன்னாள் தலைவர் ‘கிள்ளை’ ரவிச்சந்திரன், “பிச்சாவரம் வனப்பகுதி யில், ஹைட்ரோ கார்பன் எடுக்கும் திட்டத்துக்கு மத்திய அரசு அனுமதி வழங்கியிருப்பது, கண்டிக்கத்தக்கது. கடந்த 2004-ம் ஆண்டு சுனாமி தாக்கியபோது, இங்குள்ள சுரபுன்னைக் காடுகள் தான் இயற்கை அரணாக இருந்து பேரலைகளைத் தடுத்தன. அதனால், இரண்டாயிரம் குடும்பங்கள் பாதுகாக்கப்பட்டன. இந்தப் பகுதியிலுள்ள மூலிகைத் தாவரங்களைக்கொண்டு பல கொடிய நோய்களைத் தீர்ப்பதற்கான மருந்துகளைத் தயாரிக்கிறார்கள். இதுகுறித்த ஆராய்ச்சிகளும் தொடர்ந்து நடைபெற்று வருகின்றன. சிதம்பரம் நடராஜர் கோயில் தல விருட்சமான ‘தில்லை மரம்’ இந்தப் பகுதியில், அதிக எண்ணிக்கையில் இருக்கின்றன. இயற்கையின் வரப்பிரசாதமாக உள்ள பிச்சாவரம் வனப் பகுதியை அழிப்பதற்கு மத்திய - மாநில அரசுகள் திட்டமிட்டுள்ளன. எங்கள் உயிரே போனாலும் இந்தப் பகுதியில் ஹைட்ரோ கார்பன் திட்டத்தைச் செயல்படுத்த விடமாட்டோம்” என்றார்.

இந்த ஹைட்ரோ கார்பன் விஷயத்தில் தமிழக அரசின் நிலைப்பாடு என்ன என்பதே தெரியவில்லை. தேர்தலுக்கு முன் ஒரு மாதிரி பேசிக்கொண்டிருந்த முதல்வர் எடப்பாடி பழனிசாமி, ஏழாவது கட்டத் தேர்தல் முடிந்த கையோடு, ‘உயிரா... பயிரா என்றால், உயிர்தான் முக்கியம்’ என்று பிளேட்டை மாற்றிப் போட ஆரம்பித்துவிட்டார். இப்படி ஒருவரை முதலைமச்சராகப் பெற்றிருப்பது நம் ‘பாக்கியம்’. பயிர்களையெல்லாம் அழித்துவிட்டு எந்த உயிரைக் காப்பாற்றப்போகிறார் என்பது அவருக்கே வெளிச்சம். இப்படிப்பட்டவர் முதல்வராக அமர்ந்திருக்கும் நிலையில், ஹைட்ரோ கார்பன் கொடுமையைத் தடுத்து நிறுத்தச் சொல்லி, அந்த ‘தில்லை நடராஜனி’டம்தான் போய் மனு கொடுக்க வேண்டும் போல!

- ஜி.சதாசிவம்
படங்கள்: எஸ்.தேவராஜன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism