Published:Updated:

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!
பிரீமியம் ஸ்டோரி
நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

Published:Updated:
நான் எங்கே போவது? - சென்னையில் கழிவறை தேடுவோரின் கண்ணீர்க் கதை!
பிரீமியம் ஸ்டோரி
நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

யற்கை உபாதையைக் கழிக்காமல் ஒரு கணத்தைக்கூடக் கடப்பது கடினம். கடுமையான தண்ணீர் தட்டுப்பாடு நிலவும் இந்நேரத்தில், சென்னை நகரம் இந்த விஷயத்தில் எப்படியிருக்கிறது என்பது குறித்து 40-க்கும் மேற்பட்ட பொதுக்கழிவறைகளில் ஒரு களஆய்வை மேற்கொண்டோம். அதன் தொகுப்பே இந்தக் கட்டுரை.

சென்னையில் 866 இடங்களில் 6,641 பொதுக்கழிவறைகள் இருக்கின்றன. ஈ-டாய்லெட் 200 இடங்களிலும் வாடகைக் கழிவறைகள் 160 இடங்களிலும் உள்ளன. இந்தப் பொதுக்கழிவறைகளைப் பராமரிக்க ஆண்டுதோறும் பல கோடி ரூபாய் நிதியை ஒதுக்குகிறது, அரசு. உதாரணமாக, ஒவ்வொரு ஈ-டாய்லெட்டுக்கும் மாதாந்திர பராமரிப்புச் செலவாக 2,000 ரூபாயும் ஒவ்வொரு வாடகைக் கழிவறைக்கும் 4,000 ரூபாயும் ஒதுக்குகிறது.

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

ஆனாலும், சென்னையில் மக்கள் அதிகம் கூடும் பல்வேறு இடங்களிலும் பிரதான பிரச்னையாக இருப்பது கழிப்பிட வசதி இல்லாததுதான். ஆண்கள் பெரும்பாலும் சாலையோரத்தில் சிறுநீர் கழித்து விடுகின்றனர். ஆனால், பெண்களின் நிலைதான் பரிதாபம். பெரிய வணிக நிறுவனங்கள், மால்களுக்குப் போனால் பிரச்னையில்லை. பஸ் நிலையம், கடை வீதிகள் என்று எங்கே போனாலும் கழிப்பிடத்தைத் தேடிக் கண்டுபிடிப்பதே பெரும் சிரமமாக இருக்கிறது. கழிப்பிடமிருந்தாலும் பூட்டிக் கிடக்கும். இல்லாவிடில், போகவே முடியாத அளவுக்கு அசுத்தமாக இருக்கும்.

சென்னையில், குடிசைப் பகுதிகளில் மட்டும் சுமார் 14 லட்சம் மக்கள் வசிக்கின்றனர். இந்தப் பகுதிகளில் உள்ள கழிவறைகளின் எண்ணிக்கை 714. இங்கிருக்கும் ஒரு கழிவறையைக் கிட்டத்தட்ட 1,190 நபர்கள் பயன்படுத்துகின்றனர் என்பது தூய்மைப் பாரதத்தின் ஆகப் பெரிய துயரச்செய்தி. மேலும், சென்னையின் எந்தவொரு குடிசைப் பகுதியிலும் குப்பைகள் ஒழுங்காக அள்ளப்படுவதும் இல்லை; கழிவறைகள் சுத்தப்படுத்தப்படுவதும் இல்லை.

ஒட்டுமொத்த விகடனுக்கும் ஒரே ஷார்ட்கட்!

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

சென்னை, சைதாப்பேட்டை மறைமலையடிகள் பாலத்தின் கீழுள்ள திடீர் நகர்ப் பகுதியில் 500-க்கும் மேற்பட்ட குடும்பங்கள் வசிக்கின்றன. ஏழெட்டு வீடுகளில்தான் கழிவறைகள் இருக்கின்றன. மற்றவர்களின் வீடுகளே கழிவறை அளவில்தான் இருக்கின்றன. இவர்கள் எல்லோரும் பொதுக் கழிப்பிடத்தையே நம்பியுள்ளனர். அங்கு வசிக்கும் வசந்தி என்பவர், “எங்களோட மொத்த வீடே, ஒரு ரூம்தான். தனியா கக்கூஸ் கட்டுறதுக்கெல்லாம் இடமில்லை. இந்த ஏரியால இருக்குற பப்ளிக் டாய்லெட், பெரும்பாலும் மூடித்தான் இருக்கும். நாங்க அவசரத்துக்குப் போகணும்னாலும் ரொம்ப தூரம் போகணும். இல்ல... ஆத்தோரமாப் போகணும். எத்தனையோ தடவை புகார் பண்ணியாச்சு, எதுவுமே நடக்கலை” என்றார், வேதனையுடன்.

புதுப்பேட்டை தெற்குக் கூவம் சாலை குடிசைப்பகுதியில் வசிக்கும் கல்லூரி மாணவி ரீனா, “எங்க வீட்டுல டாய்லெட் இல்லை. இங்க எல்லாக் குடும்பத்துக்கும் சேர்த்து ஒரேயொரு பப்ளிக் டாய்லெட்தான் இருக்கு. ஆனா, அது பயன்படுத்துற நிலைமையிலேயே இல்லை. வேறுவழியில்லாம அதைத்தான் பயன்படுத்துறோம். எங்களுக்கு இந்த டாய்லெட்டை சுத்தம் பண்ணிக் கொடுத்தா பெரிய புண்ணியமாப் போகும்” என்றார் கவலையுடன்.

நான் எங்கே போவது? - சென்னையில் கழிவறை தேடுவோரின் கண்ணீர்க் கதை!

மேற்கு சைதாப்பேட்டை, கங்கை அம்மன் கோயில் தெருவிலுள்ள குடிசைப் பகுதியில் வசிக்கும் ராஜேஸ்வரி, ‘‘இங்க கிட்டத்தட்ட 150 குடும்பங்கள் இருக்கு. எங்க எல்லாருக்குமே ஒரு டாய்லெட்தான் இருக்கு. அதையும் சரிபண்ணி அஞ்சு வருஷமாச்சு. பக்கத்துல நாலஞ்சு இடத்துல டாய்லெட் இருக்கு. ஆனா, எல்லாமே பூட்டிக்கெடக்குது. ஆத்திரம் அவசரம்னா அடையாறு ஆத்தோரமா போய்ப்போம்” என்றார்.

சென்னையின் பல பிரதான இடங்களிலேயே இந்த நிலைமையென்றால், சென்னையின் புறநகர்ப் பகுதிகளிலும் தமிழகத்தின் பிற நகரங்களிலும் வசிக்கும் மக்களின் நிலை எப்படியிருக்கும் என்பதை உணரமுடியும். தெருவுக்குத் தெரு டாஸ்மாக் மதுக்கடைகளைத் திறந்து வியாபாரம் செய்யும் அரசு, ஏழை எளிய மக்களின் அத்தியாவசியத் தேவையாக இருக்கும் கழிவறையைக்கூடத் தேவையான எண்ணிக்கையில் கட்டிக் கொடுக்காமலும் சரிவரப் பராமரிக்காமலும் அலட்சியம் காட்டிவருவது பேரதிர்ச்சியே!

- துரைராஜ் குணசேகரன், படங்கள்: தி.குமரகுருபரன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism