Published:Updated:

பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.
பிரீமியம் ஸ்டோரி
பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

Published:Updated:
பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.
பிரீமியம் ஸ்டோரி
பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

சென்னை அண்ணா பல்கலைக்கழகத்தில் சர்ச்சைகள் தொடர்கதையாகிவருகின்றன. தேர்வில் மறுகூட்டல் செய்த விவகாரத்தில் கோடிக்கணக்கில் ஊழல், பழைய வினாத்தாள்களில் இருந்த கேள்விகளையே சமீபத்தில் நடந்த செமஸ்டர் தேர்விலும் வைத்தது என்று தொடரும் சர்ச்சைகளை அடுத்து, பேராசிரியர்கள் பதவி உயர்வுக்கு வாட்ஸ்அப்பில் பேரம் பேசப்பட்டதாக அதிர்ச்சித் தகவல் வெளியாகியுள்ளது.

இதுகுறித்து பாதிக்கப்பட்ட பேராசிரியர்கள் கூறுகையில், ``சென்னை அண்ணா பல்கலைக்கழகத்தில் முதுகலை படித்தவர்கள், உதவிப் பேராசிரியர்களாக நியமிக்கப்படுவர். எட்டு ஆண்டுகள் பணி அனுபவத்துடன் பி.ஹெச்.டி பட்டம் பெற்றிருந்தால் இணைப் பேராசிரியர்களாகவும், 13 ஆண்டுகள் பணி அனுபவத்துடன் பி.ஹெச்.டி பட்டம் பெற்றிருந்தால் பேராசிரியர்களாகவும் பதவி உயர்வு கிடைக்கும். சமீபத்தில் நடந்த சிண்டிகேட் கூட்டத்தில் பதவி உயர்வு தொடர்பாகப் புதிய விதிகள் பின்பற்ற முடிவு எடுக்கப்பட்டுள்ளது. அதில், பதவி உயர்வு பெற புதிய நிபந்தனைகள் வகுக்கப்பட்டுள்ளதாகச் சொல்லப்படுகிறது. அதன்படிதான் தற்போது பதவி உயர்வு அளிக்கப்பட்டுள்ளது. ஆனால், பதவி உயர்வு கிடைக்கும் என்ற ஆசையில் இருந்த 100-க்கும் மேற்பட்டவர்கள், போதிய தகுதி இல்லை என  நிராகரிக்கப்பட்டுள்ளனர்.

பதவி உயர்வுக்கு லஞ்சம்! - தொடர் சர்ச்சையில் அண்ணா பல்கலை.

2012-ம் ஆண்டு வழங்கவேண்டிய பதவி உயர்வுகள் தாமதமாக 2018-ல் தான் வழங்கப்பட்டுள்ளன. இதில், 2012-லிருந்து கணக்கிடப்பட வேண்டிய பதவி உயர்வு, 2018-லிருந்து மட்டுமே கணக்கீடு செய்யப்பட்டுள்ளது. இதில் முன்னாள் தேர்வுக் கட்டுப்பாட்டு அலுவலராக இருந்த ஜி.வி.உமாவும் பாதிக்கப்பட்டுள்ளார். இதுகுறித்து பதிவாளர் குமாரிடம் பாதிக்கப்பட்ட பேராசிரியர்கள் விசாரித்தபோதுதான், சிண்டிகேட் கூட்டத்தில் புதிய விதிகள் போடப்பட்டத் தகவல் தெரிந்தது. அதாவது, உதவிப் பேராசிரியர்களிலிருந்து, இணைப் பேராசிரியர் பதவி உயர்வு பெற பி.ஹெச்.டி பட்டத்துடன் மாணவர்களுக்கு வழிகாட்டியாக இருந்திருக்க வேண்டும். இணைப் பேராசிரியரிலிருந்து பேராசிரியர்களாகப் பதவி உயர்வு பெற ஆராய்ச்சி மாணவர்களை உருவாக்குவதுடன் சர்வதேசப் பத்திரிகைகளில் ஐந்து ஆய்வுக் கட்டுரைகளை வெளியிட்டிருக்க வேண்டும். இவ்வாறு திடீரெனப் புதிய விதிகள் பின்பற்றப்பட்டதால், பதவி உயர்வுக்காகக் காத்திருந்தவர்களுக்கு ஏமாற்றம் ஏற்பட்டுள்ளது” என்றவர்கள், அதில் நடைபெற்ற முறைகேடுகள் குறித்தும் பேசினார்கள்.

“இந்தப் பதவி உயர்வும்கூட பல்கலைக் கழகத்தில் உள்ள சில உயரதிகாரிகளின் உதவியுடன்தான் நடந்துள்ளது. எம்.ஐ.டி-யில் உள்ள பேராசிரியர் ஒருவர் மூலம்தான் பதவி உயர்வுக்காகப் பேரம் பேசப்பட்டுள்ளது. இதுதொடர்பாக முருகக் கடவுளின் பெயரைக்கொண்ட ஒரு பேராசிரியர், அனைத்து தகவல்களையும் வாட்ஸ்அப் மூலம் பகிர்ந்துள்ளார். அதில், ‘முன்பணமாக ஒரு ‘எல்’ (ரூ. ஒரு லட்சம்) கொடுக்க வேண்டும். பதவி உயர்வு வழங்கப்பட்ட பிறகு மீதமுள்ள ‘எல்’களை (ரூ.3 லட்சம்) கொடுக்க வேண்டும்’ என்று சொல்லப்பட்டுள்ளது. அதன்படி சிலர், முன்பணம் கொடுத்துள்ளனர். அந்தத் தகவல்களும் வாட்ஸ்அப்-பில் இடம்பெற்றுள்ளன” என்றனர்.

இதுகுறித்து பேசிய வேறு சில பேராசிரி யர்கள், ``2008-ம் ஆண்டு ஒப்பந்த அடிப்படையில் உதவிப் பேராசிரியர்களாகப் பணியாற்றியவர்கள் பணிநிரந்தரம் செய்யப்பட்டனர். அப்போது இடஒதுக்கீடு பின்பற்றப்படவில்லை; அப்போது பணிநிரந்தரம் செய்வதில் லாபி செய்தவர்கள்தான் இப்போது பதவி உயர்வுகளுக்கு புரோக்கர் வேலைகளைச் செய்தனர்” என்று வேதனையுடன் தெரிவித்தனர்.

இது தவிர, மேலும் சில முறைகேடுகள் நடந்திருப்பதாகக் கூறுபவர்கள், “விவேகானந்தர் ஆடிட்டோரியம், நாலேஜ் பார்க் ஆகிய கட்டடங்கள் கட்டுவது தொடர்பான டெண்டர் முறைகேடுகள் குறித்து ஆர்.டி.ஐ-யில் தகவல்களைப் பெற்று அறப்போர் இயக்கம் வெளியிட்டது. அதன்பிறகும் சம்பந்தப்பட்டவர்கள் மீது நடவடிக்கை எடுக்கவில்லை. 2012-ம் ஆண்டு மாணவர்களுக்கு மதிப்பெண்கள் வழங்கிய விவகாரத்தில் இளம்பொறை, மணியானந்த், சிவக்குமார் ஆகியோர் மீது நடவடிக்கை எடுக்க மறைமுகமாக சிண்டிகேட் கூட்டத்தில் முடிவு எடுக்கப் பட்டுள்ளது. சம்பந்தப்பட்டவர்களிடம் விளக்கமும் கேட்கப்பட்டுள்ளது. ஆனால், சிண்டிகேட் கூட்டம் நடந்து 40 நாள்களுக்கு மேல் ஆகியும் எந்த நடவடிக்கையும் எடுக்கவில்லை” என்றனர்.

இதுகுறித்து பதிவாளர் குமாரிடம் பேசினோம், ``சிண்டிகேட் எடுத்த முடிவின்படிதான் பதவி உயர்வு பட்டியல் வெளியிடப்பட்டுள்ளது. மற்றபடி பதவி உயர்வுக்காகப் பணம் வாங்குவது குறித்து எதுவும் தெரியாது” என்றார்.

பலமுறை துணைவேந்தர் சூரப்பாவைத் தொடர்பு கொண்டும் அவரிடம் பேச முடியவில்லை. எனினும், அவர் விளக்கம் தர முன்வந்தால், அதைப் பரிசீலனைக்குப்பிறகு வெளியிடத் தயாராக உள்ளோம்.

- எஸ்.மகேஷ்