Published:Updated:

நாகை: 3 மணிநேர விசாரணை; ரூ.45,500 பணம்!- விஜிலென்ஸ் ரெய்டால் பதறிய சமூகநலத்துறை அலுவலகம்

ஒட்டுமொத்த விகடனுக்கும் ஒரே ஷார்ட்கட்

Use App
லஞ்ச ஒழிப்பு போலீஸார் அதிரடி
லஞ்ச ஒழிப்பு போலீஸார் அதிரடி

மாவட்ட சமூகநலத்துறை அலுவலர் உமையாள் மற்றும் ஊழியர்களிடம் மூன்று மணி நேரம் விசாரணை மேற்கொண்டதில், கணக்கில் வராத 45,500 ரூபாய் ரொக்கப் பணத்தை லஞ்ச ஒழிப்புத்துறை போலீஸார் பறிமுதல் செய்தனர்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

நாகை மாவட்ட சமூகநலத்துறை அலுவலகத்தில் லஞ்ச ஒழிப்புத்துறை போலீசார் அதிரடி சோதனை நடத்தினர்.  அப்போது கணக்கில் வராத 45,500 ரூபாய் பணத்தை பறிமுதல் செய்து, அந்த அலுவலக ஊழியர்களை  விசாரணை வளையத்தில்வைத்திருந்தது பரபரப்பை ஏற்படுத்தியிருக்கிறது.

லஞ்ச ஒழிப்பு போலீஸார் அதிரடி
லஞ்ச ஒழிப்பு போலீஸார் அதிரடி

நாகை மாவட்டத்தில் பல்வேறு அரசு அலுவலங்களில் லஞ்சம் தலைவிரித்தாடுகிறது. கொஞ்சமும் பயமில்லாமல் இதற்கு இவ்வளவு பணம் தந்தால்தான் ஓ.கே செய்ய முடியும் என்று அதிகாரிகளே பொதுமக்களிடம் நேரிடையாகப் பேரம் பேசுவதாகக் குற்றச்சாட்டு எழுந்தது. இதனால், கடந்த சில நாள்களாக லஞ்ச ஒழிப்புத்துறை போலீஸார் பல்வேறு அரசு அலுவலகங்களில் சோதனை மேற்கொண்டுவருகின்றனர். அதன் தொடர்ச்சியாக நாகப்பட்டினம் மாவட்ட சமூகநலத்துறை அலுவலகத்தில் திருமண உதவித்தொகை, முதலமைச்சரின் பெண் குழந்தை பாதுகாப்புத் திட்டம் போன்ற திட்டங்களுக்கு அதிகாரிகள் பொதுமக்களிடம் லஞ்சம் கேட்பதாக நாகை லஞ்ச ஒழிப்புத்துறை போலீஸாருக்கு ரகசியத் தகவல் கிடைத்தது.

அதைத் தொடர்ந்து லஞ்ச ஒழிப்புத்துறை  டி.எஸ்.பி மனோகர், ஆய்வாளர் ரமேஷ் குமார் ஆகியோர் தலைமையிலான போலீஸார் நாகை சமூகநலத்துறை அலுவலகத்தில் அதிரடியாக நுழைந்து சோதனை மேற்கொண்டனர்.

லஞ்ச ஒழிப்பு போலீஸார் அதிரடி
லஞ்ச ஒழிப்பு போலீஸார் அதிரடி

மாவட்ட சமூகநலத்துறை அலுவலர் உமையாள் மற்றும் ஊழியர்களிடம் மூன்று மணி நேரம்  விசாரணை மேற்கொண்டதில், கணக்கில் வராத 45,500 ரூபாய் ரொக்கப் பணத்தை லஞ்ச ஒழிப்புத்துறை போலீஸார் பறிமுதல் செய்தனர். தொடர்ந்து அலுவலர்களிடம் விசாரணை நடைபெற்றுவருகிறது. இந்தச் சம்பவம் மாவட்டத்தில் பெரும் பரபரப்பை ஏற்படுத்தியிருக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு