பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict

மிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

பெங்களூரு உயர் நீதிமன்றம் முதல் அப்போலோ மருத்துவமனை வரை என்னவெல்லாம் நிகழ்ந்தது..?

 

செப்டம்பர் 27, 2014: வருமானத்துக்கு அதிகமாகச் சொத்துச் சேர்த்ததாகத் தொடரப்பட்ட வழக்கில், அ.தி.மு.க பொதுச் செயலாளர் ஜெயலலிதாவுக்கு நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு.
செப். 29: ஜெயலலிதா, பிணை கேட்டு கர்நாடகா உயர் நீதிமன்றத்தை நாடினார்.
செப். 30: உயர் நீதிமன்றம், வழக்கை அக்டோபர் 1 வரை ஒத்திவைத்தது.
அக்டோபர் 2: உயர் நீதிமன்றத்தின் விடுமுறை கால நீதிமன்றம், வழக்கை அக்டோபர் 7-க்கு ஒத்திவைத்தது.
அக். 7: நீதிமன்றம் பிணைக்கு மறுப்பு.
அக். 9: ஜெயலலிதா, உச்ச நீதிமன்றத்தை நாடினார்.
அக். 17: உச்ச நீதிமன்றம் பிணை வழங்கியது.
டிசம்பர் 18: பிணை, மேலும் நான்கு மாதங்களுக்கு நீடிக்கப்பட்டது. உச்ச நீதிமன்றம், கர்நாடகா உயர் நீதிமன்றம் இந்த வழக்கை விசாரிக்க சிறப்பு அமர்வு ஏற்படுத்த உத்தரவு.

 

ஜனவரி 1, 2015: கர்நாடகா உயர் நீதிமன்றம், ஜெயலலிதா சொத்துக் குவிப்பு வழக்கை விசாரிக்க நீதிபதி சி.ஆர்.குமாரசாமி தலைமையில் சிறப்பு அமர்வு உருவாக்கம்.
ஜனவர் 5: வழக்கு விசாரணை தொடக்கம்.
பிப்ரவரி 5: ‘‘தன்னையும் இந்த வழக்கு விசாரணையில் சேர்த்துக்கொள்ள வேண்டும்’’ என்று தி.மு.க பொதுச் செயலாளர் அன்பழகன் கொடுத்த மனு தள்ளுபடியானது.
பிப். 26:  ‘‘அரசுத் தரப்பு வழக்கறிஞர் பவானி சிங்கை நீக்க வேண்டும்’’ என்று அன்பழகன் உச்ச நீதிமன்றத்தில் வழக்கு தொடுத்தார்.
ஏப்ரல் 7: உச்ச நீதிமன்றம் இந்த வழக்கின் தீர்ப்பை வெளியிடத் தடை விதித்தது.
மே 11: சொத்துக் குவிப்பு மேல் முறையீட்டு வழக்கில், ஜெயலலிதா உள்ளிட்ட 4 பேரையும் விடுதலை செய்து கர்நாடகா உயர் நீதிமன்றம் தீர்ப்பு வழங்கியது.
மே 23: மீண்டும் முதல்வராக ஜெயலலிதா பதவி ஏற்றார்.
ஜூன் 5: ஜெயலலிதா, ஆர்.கே.நகர் இடைத்தேர்தலில் போட்டியிட வேட்பு மனுத் தாக்கல் செய்தார்.
ஜூன் 23: கர்நாடகா அரசு உச்ச நீதிமன்றத்தில் மேல் முறையீடு செய்தது.
ஜூன் 30:  ஜெயலலிதா ஆர்.கே.நகர் இடைத்தேர்தலில் வெற்றி பெற்றார்.


ஏப்ரல் 25, 2016:  15-வது பொதுத் தேர்தலில் மீண்டும் ஜெயலலிதா ஆர்.கே.நகரில் போட்டியிட வேட்பு மனுத் தாக்கல் செய்தார்.
மே 19: ஆர்.கே.நகர் தொகுதியில் வெற்றி பெற்றார்.
மே 23: மீண்டும் முதல்வராக பதவி ஏற்றார்.
மே 23 : பதவி ஏற்ற அதே நாளில், மதுக்கடைகளை பகுதிபகுதியாக மூடுவது தொடர்பான கோப்பில் கையெழுத்திட்டார்.
செப்டம்பர் 17: அம்மா திருமண மண்டபம் திட்டத்தை அறிவித்தார்.
 செப் 21: சின்னமலை முதல் மீனாம்பாக்கம் வரை மெட்ரோ ரயில் திட்டத்தை திறந்து வைத்தார்.
செப் 22: நள்ளிரவு, உடல்நிலை சுகவீனத்தால் அப்போலோ மருத்துவமனையில் அனுமதிக்கப்பட்டார்.
செப் 26: உள்ளாட்சி தேர்தலுக்கான அதிமுக வேட்பாளர் பட்டியலை வெளியிட்டார்.

- மு. நியாஸ் அகமது

 

Do you like the story?

Please Appreciate the Author by clapping!