Published:Updated:

“வீட்டுமனைகளை அபகரித்து மிரட்டுகிறார் அமைச்சர் மகன்!”

“வீட்டுமனைகளை அபகரித்து மிரட்டுகிறார் அமைச்சர் மகன்!”
பிரீமியம் ஸ்டோரி
“வீட்டுமனைகளை அபகரித்து மிரட்டுகிறார் அமைச்சர் மகன்!”

புதுச்சேரி புதிய ஊழல்

“வீட்டுமனைகளை அபகரித்து மிரட்டுகிறார் அமைச்சர் மகன்!”

புதுச்சேரி புதிய ஊழல்

Published:Updated:
“வீட்டுமனைகளை அபகரித்து மிரட்டுகிறார் அமைச்சர் மகன்!”
பிரீமியம் ஸ்டோரி
“வீட்டுமனைகளை அபகரித்து மிரட்டுகிறார் அமைச்சர் மகன்!”

பிற்படுத்தப்பட்ட சமூகத்தைச் சேர்ந்த ஏழை மக்களுக்கு என வழங்கப்பட்ட இலவச வீட்டுமனைகளை அபகரித்து விட்டதாக புதுச்சேரி சமூகநலத் துறை அமைச்சர் கந்தசாமி மற்றும் அவருடைய மகன் விக்னேஷ் மீது துணைநிலை ஆளுநர் கிரண் பேடியிடம் புகார் அளிக்கப்பட்டுள்ள விவகாரம்தான் புதுச்சேரியில் தற்போதைய ஹாட் டாபிக்.

“வீட்டுமனைகளை அபகரித்து மிரட்டுகிறார் அமைச்சர் மகன்!”

புதுச்சேரி அரசின் ஆதிதிராவிடர் நலத்துறை மூலம், வீடற்ற தாழ்த்தப்பட்ட இன மக்களுக்கு இலவச வீட்டுமனைப் பட்டா வழங்கப்படுகிறது. அந்த மனையில் அவர்கள் வீடு கட்டிக்கொள்வதற்கு, ‘ராஜீவ் காந்தி கல்வீடு கட்டும் திட்ட’த்தின் கீழ் நான்கு லட்சம் ரூபாய் மானியமும் அளிக்கப்படுகிறது. இந்தத் திட்டத்தில் இன்னொரு சிறப்பும் உண்டு. சமூக நல்லிணக்கத்தின் அடிப்படையில், பிற்படுத்தப்பட்ட இன மக்களுக்கு இதில் 20 சதவிகிதம் உள் ஒதுக்கீடாக வழங்கப்படுகிறது.

இந்த அடிப்படையில்,ரங்கசாமி தலைமையிலான கடந்த என்.ஆர் காங்கிரஸ் ஆட்சியில், பாகூர் கொம்யூனுக்கு உட்பட்ட ஆதிங்கப்பட்டி என்ற ஊரில், பிற்படுத்தப்பட்ட வகுப்பினருக்கு வீட்டுமனைப் பட்டாக்கள் வழங்கப்பட்டன. அந்த மனைகளை அமைச்சர் கந்தசாமியும் அவரின் மகன் விக்னேஷும் ஆக்கிரமித்துவிட்டனர் என்று இப்போது புகார் எழுந்துள்ளது.

பாதிக்கப்பட்ட மக்களிடம் பேசினோம். “கடந்த 2015-ம் ஆண்டு எங்கள் ஊரில் தாழ்த்தப்பட்ட இனத்தவர்களுக்கு 212 வீட்டுமனைகளும், உள் ஒதுக்கீட்டில் எங்களுக்கு 42 மனைகளும் வழங்கப்பட்டன. அத்துடன், அந்த மனைகளில் வீடு கட்டுவதற்கு முதல் தவணையாக 1.5 லட்சம் ரூபாய் மானியமும் அளிக்கப்பட்டது. அப்போது எங்கள் ஊரில் தீ விபத்தால் பாதிக்கப்பட்ட 13 குடும்பங்களுக்கும் இதேபோல இலவச மனைப்பட்டாவோடு மானியத்தொகை அளிக்கப்பட்டது. மழை காரணமாக அப்போது எங்களால் வீடு கட்டும் பணியை ஆரம்பிக்க முடியவில்லை. அடுத்து, தேர்தலும் வந்துவிட்டது.

ஒட்டுமொத்த விகடனுக்கும் ஒரே ஷார்ட்கட்!

“வீட்டுமனைகளை அபகரித்து மிரட்டுகிறார் அமைச்சர் மகன்!”

தேர்தல் முடிந்ததும் வீடு கட்டும் பணியைத் தொடங்க நினைத்தோம். அப்போது ஆட்சி மாறி, எங்கள் தொகுதி எம்.எல்.ஏ கந்தசாமி அமைச்சர் ஆகியிருந்தார். அமைச்சரின் மகன் விக்னேஷும், அவரின் நண்பர்களும் ‘விஸ்வா கன்ஸ்ட்ரக்‌ஷன்’ என்ற பெயரில், எங்களுக்கு ஒதுக்கிய இடத்தில் வீடுகளைக் கட்டிக்கொண்டிருந்தனர். அதைப் பார்த்து நாங்கள் அதிர்ச்சி யடைந்தோம். ‘எங்கள் இடத்தில் நீங்கள் எப்படி வீடு கட்டலாம்?’ என்று கேட்டோம். அதற்கு அவர், ‘உங்களுக்கு வேறு இடம் வழங்கப்படும். வேறு ஏதாவது பேசினால், உங்கள்மீது பொய் வழக்கு போட்டு உள்ளே தள்ளிடுவேன்’ என்று மிரட்டினார். ஒரு தொண்டு நிறுவனத்தின் பெயரில் இந்த முறைகேடுகளை இவர்கள் செய்கிறார்கள். இதற்கு, ஆதிதிராவிட நலத்துறை இயக்குநரும் துணைபோகிறார். இதுகுறித்து புகார் அளிக்கச் சென்றோம். ‘அமைச்சர் சம்மந்தப்பட்ட விவகாரம்’ என்று சொல்லி எங்கள் புகாரை போலீஸார் வாங்கவில்லை. வேறு வழியின்றி, கவர்னர் கிரண் பேடியிடம் புகார் அளித்தோம். உடனே, ஆதிதிராவிட நலத்துறை இயக்குநர் எங்களை அழைத்து, ‘உங்களுக்கு வேறு இடம் அளிக்கிறோம்’ என்று சமாதானம் பேசினார். அதற்கு நாங்கள் உடன்படாமல் வந்துவிட்டோம்” என்று குமுறினார்கள்.

“வீட்டுமனைகளை அபகரித்து மிரட்டுகிறார் அமைச்சர் மகன்!”

இதுகுறித்து விளக்கம் கேட்பதற்காக, ஆதிதிராவிட நலத்துறையின் இயக்குநர் ரகுநாதனைத் தொடர்பு கொண்டோம். இந்த விவகாரம் குறித்து நாம் பேச ஆரம்பித்தவுடன், நம்மிடம் பேசுவதை அவர் தவிர்த்தார். பிறகு, தொடர்ந்து அவரிடம் பேச முயன்றோம். “மீட்டிங்கில் இருக்கிறேன்” என்று சொல்லி இணைப்பைத் துண்டித்தார்.

அமைச்சர் கந்தசாமியிடம் பேசினோம். “அவர்களின் குற்றச்சாட்டில் எதுவும் உண்மை கிடையாது. கடந்த ஆட்சியில், தேர்தலை மனதில் வைத்து அவசரக்கோலத்தில் மனைகள் கொடுக்கப்பட்டன. அந்த மனைகளை ஒரே இடத்தில் கொண்டுவர நினைக்கிறோம். வீடு கட்டுவதற்கு வசதியில்லாத அந்த மக்களுக்கு உதவி செய்வதற்காகவே என் மகன், அவருடைய நண்பர்களுடன் சேர்ந்து வீடுகளைக் கட்டுகிறார். விரைவில் பட்டா மாற்றம் செய்யப்பட்டு, அவர்களுக்கு வேறு மனைகள் வழங்கப்படும்” என்றார்.

 அதிகாரிகள் சிலரிடம் பேசிய போது, “சட்டவிரோதமாக இந்த வீடுகள் கட்டப்படுகின்றன. மத்திய அரசின் வீடு மற்றும் நகர மேம்பாட்டுக் கழகத்துக்கு, இவற்றை மாதிரி வீடுகளாகக் காட்டி, அதன்மூலம் புதுச்சேரியில் சுமார் 2 ஆயிரம் வீடுகளைக் கட்டுவதற்கான உரிமையையும் நிதியையும் பெறுவதற்குத் திட்டமிடுகிறார்கள். தரமற்ற வீடுகளைக் கட்டி, அதன் மூலம் பல கோடி ரூபாய் அளவுக்குச் சுருட்டுவதற்குத் திட்டமிட்டுள்ளார்கள்” என்றனர்.

- ஜெ.முருகன்
படங்கள்: அ.குரூஸ்தனம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism