Published:Updated:

கிளி ஜோசியரைக் கொன்று, துண்டுப் பிரசுரங்களை வீசிச்சென்ற மர்ம நபர்! - திருப்பூரில் பயங்கரம்

கிளி ஜோசியரைக் கொன்று, துண்டுப் பிரசுரங்களை வீசிச்சென்ற மர்ம நபர்! - திருப்பூரில் பயங்கரம்
கிளி ஜோசியரைக் கொன்று, துண்டுப் பிரசுரங்களை வீசிச்சென்ற மர்ம நபர்! - திருப்பூரில் பயங்கரம்
கிளி ஜோசியரைக் கொன்று, துண்டுப் பிரசுரங்களை வீசிச்சென்ற மர்ம நபர்! - திருப்பூரில் பயங்கரம்

திருப்பூர் மாவட்டம் மங்கலத்தை அடுத்துள்ள பாரதிபுதூர் பகுதியைச் சேர்ந்தவர் ரமேஷ். இவர் கடந்த 10 வருடங்களுக்கும் மேலாகத் திருப்பூர் குமரன் சாலைப் பகுதியில் உள்ள மாநகராட்சிப் பூங்கா அருகே கிளி ஜோசியராக இருந்து வந்துள்ளார். இந்நிலையில் இன்றைய தினமும் வழக்கம்போல கிளி ஜோசியம் பார்ப்பதை முடித்துவிட்டு, மதிய உணவு சாப்பிடுவதற்காகக் கிளம்பியிருக்கிறார் ரமேஷ். அப்போது அவரைப் பின்தொடர்ந்து சென்ற மர்ம நபர் ஒருவர் திடீரென தான் மறைத்து வைத்திருந்த அரிவாளை எடுத்து ரமேஷை சரமாரியாக வெட்டிக் கொலை செய்திருக்கிறார். அத்துடன் கொலை செய்த கையோடு, தான் கொண்டு வந்திருந்த துண்டு பிரசுரங்களையும் அப்பகுதியில் இருந்த பொதுமக்களின் முன்பாக வீசிவிட்டுத் தப்பியோடியிருக்கிறார். 

அந்தத் துண்டு பிரசுரங்களில், ``பூங்காவுக்கு வரும் பெண்கள்மீது தீய சக்திகளை ஏவிவிட்டு, அவர்களைத் தன் வசமாக்கி தவறாகப் பயன்படுத்துவதே ஜோசியர் ரமேஷுக்கு வேலை. கடந்த 2016-ம் ஆண்டு என்னுடைய பெண் தோழியுடன் அந்தப் பூங்காவுக்கு வந்தேன். அப்போது ரமேஷிடம் ஜோசியம் பார்த்துவிட்டுச் சென்றதில் இருந்தே என்னுடைய பெண் தோழி என்னிடமிருந்து விலகிச் சென்றுவிட்டார். இதுவரை அவர் எங்கிருக்கிறார் என்றுகூட தெரியவில்லை. இதுபோல பல குடும்பங்களை ஜோசியர் ரமேஷ் சீரழித்திருக்கிறார்.

கிளி ஜோசியரைக் கொன்று, துண்டுப் பிரசுரங்களை வீசிச்சென்ற மர்ம நபர்! - திருப்பூரில் பயங்கரம்

அவருக்குப் பின்னால் சில அரசியல்வாதிகள், பனியன் நிறுவன முதலாளிகள் மற்றும் காவல்துறை அதிகாரிகளும்கூட இருக்கிறார்கள் என்று எழுதப்பட்டிருக்கிறது. கொலையில் ஈடுபட்ட நபர் ஹெல்மெட் அணிந்திருந்ததால், அவர் யார் என்பதைக் கண்டறிய காவல்துறையினர் தீவிர விசாரணை நடத்தி வருகின்றனர்.

ஜோசியர் ரமேஷால் பாதிக்கப்பட்ட நபராக இருக்கவே வாய்ப்புகள் அதிகம் என்பதால் அது தொடர்பான விசாரணை முடுக்கிவிடப்பட்டுள்ளது.

பரபரப்பான சாலையில் பட்டப் பகலில் நடைபெற்ற இந்தக் கொலை சம்பவம் பொதுமக்களிடையே பெரும் பதற்றத்தையும் அச்சத்தையும் ஏற்படுத்தியிருக்கிறது.