Published:Updated:

லண்டனுக்கு கடத்தப்பட்ட கண்ணகி சிலை! - மீட்பாரா பொன்.மாணிக்கவேல்?

லண்டனுக்கு கடத்தப்பட்ட கண்ணகி சிலை! - மீட்பாரா பொன்.மாணிக்கவேல்?
பிரீமியம் ஸ்டோரி
News
லண்டனுக்கு கடத்தப்பட்ட கண்ணகி சிலை! - மீட்பாரா பொன்.மாணிக்கவேல்?

லண்டனுக்கு கடத்தப்பட்ட கண்ணகி சிலை! - மீட்பாரா பொன்.மாணிக்கவேல்?

மிழகத்திலிருந்து கொள்ளையடிக்கப்பட்ட, 12-ம் நூற்றாண்டைச் சேர்ந்த பழைமையான கண்ணகி சிலை ஒன்று லண்டன் மியூசியத்தில் உள்ளது. அந்தச் சிலையை மீட்க வேண்டும் என்று, தமிழக சிலைக் கடத்தல் தடுப்புப் பிரிவு ஐ.ஜி பொன்.மாணிக்கவேலுக்கு கோரிக்கை வைக்கப்பட்டுள்ளது.

லண்டனுக்கு கடத்தப்பட்ட கண்ணகி சிலை! - மீட்பாரா பொன்.மாணிக்கவேல்?

இது தொடர்பாக, தமிழ்த் தேசியக் கூட்டமைப்பின் தலைவரும் ‘நாம் தமிழர்’ கட்சியின் ஒருங்கிணைப்பாளருமான அ.வியனரசுவிடம் பேசினோம். “லண்டன் மியூசியத்தில் கண்ணகி சிலை ஒன்று காட்சிக்கு வைக்கப்பட்டுள்ளது. 12-ம் நூற்றாண்டில் சோழ நாட்டைச் சேர்ந்த ஒரு சிற்பியால் வடிவமைக்கப்பட்ட அந்தச் சிலை, தமிழகத்திலிருந்து கொள்ளையடிக்கப்பட்டதாகத் தெரிகிறது.  1981-ல் தமிழக காங்கிரஸ் தலைவராக இருந்த பழ.நெடுமாறன் லண்டனுக்குச் சென்றிருந்தார். அப்போது லண்டன் மியூசியத்தில் அந்தச் சிலையைப் பார்த்துள்ளார். அந்தச் சிலையின் அடியில் தவறான அடிக்குறிப்பு இருந்துள்ளது. அதை அந்த அருங்காட்சியக நிர்வாகிகளிடம் சுட்டிக்காட்டித் திருத்தம் செய்யுமாறு வலியுறுத்தியுள்ளார். அதற்கு மறுப்புத் தெரிவித்த அருங்காட்சிய நிர்வாகத்தினர், ‘உரிய ஆதாரங்களுடன் சுட்டிக்காட்டினால் மட்டுமே திருத்த முடியும்’ எனச் சொல்லியுள்ளனர். அதனால் நாடு திரும்பியதும், சிறந்த தமிழறிஞரான தன் தந்தை பழனியின் உதவியுடன் அந்தச் சிலைக்கான ஆவணங்களை பழ.நெடுமாறன் திரட்டியுள்ளார். அதன்படி, சிலப்பதிகாரத்தின் ‘புகார் காண்டம்’ பகுதியில், ‘கண்ணகியின் நிலை’ என்ற செய்யுளில் 50 முதல் 55 வரையிலான பாடலுக்கு ஏற்ப அந்தச் சிலை வடிவமைக்கப்பட்டதைக் கண்டுபிடித்து, அதை ஆங்கிலத்தில் மொழிபெயர்த்து அனுப்பியுள்ளார். அதன் பின்னரே, ’கண்ணகி சிலை’ என அவர்கள் அடிக்குறிப்பில் எழுதியுள்ளனர்.

சிலப்பதிகாரப் பாடலில் குறிப்பிட்டுள்ளபடி, அந்தச் சிலையில் சிறிய பாதங்களில் சிலம்புகள் இல்லை. இடையில் மெல்லிய துகிலுடன் மேலாடை நீங்கியவளாய், பாம்படம் இல்லாமல் நீண்டு தொங்கும் காதுகளுடன் நெற்றியில் குங்குமம் இல்லாமல், கூந்தலில் நெய் தடவ மறந்து புன்னகை துறந்த நிலையில் கண்ணகி இருந்ததாகக் குறிப்பிடப்பட்டுள்ளது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
லண்டனுக்கு கடத்தப்பட்ட கண்ணகி சிலை! - மீட்பாரா பொன்.மாணிக்கவேல்?

இந்தப் பாடலைக்கொண்டு கண்ணகி சிலை வடிவமைக்கப்பட்டு இருப்பதை லண்டன் மியூசியத்தில் இருக்கும் சிலையைப் பார்த்தாலே புரிந்துகொள்ள முடியும். அந்தச் சிலையை, பல ஆண்டுகளுக்கு முன்பு யார் கடத்திச் சென்றார்கள் என்று தெரியவில்லை. ஆனாலும், தமிழர்களின் வரலாற்றுடன் தொடர்புடைய கண்ணகி சிலையை மீட்க வேண்டும் என்று ஐ.ஜி பொன்.மாணிக்கவேலுக்கு கோரிக்கை மனு அனுப்பியுள்ளேன். அந்தச் சிலையைச் சிலைத் தடுப்புக்குழு விரைவில் மீட்டுவர வேண்டும்’’ என்றார் ஆர்வத்துடன்.

- பி.ஆண்டனிராஜ்,
படங்கள்: எல்.ராஜேந்திரன்