Published:Updated:

“காவல் துறையில் பாதுகாப்பு இல்லை!” - தற்கொலைக்கு முயன்ற திருநங்கைக் காவலர்...

“காவல் துறையில் பாதுகாப்பு இல்லை!” - தற்கொலைக்கு முயன்ற திருநங்கைக் காவலர்...
பிரீமியம் ஸ்டோரி
News
“காவல் துறையில் பாதுகாப்பு இல்லை!” - தற்கொலைக்கு முயன்ற திருநங்கைக் காவலர்...

“காவல் துறையில் பாதுகாப்பு இல்லை!” - தற்கொலைக்கு முயன்ற திருநங்கைக் காவலர்...

திருநங்கையை சீருடைப் பணிக்குத் தேர்வுசெய்து இந்தியாவுக்கே முன்மாதிரியாகத் திகழ்ந்தது தமிழகக் காவல் துறை. அந்தப் பெருமைக்கு இழுக்கு ஏற்படும் வகையில் மேலதிகாரிகள் தன்னிடம் நடந்துகொண்டதாகக் குற்றம்சாட்டி, தற்கொலைக்கு முயன்றுள்ளார் திருநங்கைக் காவலர் ஒருவர்.

யாசினி, தாட்சாயினி, பிரபா மோகன் உட்பட விரல்விட்டு எண்ணக்கூடிய திருநங்கைகள் தமிழகக் காவல் துறையில் பணியாற்றுகின்றனர். இவர்களில் நஸ்ரியாவும் ஒருவர். ராமநாதபுரம் மாவட்டம் பரமக்குடியைச் சேர்ந்த இவர், கடந்த 3-ம் தேதி இரவு எலி மருந்து சாப்பிட்டுத் தற்கொலைக்கு முயன்றார். ராமநாதபுரம் அரசு மருத்துவமனையில் சிகிச்சை பெற்றுவரும் நஸ்ரியாவிடம் பேசினோம்.

“காவல் துறையில் பாதுகாப்பு இல்லை!” - தற்கொலைக்கு முயன்ற திருநங்கைக் காவலர்...

“நேர்மையாக வாழ வேண்டும் என்பதால், காவலர் பணிக்குச் சேர விண்ணப்பித்தேன். பின்னர், நீதிமன்ற உத்தரவின் மூலம் தேர்வாக வேண்டியிருந்தது. திருச்சி காவலர் பயிற்சி மையத்தில் நானும் மற்றொரு திருநங்கையும் பயிற்சியில் சேர்ந்தோம். அங்கிருந்த அதிகாரி எங்களுக்குப் பாலியல் சீண்டல் கொடுத்து, ஒருகட்டத்தில் எல்லை மீறியதால் அங்கிருந்து வெளியேறினோம். பின்பு எங்களை மதுரை பயிற்சி மையத்துக்கு மாற்றிவிட்டனர். அங்கு பயிற்சி முடித்து, கடந்த ஆகஸ்ட் மாதம் ராமநாதபுரம் ஆயுதப்படையில் காவலராகப் பணியில் சேர்ந்தேன.

அங்கு ஆய்வாளர் முத்துராமலிங்கம், டூட்டி எஸ்.ஐ ஜெயசீலன், ரைட்டர் பார்த்திபன் ஆகியோர் என்னை மனரீதியாகவும் உடல்ரீதியாகவும் சீண்டினர். ஆபாசமாகச் சைகை காட்டுவது, உடல் உறுப்புகள் குறித்து ஜாடை பேசுவது என்று பல வகையிலும் சீண்டினர். கடந்த நவம்பர் 7-ம் தேதி இதுகுறித்து எஸ்.பி அலுவலக இன்ஸ்பெக்டரிடம் புகார் கொடுத்தேன். எந்த நடவடிக்கையும் எடுக்கவில்லை. இதனால் மன ரீதியாகவும் உடல் ரீதியாகவும் பாதிக்கப்பட்டு, கோவையில் ஒரு தனியார் மருத்துவமனையில் சேர்ந்தேன். இந்த நிலையில், 21 நாள்களாகப் பணிக்கு வரவில்லை என்று எனக்கு சம்மன் அனுப்பினர். அதன் பின்பு 22 நாள்கள் கழித்து, எனக்கு நேர்ந்த கொடுமைகள் பற்றி குற்றப்பிரிவு டி.எஸ்.பி ஒப்புக்காக விசாரித்தார். ஆனால், யார் மீதும் நடவடிக்கை எடுக்கவில்லை. சமூகத்தில் மட்டுமல்ல, காவல்துறையிலும் திருநங்கைகளுக்குப் பாதுகாப்பு இல்லை. இதனாலேயே தற்கொலைக்கு முயன்றேன்’’ என்றார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
“காவல் துறையில் பாதுகாப்பு இல்லை!” - தற்கொலைக்கு முயன்ற திருநங்கைக் காவலர்...

நஸ்ரியா குற்றம் சுமத்தியவர்களின் தரப்பில் பேசியவர்கள், “நஸ்ரியாவை யாரும் சீண்டவில்லை. 21 நாள்களுக்கு மேலாகத் தகவல் தெரிவிக்காமல் பணிக்கு வராதவர்மீது நடவடிக்கை எடுத்தோம். அதனாலேயே வீண் பழியைச் சுமத்தியுள்ளார்’’ என்றனர்.

எஸ்.பி-யான ஓம்பிரகாஷ் மீனா, “இதுகுறித்து விசாரிக்க உத்தரவிட்டுள்ளேன். புகார் உறுதியானால் நிச்சயம் நடவடிக்கை எடுக்கப்படும். வரைமுறை களுக்கு உட்பட்டு, நஸ்ரியா விருப்பம் தெரிவிக்கும் இடத்தில் பணியாற்ற நடவடிக்கை எடுக்கப்படும்’’ என்றார்.

 - இரா.மோகன்
படங்கள்: உ.பாண்டி