Published:Updated:

மூன்றாவது கண்..! - மகளிர் விடுதிகள்... எச்சரிக்கை!

மூன்றாவது கண்..! - மகளிர் விடுதிகள்... எச்சரிக்கை!
பிரீமியம் ஸ்டோரி
News
மூன்றாவது கண்..! - மகளிர் விடுதிகள்... எச்சரிக்கை!

மூன்றாவது கண்..! - மகளிர் விடுதிகள்... எச்சரிக்கை!

டிப்பதற்காக அல்லது வேலைக்காக தங்கள் வீட்டுப் பெண் பிள்ளைகளை நகரங்களுக்கு அனுப்பிவிட்டு, தொலைதூரத்தில் இருக்கும் பெற்றோர்களையும் உறவினர்களையும் பதைதைக்க வைத்துள்ளது சென்னை ஆதம்பாக்கம் தனியார் விடுதியில் நடந்துள்ள ரகசிய கேமரா பயங்கரம்.

மூன்றாவது கண்..! - மகளிர் விடுதிகள்... எச்சரிக்கை!

திருச்சியைச் சேர்ந்த சஞ்சீவி என்ற சம்பத், ஆதம்பாக்கத்தில் ஓர் அடுக்குமாடி குடியிருப்பில் பெண்கள் விடுதி நடத்திவந்தார். அங்கு ‘பேயிங் கெஸ்ட்’ என்ற முறையில் பத்துப் பெண்கள் தங்கியிருந்தனர். அனைவரும் ஐ.டி கம்பெனிகளில் பணிபுரிபவர்கள். ‘பராமரிப்புப் பணிகள்’ என்ற பெயரில், பெண்களின் அறைக்குள் அவ்வப்போது நுழைந்து ஏதோ செய்திருக்கிறார் சம்பத். சந்தேகமடைந்த ஒரு பெண், ஒரு செயலியைத் தன் செல்போனில் பதிவிறக்கம் செய்து, அறைக்குள் ரகசிய கேமரா பொருத்தப்பட்டிருப்பதைக் கண்டுபிடித்தார். விடுதி முழுவதும் இதுபோன்ற கேமராக்கள் இருப்பதைக் கண்டுபிடித்த அந்தப் பெண்கள், போலீஸில் புகார் செய்தனர். இப்போது, புழல் ஜெயிலில் கம்பி எண்ணிக்கொண்டிருக்கிறார் சம்பத்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
மூன்றாவது கண்..! - மகளிர் விடுதிகள்... எச்சரிக்கை!

மகளிர் விடுதிகளில் பாதுகாப்பு குறித்து சென்னை தி.நகரில் விடுதி நடத்திவரும் முருகானந்தத்திடம் கேட்டபோது, ‘‘வெளியூர் மாணவிகள், வேலைக்குச் செல்லும் பெண்கள் ஆகியோர் பாதுகாப்பான குடியிருப்புப் பகுதிகள் என நம்பி தவறான விடுதிகளில் தங்கு கின்றனர். ஊசிமுனை அளவுள்ள கேமராக்களை கதவு, விளக்கு,  ஃபேன், சுவர், ஸ்விட்ச்  போன்ற இடங்களில் பொருத்திவிட்டு, பெண்களின் அந்தரங்கங்களைப் பதிவுசெய்கின்றனர். 500 ரூபாய்க்குக்கூட ரகசிய கேமராக்கள் கிடைக்கின்றன. அவற்றை வாங்கி யார் வேண்டுமானாலும் எந்த இடத்திலும் பொருத்திவிடலாம். உள்ளாட்சி நிர்வாகம், சமூக நலத்துறை, காவல்துறை ஆகியவை இந்தப் பிரச்னையில் கூடுதல் கவனத்துடன் செயல்பட வேண்டும். முறையாகப் பதிவுசெய்த விடுதிகளில் தங்குவதுடன், அங்கு உரிய பாதுகாப்பு வசதிகள் இருக்கின்றனவா என்பதைப் பெண்களும், அவர்களின் பெற்றோரும் உறுதிசெய்துகொள்ள வேண்டும்’’ என்றார்.

மூன்றாவது கண்..! - மகளிர் விடுதிகள்... எச்சரிக்கை!

தமிழ்நாடு தங்கும் விடுதிகள் உரிமையாளர்கள் நலச் சங்கத்தின் தலைவர் ஷோபனா மாதவன், ‘‘தமிழ்நாடு மகளிர் மற்றும் குழந்தைகள் விடுதிகள் மற்றும் இல்லங்கள் ஒழுங்குபடுத்துதல் சட்டம் - 2014,  தமிழ்நாடு மகளிர் மற்றும் குழந்தைகள் விடுதிகள் மற்றும் இல்லங்கள் ஒழுங்குபடுத்துதல் விதிகள் - 2015 ஆகியவை அரசால் வெளியிடப்பட்டுள்ளன. நடைமுறையில் உள்ள இந்தச் சட்டத்தின்படி விடுதிகள் நடத்துபவர்கள், அந்தந்த மாவட்டங்களில் பதிவுசெய்ய வேண்டும். முறையாகப் பதிவு செய்து நடத்தப்படும் விடுதிகளில் தங்குவதுதான் பெண்களுக்குப் பாதுகாப்பானது’’ என்றார்.

- எஸ்.முத்துகிருஷ்ணன்