Published:Updated:

நிர்மலாதேவியைக் கொல்ல நினைக்கும் அமைச்சர் யார்?

ஒட்டுமொத்த விகடனுக்கும் ஒரே ஷார்ட்கட்

Use App
நிர்மலாதேவியைக் கொல்ல நினைக்கும் அமைச்சர் யார்?
நிர்மலாதேவியைக் கொல்ல நினைக்கும் அமைச்சர் யார்?

நிர்மலாதேவியைக் கொல்ல நினைக்கும் அமைச்சர் யார்?

பிரீமியம் ஸ்டோரி

தேர்தல் பரபரப்புகளுக்கு இடையே, பேராசிரியை நிர்மலாதேவி விவகாரமும் சூடு கிளப்பத் தொடங்கியுள்ளது. இந்த வழக்கில் நடக்கும் பல்வேறு சம்பவங்களின் பின்னணியில், அதிகாரத்தின் கரங்கள் நீள்கின்றனவோ என்ற சந்தேகம் இயல்பாகவே மக்களிடம் உருவாகியுள்ளது. தவிர, “நிர்மலாதேவியைச் சிறைக்கு உள்ளேயே சாகடிக்க வேண்டும் என அமைச்சர் ஒருவர் சொல்லியுள்ளார்” என்று நிர்மலாதேவியின் வழக்கறிஞர் தெரிவித்துள்ள தகவல், இந்த விவகாரத்தில் மேலும் சர்ச்சைகளைக் கிளப்பியிருக்கிறது.

இதுவரை சிறைக்கும் நீதிமன்றத்துக்கும் அமைதியாக வந்துசென்றுகொண்டிருந்த நிர்மலாதேவி, கடந்த வாரம் செய்தியாளர்களிடம் பேச முயன்றபோது, உடன் வந்த பெண் காவலர்கள், அவரது வாயைப் கைகளால் பொத்தி வலுக்கட்டாயமாக மூடிய சம்பவம் தமிழகத்தையே அதிர வைத்தது. இதுகுறித்துப் பேசிய மூத்த வழக்கறிஞர்கள், “அடிப்படை மனித உரிமை மீறல் இது. சிறைக் கைதிகளுக்கான உரிமை மீறல் இது. இத்தனைக்கும் நிர்மலாதேவி, தண்டனை அறிவிக்கப்பட்ட கைதி கிடையாது. அவர் செய்த குற்றம் இதுவரை நிரூபிக்கப்படவில்லை. அதனால், அவர் வெறும் விசாரணைக் கைதி மட்டுமே. அவருக்கு ஏன் இத்தனை வலுக்கட்டாயமான வாய்ப்பூட்டு. இந்த விஷயத்தில் அந்தப் பெண் காவலர்களைத் துளியும் குற்றம் சொல்ல முடியாது. அந்தப் பெண் காவலர்களுக்கு எந்தளவுக்கு நெருக்கடியும்... மேலிடத்திலிருந்து மிரட்டலும் வந்திருந்தால், ‘நிர்மலாதேவி ஏதேனும் பேசிவிடுவாரோ..’ என்ற அச்சத்தில் பதறியபடி, அவரது வாயைப் பொத்தியிருப்பார்கள். ஜனநாயக நாட்டில் எங்கிருந்து ஏவப்படுகிறது இப்படி ஒரு சர்வாதிகார அம்பு? யார் விடுக்கும் அம்பு இது?” என்று கொதித்தார்கள்.

நிர்மலாதேவியைக் கொல்ல நினைக்கும் அமைச்சர் யார்?

நிர்மலாதேவியின் கருத்தைக் கேட்க நெருங்கிய பத்திரிகை யாளர்களும், காவலர்களால் தாக்கப்பட்டனர். நிர்மலாதேவியை ஒரு பயங்கரவாதியைப்போல இழுத்துச்சென்றனர். போலீஸின் இந்த நடவடிக்கைக்கு எதிராகப் பல மாவட்டங்களில் பத்திரிகையாளர் அமைப்புகள் சார்பில் ஆர்ப்பாட்டங்கள் நடத்தப்பட்டுள்ளன.

இதுதொடர்பாக காவல் துறையிலிருந்தே நேர்மையான சிலர் நம்மிடம், “நிர்மலாதேவி கைதான நாளிலிருந்து சட்டத்தை மீறி காவல்துறை நடந்துகொண்டுவருகிறது. அவருக்கு சிறைக்குள் பலவித நெருக்கடிகள் கொடுக்கப்படுவதாகவும் சொல்லப்படுகிறது. அவருக்கு முறையான மருத்துவ சிகிச்சைகள்கூட அளிக்கப்படுவதில்லை. ஏற்கெனவே ஸ்ரீவில்லிபுத்தூர் மகளிர் நீதிமன்றத்தில் நடந்த வழக்கு விசாரணையில் ஆஜராக முருகனும், கருப்பசாமியும் வந்தபோதெல்லாம் அவர்கள் தங்கள்மீது போடப்பட்டது பொய் வழக்கு என்று செய்தியாளர்களிடம் கூறிவந்தார்கள். ஆனால், நிர்மலாதேவியோ ஒரு வார்த்தையும் பேசாமல் அமைதிகாத்தார். உயர் நீதிமன்றம்வரை சென்றும் அவருக்குப் பிணை மறுக்கப்பட்டது. இந்த வழக்கில், வழக்கறிஞர் பசும்பொன் பாண்டியன் ஆஜராக வந்த நிலையில்தான், நிர்மலாதேவி மெள்ளப் பேச ஆரம்பித்தார். இது யாருக்கோ பதற்றத்தை ஏற்படுத்தியதன் விளைவே கடந்த வாரம் ஸ்ரீவில்லிபுத்தூர் நீதிமன்றத்தில் நடந்த சம்பவம்” என்கிறார்கள்.

நிர்மலாதேவியைக் கொல்ல நினைக்கும் அமைச்சர் யார்?

நிர்மலாதேவி வழக்கறிஞர் பசும்பொன் பாண்டியனிடம் பேசினோம். “இந்த வழக்கில் யாரோ செய்த குற்றத்துக்கு நிர்மலாதேவியைப் பலிகடா ஆக்கப்பார்க்கிறார்கள். நிறைய உண்மைகள் மறைக்கப்பட்டுள்ளன. அவர் உண்மைகளைப் பேசிவிடக் கூடாது என்பதில் சிலர் அச்சப்படுகிறார்கள். நான் நிர்மலாதேவியை சிறையில் சந்தித்தபோது, பல உண்மைகளைக் கூறினார். அதில் முக்கியமானது, அமைச்சர் ஒருவர் இதில் தலையிட்டு நிர்மலாதேவியை சிறைக்குள்ளேயே சாகடிக்க வேண்டும் என்று கூறியிருக்கிறார் என்பதுதான். அந்த அமைச்சர், காமராஜர் பல்கலைக்கழகத்துடன் தொடர்பில் இருந்திருக்கிறார். அவர் யார் என்பதை விரைவில் அம்பலப்படுத்துவேன். சிறையில் நிர்மலாதேவிக்கு பலவிதங்களிலும் டார்ச்சர் கொடுக்கப்படுகிறது. அவர் உயிருக்கு அச்சுறுத்தல் உள்ளது” என்றார்.

மடியில் கனம் இல்லாதவர்கள் எதற்காக இப்படி பயந்து நடுங்கி நிர்மலாதேவியை முடக்கவேண்டும்? வானாளவிய அதிகாரம் கொண்டவர்கள் பயந்து நடுங்குவது எதற்காக?

– செ.சல்மான்    

ல்கலைக்கழக உதவிப் பேராசிரியர் முருகன், ஆராய்ச்சி மாணவர் கருப்பசாமி ஆகியோருக்கு பிப்ரவரி 12-ம் தேதி உச்ச நீதிமன்றம் பிணை வழங்கியது. வழக்கறிஞர்கள் சஞ்சய் ஹெக்டே, நெடுமாறன் ஆகியோர், இவர்களுக்காக ஆஜரானார்கள். அதன் ஆவணங்கள் பிப். 19-ம் தேதிதான் ஸ்ரீவில்லிபுத்தூர் நீதிமன்றத்தில் ஒப்படைக்கப்பட்டது. அதன் பின்பே, பிப்ரவரி 20-ம் தேதி காலை மதுரை சிறையிலிருந்து பத்து மாதங்களுக்குப் பிறகு இருவரும் வெளியே வந்தார்கள். சிறைவாயிலில் செய்தியாளர்களிடம் பேசிய  முருகன், “என் மீது போடப்பட்டது பொய் வழக்கு. அதைச் சட்டரீதியாகச் சந்திப்பேன். வழக்கு உள்ளதால் அதைப் பற்றி விரிவாகப் பேச முடியாது” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு