Published:Updated:

வீரபாண்டியார் பேரைச் சொல்லி...

நில அபகரிப்பில் கெளசிகபூபதி

##~##

வீரபாண்டி ஆறுமுகத்துக்கும் நில அபகரிப்புக்கும் என்னதான் ராசியோ? இப்போது சிக்கி இருப்பவர் அவரது உதவியாளர் கௌசிகபூபதி. இவர் மீது புகார் சொல்லி இருப்பவர் சென்னை, கொளத்தூரைச் சேர்ந்த முத்து. ரியல் எஸ்டேட் தொழில் செய்து வரும் முத்துவைச் சந்தித்தோம். 

''தயவுசெய்து என்னுடைய புகைப்படத்தை வெளியிட வேண்டாம்'' என்ற வேண்டுகோளுடன் பேசத் தொடங்கினார் முத்து. ''நான் ரியல் எஸ்டேட் தொழில் செஞ்சிட்டு இருந்தேன். 1999-ம் வருசம் கௌசிகபூபதி எனக்கு அறிமுகம் ஆனார். திருவள்ளூர் மாவட்டம் பம்மதுகுளம் ஏரியாவில் நான், கௌசிகபூபதி, ரவி மூணு பேர் சேர்ந்து 40 ஏக்கர் நிலம் வாங்கினோம். 'அந்த இடத்தில் குடோன்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வீரபாண்டியார் பேரைச் சொல்லி...

கட்டலாம். அதுக்கான வாடகையை நான் கொடுத்துடுறேன்’னு சொல்லி கௌசிகபூபதி என்னிடம் 'பவர்’ கேட்டார். நானும் கொடுத்தேன். ஆனா, எனக்கே தெரியாம அந்த நிலத்தில் சில ஏக்கரை வித்துட்டார். இது தெரிஞ்சதும் நான் கொடுத்த பவரைக் கேன்சல் பண்ணிட்டேன். அதுக்குப் பிறகும் எனக்குச் சேரவேண்டிய நிலத்தைக் கொடுக்காம கௌசிகபூபதி பிரச்னை செய்தார். நானும் ஆறு வருசமா போராடிக்கிட்டு இருக்கேன். பல தடவை பேசிப் பார்த்துட்டு, வேற வழியே இல்லாமத்தான் இப்போது புகார் கொடுத்திருக்கேன். போலீஸ் இப்போ அவரை அரெஸ்ட் பண்ணிட்டாங்க. ஆனா, வெளியே வந்து என்ன செய்யப் போறாரோ?'' என்று திகிலோடு பேசினார்.

சேலம் தி.மு.க-வைச் சேர்ந்த மூத்த நிர்வாகி ஒருவர், ''வீரபாண்டியாருக்குச் சிக்கல் ஏற்படக் காரணமே இந்த கௌசிகபூபதிதான். உண்மை யான கட்சிக்காரங்க யாரையும் பக்கத்துலேயே விட மாட்டார். சேலம் புது பஸ் ஸ்டாண்ட் பக்கத்துல ஹவுஸிங் போர்டு குடியிருப்புலதான் கௌசிகபூபதி தங்கி இருந்தார். அங்கே வச்சித் தான் அத்தனை கட்டப்பஞ்சாயத்தும் நடக்கும். சேலத்துல அவரால் பாதிக்கப்பட்டவங்க நிறைய பேர் இருக்காங்க. இனி நிறைய புகார் வரும் பாருங்க...'' என்றார்.

கௌசிகபூபதியின் வழக்கறிஞரான உதயகுமாரிடம் பேசினோம். ''மூன்று பேர் சேர்ந்து வாங்கிய நிலத்தின் ஒரு பகுதியை அரசு எடுத்துக்கொண்டது. மிச்சம் இருந்த நிலத்துக்கு புகார் கொடுத்திருக்கும் முத்து பவர் கொடுத்திருக்கிறார். அதற்கான ஆதாரம் இருக்கிறது. இவ்வளவு நாளாக இல்லாமல் திடீ ரென இப்போது புகார் கொடுத்து இருப்பதில் திட்டமிட்ட அரசியல் சதி இருக்கிறது. இதை சட்டப்படி சந்திப்போம்'' என்று சொன்னார்.

எப்படியோ, வீரபாண்டி ஆறுமுகத்தைச்  சுற்றி அடுத்த பூதம் கிளம்பி விட்டது.

- கே.ராஜாதிருவேங்கடம்

படம்: க.தனசேகரன்