Published:Updated:

மீண்டும் இருட்டு!

மிரட்டும் மேட்டூர்

மீண்டும் இருட்டு!

மிரட்டும் மேட்டூர்

Published:Updated:
##~##

மிழக மக்களுக்கு இது போதாத காலம். மின்வெட்டால் அவதிப்பட்டுவந்த மக்களுக்கு, கடந்த வாரத்தில் சில நாட்கள், காற்றாலை காரண​மாக தடை இல்லாமல் மின்சாரம் கிடைத்தது. கூடங்​குளம் மின்சாரம் விரைவில் வந்துவிடும் என்று, குஷியில் இருந்த தமிழர்கள் மீது யார் கண்பட்டதோ, மேட்டூர் அனல் மின் நிலையத்தில் திடீர் தீ விபத்து. தொடர்ந்து, உற்பத்தியாகி வந்த 840 மெகா வாட் மின்சாரம் நின்றுபோகவே, தமிழகத்தை மீண்டும் மிரட்டுகிறது இருட்டு. 

என்ன நடந்தது மேட்டூரில்?

ஒட்டுமொத்த விகடனுக்கும் ஒரே ஷார்ட்கட்!

''கடந்த 8-ம் தேதி இரவு 11 மணிக்கு, கன்வேயர் பெல்ட்டில் திடீ​ரென்று தீப்பிடித்தது. தீ மளமளவெனப் பரவி, இரண்டே நிமிடங்களில் அரை கி.மீ. நீளம் உள்ள கன்வேயர் பெல்ட்டுடன் சேர்ந்து பிளாட்ஃபாரமும் எரிந்தது. அப்போது, கன்வேயர் பெல்ட் அறுந்து விழுந்ததில், நிலக்கரியைக் கையாளும் ஊழியர் நல்லதம்பி இறந்தார். இருவர் படுகாயம் அடைந்தனர். கிட்டத்தட்ட ஏழு மணி நேரப் போராட்டத்துக்குப் பிறகு தீ அணைக்கப்பட்டது.

மீண்டும் இருட்டு!

இவ்வளவு பெரிய விபத்து ஏற்படுவதற்குக் காரணம், சரியான பராமரிப்பு இல்லாததுதான். கன்வேயர் பெல்ட்டில் ஓடும் நிலக்கரி சிதறி பெல்ட்டுக்கு அடியில் தங்குவது வழக்கம். அதை அடிக்கடி சுத்தம்​செய்துதான் கன்வேயர் பெல்ட்டை இயக்க வேண்டும். நீண்ட நாட்களாக, பெல்ட்டுக்கு அடியில் கிடக்கும் நிலக்கரி அகற்றப்படாமல் இருந்திருக்கிறது. இந்த நிலை​யில் கன்வேயர் பெல்ட்டில் தீப்பிடித்தவுடன், பெல்ட்டுக்கு அடியில் கிடந்த நிலக்கரியிலும் தீ பற்றிக்கொண்டது. அதனால்தான், உடனே அணைக்க முடியாத அளவுக்கு தீ வேகமாகப் பரவியது. இது, ஒரு மாதத்தில் சரியாகக்கூடிய பிரச்னை இல்லை. குறைந்தபட்சம் மூன்று மாதங்களாவது ஆகும்'' என்று ஊழியர்கள் அதிர்ச்சி செய்தி தந்தனர்.

மேட்டூர் அனல் மின் நிலையத் தலைமைப் பொறி​யாளர் மாதுவிடம் பேசினோம். ''தீ விபத்துக்குக் காரணம் மின்கசிவுதான். பராமரிப்புப் பணிகள் சரி​யாக நடைபெறவில்லை என்று சொல்வது தவறான தகவல். விபத்து நடப்பதற்கு முதல்நாள்தான் கன்வேயர் பெல்ட் மாற்றப்பட்டது. கண்டிப்பாக ஒரு மாதத்துக்குள் சீரமைப்புப் பணிகள் முடிந்து, மின் உற்பத்தி தொடங்கப்படும்'' என்றார் உறுதியாக.

சட்டசபையில் பேசிய முதல்வர் ஜெயலலிதா, ''மேட்டூரில் ஏற்பட்ட தீ விபத்து காரணமாக ஏற்பட்டுள்ள மின்சாரப் பற்றாக்குறையை ஈடுகட்டும் வகையில் தூத்துக்குடி மற்றும் சென்னையில் உள்ள அனல் மின் நிலையங்​களில் போர்க்கால அடிப்படையில் மின்உற்பத்தி நடவடிக்கை மேற்கொள்ளப்படும்'' என்று நம்பிக்கை தருகிறார்.

பார்ப்போம்!

- ம.சபரி, படம்: மகா.தமிழ்ப்பிரபாகரன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism