Published:Updated:

சீமானின் '2016' திட்டம்!

எங்கள் எம்.எல்.ஏ-க்கள் 10-ம் வகுப்பில் பத்திரமாக இருக்கிறார்கள்

சீமானின் '2016' திட்டம்!

எங்கள் எம்.எல்.ஏ-க்கள் 10-ம் வகுப்பில் பத்திரமாக இருக்கிறார்கள்

Published:Updated:
##~##

தேர்தல் அரசியலுக்குள் மெள்ள அடி​யெ​டுத்து வைக்க ஆரம்பித்து ​விட்​டார் சீமான். அதற்கான முஸ்தீபுகளை மதுரை விசிட்டில் பார்க்க முடிந்தது. 

'நாம் தமிழர்' இயக்கத்தின் கிளை அமைப்பான, 'கலை இலக்கியப் பண்பாட்டுப் பாசறை’ சார்பில் மதுரையில் கலைவிழா நடைபெற்றது. கரகாட்டம், மயிலாட்டம், ஒயிலாட்டம், சிலம்பாட்டம், தப்பாட்டம், கிராமிய இசை உள்ளிட்ட நிகழ்ச்சிகளோடு... முல்லை பெரியாறு, ஈழப்பிரச்னை பற்றிய நாடகங்களும் கலை விழாவில் இடம் பிடித்தன. 'இந்திய வரைபடமே ஒரு மாயைதான். அதை உடைத்தெறிய வேண்டும்’ என்று வலியுறுத்தியது 'மறைக்கப்பட்ட தாய்’ என்ற நாடகம். இயக்குனர்கள் மணிவண்ணன், ஆர்.கே.செல்வமணி, பாலா, அமீர், ஜனநாதன் ஆகியோர் பங்கேற்க இருப்பதாக முதலில் அறிவிக்கப்பட்டிருந்தது. ஆனால், அமீரும் செல்வமணியும் மட்டுமே வந்து இருந்தனர்.

ஒட்டுமொத்த விகடனுக்கும் ஒரே ஷார்ட்கட்!

சீமானின் '2016' திட்டம்!

விழாவில் பேசிய அமீர், 'அழிந்து கொண்டிருக்கிற ஓர் இனத்தைக் காக்கும் தலைவராகத்தான் சீமானை நான் பார்த்திருக்கிறேன். இப்போது கலையையும் சேர்த்து மீட்டெடுக்க வந்திருக்கிறார். மண்ணின் கலைகளைக் காக்கும் இந்தப் பாசறை, மாபெரும் வெற்றி அடையும். இந்தக் கலைகள் திரைப்படங்களிலும் முக்கியத்துவம்  பெறும் நாள் வெகு விரைவில் வரும்'' என்றார்.

''எமது கட்சி வரும் 2016 சட்டசபைத் தேர்தலில் போட்டியிடும்'' என்று பேச்சைத் தொடங்கிய சீமான், 'நாங்கள் எந்தக் கட்​சிக்கும் எதிர்க்கட்சி இல்லை. எம் இனத்தின் எதிர்காலத்துக்கான கட்சி. எமக்கான சட்டமன்ற, பாராளுமன்ற உறுப்பினர்கள் இன்று 10-ம் வகுப்பிலே பத்திரமாகப் படித்துக் கொண்டு இருக்கிறார்கள். எங்கள் அரசியல் புரட்சி 2016-ல் தான் தொடங்க இருக்கிறது. தம்பி அமீரிடம் சொன்னேன், '2016 தேர்தலில் நாம் போட்டியிடுகிறோம்’ என்று. 'நீ எந்தத் தொகுதியில் விரல் நீட்டுகிறாயோ அந்தத் தொகுதியில் நான் நிற்பேன்’ என்று சொன்னான். இந்த மண்ணில் எவரும் வரலாம், வாழலாம். ஆனால், நாங்கள்தான் ஆளுவோம். நாங்கள் முட்டாள்களாகவே இருக்கட்டும். நாங்கள் அறிவு கெட்டவர்களாகவே இருந்துவிட்டுப் போகிறோம். கேவலமான ஆட்சி கூட நடத்தி விட்டுப் போகிறோம். ஆனால், நாங்களே எங்களை ஆள்வோம். நீங்கள் தயவு செய்து... தயவு செய்து போய் விடுங்கள்!'' என்று உணர்ச்சி பொங்க யாரையோ கேட்டுக்கொண்டார் சீமான்.

'2016-ல் அமீர் போட்டி’ என்று சீமான் சொன்ன​போது, பின்னால் இருந்த அமீர் 'அச்சச்சோ’ என்று பதற்ற ரியாக்ஷன் காட்டியதற்குத்தான் அர்த்தம் புரியவில்லை!

- கே.கே.மகேஷ், படம்: பா.காளிமுத்து