Published:Updated:

திண்டுக்கல்: நள்ளிரவில் ஊருக்குள் புகுந்த 30 பேர்; தலைதூக்கும் கூலிப்படை கலாசாரம் - என்ன நடக்கிறது?

போலீஸாா் குவிப்பு

திண்டுக்கல் மாவட்டத்தின் பல பகுதிகளில் நடக்கும் நிலத்தகராறு, கொடுக்கல் வாங்கல் பிரச்னை, காதல் விவகாரம் உட்பட்ட குடும்பப் பிரச்னைகள், போதைப்பொருள் வியாபாரப் பிரச்னை உள்ளிட்டவை கட்டப்பஞ்சாயத்து மூலமாகவே தீர்க்கப்படுகின்றனவாம்.

திண்டுக்கல்: நள்ளிரவில் ஊருக்குள் புகுந்த 30 பேர்; தலைதூக்கும் கூலிப்படை கலாசாரம் - என்ன நடக்கிறது?

திண்டுக்கல் மாவட்டத்தின் பல பகுதிகளில் நடக்கும் நிலத்தகராறு, கொடுக்கல் வாங்கல் பிரச்னை, காதல் விவகாரம் உட்பட்ட குடும்பப் பிரச்னைகள், போதைப்பொருள் வியாபாரப் பிரச்னை உள்ளிட்டவை கட்டப்பஞ்சாயத்து மூலமாகவே தீர்க்கப்படுகின்றனவாம்.

Published:Updated:
போலீஸாா் குவிப்பு

திண்டுக்கல் மாவட்டம், நிலக்கோட்டை அருகே கந்தப்பக்கோட்டை என்ற கிராமத்தில் கத்தி, அரிவாள், பெட்ரோல் குண்டு உள்ளிட்டவையுடன் நள்ளிரவில் புகுந்த 30 பேர் கொண்ட கும்பல் குடியிருப்புகளைச் சேதப்படுத்தி, ஆடு, மாடு உள்ளிட்ட கால்நடைகளையும், தடுக்க முயன்ற ஐந்துக்கும் மேற்பட்ட நபர்களைத் தாக்கியும் வெட்டியும் தப்பியோடிவிட்டது.

பாதிக்கப்பட்ட மக்கள்
பாதிக்கப்பட்ட மக்கள்

யாரும் எதிர்பாராத நேரத்தில் 30 பேர் கொண்ட கும்பல் இவ்வாறு தாக்குதல் நடத்த என்ன காரணம் என அம்மையநாயக்கனுர் போலீஸாரிடம் விசாரித்தோம். நிலக்கோட்டை அருகே உள்ள பள்ளப்பட்டி பகுதியைச் சேர்ந்தவர் ஆதித்யா. இவர் மினிவேனில் மீன் வியாபாரம் செய்துவருகிறார். திங்கள்கிழமை காலை 8 மணிக்கு பள்ளப்பட்டியை அடுத்த கந்தப்பக்கோட்டையில் மீன் வியாபாரம் செய்துகொண்டிருந்தார். அப்போது மீன் ஏற்றிவந்த மினிவேன் ரோட்டில் நிறுத்தப்பட்டிருந்தது.

ஒட்டுமொத்த விகடனுக்கும் ஒரே ஷார்ட்கட்!

மீன்
மீன்

அவ்வழியே பைக்கில் வந்த அப்பகுதியைச் சேர்ந்த கலைச்செல்வன் என்பவர் வேனை ஓரமாக நிறுத்தி வியாபாரம் செய்யக் கூறியுள்ளார். இதற்கு கலைச்செல்வன் மறுப்புத் தெரிவித்ததால் இருவருக்கும் வாக்குவாதம் ஏற்பட்டுள்ளது. மேலும் வாக்குவாதம் முற்றியதில் ஆதித்யா, கலைச்செல்வனின் பைக்கை கீழே தள்ளி உடைத்துள்ளார். பிரச்னை பெரிதானதை உணர்ந்த ஆதித்யா அங்கிருந்து சென்றுவிட்டார். வியாபாரத்தை முடித்துவிட்டு அருகே உள்ள தோப்பில் தனது நண்பர்கள் இருவருடன் சேர்ந்து மினிவேனை கழுவிக்கொண்டிருந்தார்.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இதற்கிடையே தங்கள் பகுதிக்கே வந்து, தன்னைத் தாக்கி, பைக்கையும் உடைத்துவிட்டுச் சென்ற ஆதித்யாவுக்கு பதிலடி கொடுக்க வேண்டும் என கலைச்செல்வன் தரப்பினர் ஆதித்யா இருந்த தோப்புக்கு வந்தனர். அவர்கள் வருவதை அறிந்த ஆதித்யாவும் அவரின் நண்பர்களும் வேனை அங்கேயே விட்டுவிட்டு தப்பியோடிவிட்டனர். ஆனால் ஆத்திரத்தோடு அங்கு வந்த கலைச்செல்வன் தரப்பு வேனை அடித்து நொறுக்கிவிட்டுச் சென்றுவிட்டனர்.

வெட்டுப்பட்ட ஆடு
வெட்டுப்பட்ட ஆடு

இது தொடர்பாக இருதரப்பும் காவல் நிலையத்தில் புகார் அளிக்க வந்தனர். ஆனால் அவர்கள் பகுதியைச் சேர்ந்த அரசியல் பிரமுகர் ஒருவர் இருதரப்பிடமும் பேச்சுவார்த்தை நடத்தி பிரச்னையை முடித்துக்கொள்வதாகக் கூறிவிட்டாராம். மேலும் அவர்களிடம் பேச்சுவார்த்தை நடத்தி அவரவர் வாகனங்களை அவரவர் சரிசெய்துகொள்ள வேண்டும். மேற்கொண்டு பிரச்னையில் ஈடுபடக் கூடாது எனக் கூறி அனுப்பிவிட்டார். இதனால் இவ்விவகாரம் தொடர்பாக வழக்கு பதிவு செய்யவில்லை. அன்று மாலையும்கூட இருதரப்புக்கும் இடையே மோதல் உருவாகும் சூழல் இருந்துள்ளது. ஆனால் பெரியவர்கள் தலையிட்டு பிரச்னை வளரக் கூடாது எனக் கட்டுப்படுத்தியுள்ளனர்.

சேதமாகிய ஆட்டோ
சேதமாகிய ஆட்டோ

பட்டியலின சமூகத்தைச் சேர்ந்தவர்கள் தன்னைத் தாக்கிவிட்டதாக ஆத்திரப்பட்ட ஆதித்யா, பேச்சுவார்த்தைக்கு கட்டுப்படாமல், மதுரை, வாடிப்பட்டி, சோழவந்தான் ஆகிய பகுதிகளிலிருந்து 30 பேரைக்கொண்ட கூலிப்படையை நிலக்கோட்டைக்கு வரவழைத்துள்ளார். அவர்கள் திரைப்பட பாணியில் நள்ளிரவு ஊருக்குள் புகுந்து பட்டாக்கத்தி, வாள், அரிவாள், உருட்டுக்கட்டை உள்ளிட்ட ஆயுதங்களுடன் தெருத் தெருவாகச் சுற்றி வீடுகளைச் சேதப்படுத்தியுள்ளனர். மேலும் தெருக்களில் நிறுத்தப்பட்டிருந்த கார், ஆட்டோ, பைக்குகளை அடித்து நொறுக்கியுள்ளனர். தடுக்க முயன்ற ஆறு பேரை அரிவாளால் வெட்டியுள்ளனர். அதில் ஒருவர் உயிருக்கு ஆபத்தான நிலையில் உள்ளார். மேலும் அப்பகுதியில் பெட்ரோல் குண்டுகளும் வீசப்பட்டுள்ளன. ஆடு, மாடு உள்ளிட்ட கால்நடைகளையும் அரிவாள், கத்தியால் வெட்டிவிட்டு அங்கிருந்து தப்பியுள்ளனர்.

எஸ்.பி விசாரணை
எஸ்.பி விசாரணை

இது குறித்து தகவல் கிடைத்ததும் போலீஸார் அங்கு குவிக்கப்பட்டனர். திண்டுக்கல் தேனி சரக காவல்துறை துணைத் தலைவர் ரூபேஷ்குமார் மற்றும் மாவட்ட காவல்துறை கண்காணிப்பாளர் சீனிவாசன் ஆகியோர் நிகழ்விடத்தில் விசாரணை நடத்தினர். மேலும் தனிப்படை அமைத்து கூலிப்படையினரைத் தேடிவருகின்றனர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பெயர் வெளியிட விரும்பாத சமூக ஆர்வலர் ஒருவர், ``அம்மையநாயக்கனுர், நிலக்கோட்டை, வத்தலக்குண்டு ஆகிய போலீஸ் ஸ்டேஷன்களுக்கு உட்பட்ட பகுதிகளில் நடக்கும் நிலத்தகராறு, கொடுக்கல் வாங்கல் பிரச்னை, காதல் விவகாரம் உட்பட்ட குடும்பப் பிரச்னைகள், போதைப்பொருள் வியாபார பிரச்னை உள்ளிட்டவை கட்டப்பஞ்சாயத்து மூலமாகவே தீர்க்கப்படுகின்றன. போலீஸ் ஸ்டேஷன்களுக்கு பிரச்னை போனாலும் சில ஆளுங்கட்சிப் பிரமுகர்கள் மூலமாகவே பேச்சுவார்த்தை நடக்கிறது. போலீஸார் இதில் தலையிடாமல் இருக்க உரிய கவனிப்பும் நடக்கிறது. இதனால் தற்காலிமாக முடியும் பிரச்னைகள் மீண்டும் தலைதூக்க ஆரம்பிக்கின்றன.

கூலிப்படையால் சேதமான குடியிருப்புகள்
கூலிப்படையால் சேதமான குடியிருப்புகள்

நிலக்கோட்டை பகுதியில் கூலிப்படையினரை அழைத்துவந்து பழிதீர்ப்பது என்பது புதிதானது அல்ல. கடந்த மாதம்கூட நிலக்கோட்டை அருகே குள்ளிசெட்டிபட்டியில் கொடுக்கல் வாங்கல் பிரச்னைக்காக 16 பேர் கொண்ட கூலிப்படையினர் கிராமத்தையே சூறையாடிவிட்டுச் சென்றனர். இதேபோல வத்தலக்குண்டு பகுதியில் ஹோட்டல் உரிமையாளர் கடத்தல் விவகாரத்திலும் கூலிப்படையினர் பயன்படுத்தப்பட்டுள்ளனர். இதுபோல திண்டுக்கல் மாவட்டத்தில் பல்வேறு பகுதிகளில் கூலிப்படையினர் 10 ஆயிரம் முதல் 5 ஆயிரம் ரூபாய்க்குக்கூட வரவழைக்கப்பட்டுக்கொண்டிருக்கின்றனர். இந்தக் கூலிப்படை கலாசாரத்தை தடுக்க காவல்துறையினர் உரிய நடவடிக்கை எடுக்க வேண்டும்” என்றார்.

எஸ்.பி சீனிவாசன்
எஸ்.பி சீனிவாசன்

இது குறித்து மாவட்ட எஸ்.பி சீனிவாசனிடம் பேசினோம். ``குடியிருப்புகளைச் சேதப்படுத்தி, ஆயுதங்கள் கொண்டு தாக்கிய நபர்களைப் பிடிக்க நான்கு தனிப்படை அமைத்துள்ளோம். தற்போது ஆறு நபர்களைப் பிடித்து விசாரித்துவருகிறோம். மாவட்டத்தில் குற்றச்செயல்களில் ஈடுபடுவோரைக் கண்காணித்துவருகிறோம். இதேபோல அருகில் உள்ள கிராமத்தில் நடந்த பிரச்னையிலும் உரிய நடவடிக்கை எடுக்கப்பட்டிருக்கிறது” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism