Published:Updated:

எங்களை மனுஷனாவாச்சும் மதிங்க!

பூகம்பத்தில் பூந்தமல்லி அகதிகள்

எங்களை மனுஷனாவாச்சும் மதிங்க!

பூகம்பத்தில் பூந்தமல்லி அகதிகள்

Published:Updated:

பூந்தமல்லி அகதிகள் சிறப்பு முகாமில் அடைக்கப்பட்டு இருக்கும் இலங்கைத்

##~##
தமிழர்களின் உண்ணாவிரதம்மீண்டும் தொடங்கிவிட்டது. அடிக்கடிநடக்கும் இந்தப் போராட்டத்தை, அதிகாரிகள் சாதாரண​மாகவே எடுத்துக்கொள்வார்கள். ஆனால், இந்த முறை அவர்கள் காட்டும் தீவிரம் அதிகாரிகளை அதிர்ச்சி அடையவைத்துள்ளது. 

கடந்த 19-ம் தேதி உண்ணாவிரதப் போராட்​டத்தை தொடங்கியுள்ள பூந்தமல்லி முகாம் அகதிகளிடம் பேசினோம். ''போர் நடந்தபோது, இலங்கையில் இருந்து தப்பி கடல் வழியாக இந்தியா வந்தோம். பாஸ்போர்ட் இல்லாதது உட்பட சில குற்றங்களைச் சுமத்தி எங்களை கைது செய்து செங்கல்பட்டில்

எங்களை மனுஷனாவாச்சும் மதிங்க!

வைத்தார்கள். எங்களை விடுவிக்கக் கோரி கடந்த ஆண்டு உண்ணாவிரதம் இருந்த நேரத்தில், போலீஸ் கண்மூடித்தனமாகத் தாக்கியது. ரத்தம் சொட்டச் சொட்ட, வேலூர் சிறையில் அடைத்தனர். பின், அங்கே இருந்து எங்களை பூந்தமல்லி சிறப்பு முகாமுக்குக் கொண்டு வந்தனர்.

அதன் பிறகு, கடந்த பிப்ரவரி 1 உண்ணாவிரதம் இருந்தோம். எங்கள் போராட்டம் காரணமாக பூந்தமல்லி சிறப்பு முகாமில் இருந்த ஒன்பது பேரில் பிரதீபன், பகீரதன், செல்வகுமார், பரமேஸ்வரன், பத்மராஜா ஆகிய ஐந்து பேரை விடுதலை செய்தனர். மற்ற நால்வரையும் ஒரு மாதத்தில் விடுவிப்பதாக உறுதி அளித்தனர். அதை நம்பி, போராட்டத்தைக் கைவிட்டோம். ஆனால், இதுவரை விடுதலை கிடைக்கவில்லை. அதனால், அமலன், கங்காதரன், சந்திரகுமார், ஜெயமோகன் நால்வரும் உண்ணாவிரதம் இருக்கிறார்கள். ஆனால், இதுவரைக்கும் அதிகாரிகள் வந்து பார்க்கவில்லை.

ஆண்டுக்கணக்கில் இந்த முகாமில் அடைபட்டுக்​கிடக்கிறோம். எங்கள் மீது குற்றப் பத்திரிகைகூட தாக்கல் செய்யவில்லை. எங்களை விடுவிக்க வேண்டும் அல்லது குற்றப் பத்திரிகை தாக்கல் செய்ய வேண்டும் என்பதுதான் எங்கள் கோரிக்​கை. கலெக்டர், மறுவாழ்வுத் துறை, க்யூ பிரிவு எஸ்.பி. ஆகியோருக்கு, 'நாங்கள் உண்ணாவிரதம் இருக்கப்போகிறோம்’ எனத் தகவல் தெரிவித்தோம். அந்தக் கடிதத்துக்கு பதில் வரவில்லை. குடும்பத்துடன் சேர்ந்து வாழ நாங்கள் ஆசைப்படுவது குற்றமா? இந்தியாவில் தஞ்சம் அடைந்தது குற்றமா? சிங்களவன் எங்களைக் கொல்லத் துடித்தபோது, தமிழர்கள் இருக்கிறார்கள் என்ற தைரியத்தில் இங்கு தஞ்சம் அடைந்தோம். ஆனால், இங்கு எங்களை ஒரு மனிதனாகவே யாரும் கருதவில்லை!'' என்று கொதித்தனர்.

சிறப்பு முகாமுக்கு கடந்த சனிக்கிழமை வந்த துணை கலெக்டர் சித்திரைதேவன், 'தலைமைச் செயலகத்தில் பேசி முடிவு சொல்கிறேன்’ என்று சொன்ன நிலையில், ஞாயிறன்று அமலன் உடல்​நிலை மோசமானது. அரசு மருத்துவனையில் சிகிச்சை அளித்து மீண்டும் முகாமுக்குக் கொண்டு​வரப்பட்டார். திங்கள் அன்று மற்ற மூவரின் நிலைமையும் கவலைக்கிடமானது. ஆனாலும் உண்ணாவிரதம் தொடர்கிறது.

பூந்தமல்லியை அடுத்து செங்கல்பட்டு சிறப்பு முகாமிலும் உண்ணாவிரதம் தொடங்க இருக்​கிறதாம்!

- பா.ஜெயவேல்