Published:Updated:

மாணவியிடம் வீடியோ காலில் ஆபாசம் - அருப்புக்கோட்டையில் நர்சிங் கல்லூரி சேர்மன் கைது!

சேர்மன் தாஸ்வின் ஜான் கிரேஸ்

அருப்புக்கோட்டையில் கல்லூரி மாணவியிடம் ஆபாசமாக பேசியதாக எழுந்த குற்றச்சாட்டில் தனியார் நர்சிங் கல்லூரி சேர்மன் கைது செய்யப்பட்டுள்ளார்.

மாணவியிடம் வீடியோ காலில் ஆபாசம் - அருப்புக்கோட்டையில் நர்சிங் கல்லூரி சேர்மன் கைது!

அருப்புக்கோட்டையில் கல்லூரி மாணவியிடம் ஆபாசமாக பேசியதாக எழுந்த குற்றச்சாட்டில் தனியார் நர்சிங் கல்லூரி சேர்மன் கைது செய்யப்பட்டுள்ளார்.

Published:Updated:
சேர்மன் தாஸ்வின் ஜான் கிரேஸ்

அருப்புக்கோட்டை தெற்குத் தெருவில் தனியார் நர்சிங் மற்றும் கேட்டரிங் கல்லூரி ஒன்று செயல்பட்டு வருகிறது. இந்த கல்லூரியில் சுமார் 400-க்கும் மேற்பட்ட மாணவ - மாணவிகள் பயின்று வருகின்றனர். 2008-ம் ஆண்டு தொடங்கப்பட்ட இந்தக்கல்லூரி அருப்புக்கோட்டையிலிருந்து விருதுநகர் செல்லும் சாலையில் செயல்பட்டு வந்தது. பின்னர் தீ தடுப்பு உள்ளிட்ட முறையான பாதுகாப்பு நடவடிக்கைகளை பின்பற்றவில்லை எனக்கூறி 2017-ம் ஆண்டு கல்லூரிக்கு அரசு அதிகாரிகள் சீல் வைத்தனர்.

பின்னர் மீண்டும் அதே ஆண்டில் அனைத்து பாதுகாப்பு நடவடிக்கையுடன் முறையான அரசு அனுமதி பெற்று தெற்குத்தெருவில் வாடகைக்கட்டடத்தில் கல்லூரி இயங்கத் தொடங்கியது. இக்கல்லூரியில் கிராமப்புறங்களைச் சேர்ந்த மாணவ மாணவிகள் அதிகம் பயின்று வருகின்றனர்.

பாலியல்
பாலியல்

இந்நிலையில் இக்கல்லூரியின் சேர்மன் தாஸ்வின் ஜான் கிரேஸ் என்பவர் கடந்த ஆறு மாதங்களுக்கு முன் அதேக்கல்லூரியை சேர்ந்த ஒரு மாணவிக்கு, வீடியோக்கால் செய்து நிர்வாணமாக வந்ததுடன், ஆபாசமாக பேசியதாகவும் குற்றம்சாட்டப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அந்த வீடியோ, தற்போது அந்த கல்லூரியில் பயின்று வரும் மாணவ - மாணவிகளின் செல்போனுக்கு திடீரென பரவியதால் கல்லூரி மாணவிகளும் அவர்களது பெற்றோர்களும் கடும் அதிர்ச்சி அடைந்தனர். மேலும் நர்சிங் கல்லூரியும் நேற்று மூடப்பட்டிருந்ததால் கல்லூரிக்கு வந்த மாணவிகள் கல்லூரி வாயிலில் அமர்ந்து திடீர் தர்ணாவில் ஈடுபட்டனர். இதனைத்தொடர்ந்து தகவல் அறிந்து அங்கு போலீஸார் குவிக்கப்பட்டனர்.

மாணவியிடம் வீடியோ காலில் ஆபாசம் - அருப்புக்கோட்டையில் நர்சிங் கல்லூரி சேர்மன் கைது!

இந்த குற்றச்சாட்டு தொடர்பாக, கல்லூரி சேர்மன் தாஸ்வின் ஜான் கிரேஸை அருப்புக்கோட்டை நகர் காவல்நிலைய போலீஸார் கைது செய்து விசாரணை நடத்தினர். எனினும் கல்லூரி மாணவிகள் தங்களின் படிப்புக்கும், எதிர்காலத்திற்கும் உத்தரவாதம் அளிக்க வேண்டும் எனவும் கல்லூரிக் கட்டணத்தையும், சான்றிதழ்களையும் திரும்பத்தர நடவடிக்கை எடுக்க வேண்டும் என வலியுறுத்தி பழையப்பேருந்து நிலையம் செல்லும் சாலையில் மீண்டும் திடீரென அமர்ந்து மறியல் போராட்டத்தில் ஈடுபட்டனர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

சுமார் அரை மணி நேரத்துக்கும் மேலாக மாணவ-மாணவிகள், பெற்றோர்கள் மறியலில் ஈடுபட்டதால் மதுரை - விருதுநகர் செல்லும் பிரதான சாலையில் போக்குவரத்து பாதிப்பு ஏற்பட்டது. உடனே சம்பவ இடத்துக்கு வந்த காவல் துணைக் கண்காணிப்பாளர் சகாயஜோஸ், வட்டாட்சியர் அறிவழகன், நகர் காவல்நிலைய ஆய்வாளர் பாலமுருகன் உள்ளிட்டோர் மாணவிகளிடம் சமாதானப் பேச்சுவார்த்தை நடத்தினர். அதிகாரிகளின் சமாதானத்தை ஏற்றுக்கொண்ட மாணவிகள் போராட்டத்தை கைவிட்டு கலைந்து சென்றனர்.

தொடர்ந்து, வீடியோக்காலில் மாணவியிடம் நிர்வாணமாக பேசிய கல்லூரி சேர்மன் தாஸ்வின் ஜான் கிரேஸ் மீது பாதிக்கப்பட்ட மாணவி அளித்த புகாரின் அடிப்படையில் வன்கொடுமை தடுப்புச்சட்டம், ஆபாசமாக குறுஞ்செய்தி அனுப்புதல் உள்ளிட்ட இரண்டு பிரிவுகளின் கீழ் போலீஸார் வழக்கு பதிவு செய்து கைது செய்தனர். கைது செய்யப்பட்டவரிடம் போலீஸார் தொடர் விசாரணை மேற்கொண்டு வருவதோடு அவரிடருந்து செல்போன், லேப்டாப் உள்ளிட்டவைகளும் பறிமுதல் செய்து ஆய்வு செய்யப்பட்டு வருகிறது.

இந்தசம்பவம் தொடர்பாக கல்லூரி மாணவ - மாணவியர்கள் மாவட்ட ஆட்சியரை முறையிட்டு உரிய நீதி பெற்றுதர வலியுறுத்த உள்ளதாக தகவல்கள் வெளியாகியுள்ளது. பாலியல் குற்றச்சாட்டில் கைதுசெய்யப்பட்ட தனியார் கல்லூரி சேர்மன் தாஸ்வின் ஜான்கிரேஸ், பாஜக சிறுபான்மை பிரிவு முன்னாள் விருதுநகர் கிழக்கு மாவட்ட தலைவராக பணியாற்றியவர் என்பது குறிப்பிடத்தக்கது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism