Published:Updated:

டெல்லியில் சுட்டுக்கொல்லப்பட்ட பாஜக பிரமுகர்... சிதறிக்கிடந்த தோட்டாக்கள் - போலீஸ் விசாரணை

சுட்டுக்கொல்லப்பட்ட பாஜக பிரமுகர்

கிழக்கு டெல்லி பகுதியில் பா.ஜ.க பிரமுகர் ஒருவர் மர்ம நபர்களால் சுட்டுக்கொலை செய்யப்பட்டிருக்கிறார்.

டெல்லியில் சுட்டுக்கொல்லப்பட்ட பாஜக பிரமுகர்... சிதறிக்கிடந்த தோட்டாக்கள் - போலீஸ் விசாரணை

கிழக்கு டெல்லி பகுதியில் பா.ஜ.க பிரமுகர் ஒருவர் மர்ம நபர்களால் சுட்டுக்கொலை செய்யப்பட்டிருக்கிறார்.

Published:Updated:
சுட்டுக்கொல்லப்பட்ட பாஜக பிரமுகர்

டெல்லி மயூர் விஹார் பகுதியைச் சேர்ந்தவர் ஜித்து சௌத்ரி (42). இவர் பா.ஜ.க பிரமுகர். சமீபத்தில் டெல்லியில் நடைபெற்ற அனுமன் ஜயந்தி ஊர்வலத்தில் இரண்டு தரப்பினரிடையே ஏற்பட்ட மோதல், வன்முறையாக மாறியது. இந்தச் சம்பவத்துக்குப் பிறகு டெல்லியின் சில பகுதிகளில் பதற்றமான சூழல் நீடித்துவருகிறது.

ஜித்து சௌத்ரி
ஜித்து சௌத்ரி

இந்த நிலையில், நேற்றிரவு 8 மணியளவில் ஜித்து சௌத்ரி தனது வீட்டுக்கு வெளியே நின்றுகொண்டிருந்திருக்கிறார். அப்போது அங்கு வந்த மர்மநபர்கள் சிலர் அவரைத் துப்பாக்கியால் சுட்டுக் கொலை செய்துவிட்டுத் தப்பித்தனர். இந்தச் சம்பவம் குறித்து காவல்துறையினருக்குத் தகவல் தெரிவிக்கப்பட்டது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

தகவலறிந்து வந்த போலீஸார், அவர் உடலை மீட்டு பிரேத பரிசோதனைக்கு மருத்துவமனைக்கு அனுப்பிவைத்தனர். மேலும், இந்தக் கொலை தொடர்பாக அந்தப் பகுதியிலுள்ள சிசிடிவி காட்சிகளை ஆய்வு செய்துவருகிறார்கள். சம்பவத்தை நேரில் பார்த்தவர்களிடமும் விசாரணை மேற்கொண்டுவருகிறார்கள். மேலும், கொலை நடந்த இடத்தில் சிதறிக்கிடந்த தோட்டாக்களையும், சில முக்கியத் தடயங்களையும் போலீஸார் கைப்பற்றியுள்ளனர்.

கொலை நடைபெற்ற இடம்
கொலை நடைபெற்ற இடம்
ANI

இந்தச் சம்பவத்துக்கு பா.ஜ.க கடும் கண்டனம் தெரிவித்துள்ளது. மேலும், கொலைக் குற்றவாளிகளை உடனடியாக கைதுசெய்ய வேண்டும் என்றும் வலியுறுத்தியிருக்கிறது. டெல்லியில் ஏற்கெனவே பதற்றமான சூழல் நீடிக்கும் நிலையில், பா.ஜ.க பிரமுகர் ஒருவர் சுட்டுக் கொலை செய்யப்பட்டிருப்பது நிலைமையை மேலும் பதற்றமடையச் செய்துள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism