Election bannerElection banner
Published:Updated:

சென்னை: வங்கி மேலாளர் என்று பேசிய மர்ம நபர்! - கிரெடிட் கார்டு விவரங்களைப் பெற்று ரூ.87,000 மோசடி

கிரெடிட் கார்டு மோசடி
கிரெடிட் கார்டு மோசடி ( representational image )

சென்னையில் நான்கு கிரெடிட் கார்டுகளைப் பயன்படுத்திவந்த இளைஞரிடம் வங்கி மேலாளர் என்று கூறி போனில் பேசியவர், நூதன முறையில் பணத்தை ஏமாற்றியிருக்கிறார்.

சென்னை, புதுப்பேட்டை கொய்யாதோப்பு டி.என்.ஹெச்.பி காலனியில் குடியிருப்பவர் வரபிரசாத் (38). இவர் நான்கு கிரெடிட் கார்டுகளைப் பயன்படுத்திவருகிறார். கடந்த 18.2.2021 அன்று வரபிரசாத்துக்கு ஒரு போன் அழைப்பு வந்தது. அதில் பேசியவர், தன்னை வங்கியின் மேலாளர் என்று அறிமுகப்படுத்திக்கொண்டார். பின்னர் அவர், வரபிரசாத்திடம் நீங்கள் பயன்படுத்திவரும் கிரெடிட் கார்டுகளுக்கு போனஸ் பாயின்ட் தருவதாகக் கூறியிருக்கிறார்.

கிரெடிட் கார்டு
கிரெடிட் கார்டு
representational image

அதை நம்பிய வரபிரசாத்தும் தனது கிரெடிட் கார்டுகளின் விவரங்களையும், செல்போனுக்கு வந்த ஓ.டி.பி எண்ணையும் வங்கி மேலாளர் என்று கூறியவரிடம் தெரிவித்திருக்கிறார். அடுத்த சில நிமிடங்களில் வரபிரசாத்துக்கு வந்த மெசேஜ் அதிர்ச்சியளித்திருக்கிறது. அதில் நான்கு கிரெடிட் கார்டுகளையும் பயன்படுத்தி 87,631 ரூபாய் ஆன்லைன் பணப் பரிவர்த்தனை மூலம் எடுக்கப்பட்டிருப்பதாகக் குறிப்பிடப்பட்டிருந்தது. அதைப் பார்த்து வரபிரசாத் அதிர்ந்துபோனார்.

பின்னர் இது குறித்து திருவல்லிக்கேணி சைபர் க்ரைம் போலீஸில் புகார் கொடுத்தார். அதன்பேரில் எழும்பூர் காவல் நிலையத்தில் வழக்கு பதிவு செய்யப்பட்டு விசாரணை நடந்தது. திருவல்லிக்கேணி சைபர் க்ரைம் போலீஸார் வரபிரசாத்தின் கிரெடிட் கார்டுகளைப் பயன்படுத்தி ஆன்லைன் மூலம் பணப் பரிவர்த்தனை நடந்தது தொடர்பாக ஆய்வு செய்தனர். அப்போது இரண்டு மொபைல் செயலிகள் மூலம் பணப் பரிவர்த்தனை நடந்தது தெரியவந்தது.

நிம்மதியைப் பறித்த கிரெடிட் கார்டுகள்... தப்பிக்க என்ன வழி..? காப்பாற்றும் வழிமுறைகள்
சைபர் க்ரைம்
சைபர் க்ரைம்
representational image

இதையடுத்து திருவல்லிக்கேணி சைபர் க்ரைம் போலீஸார் சம்பந்தப்பட்ட வங்கிகளுக்கு விவரத்தைக் கூறி வரபிரசாத்தின் பணத்தை திரும்பக் கொடுக்கும்படி பரிந்துரைக் கடிதம் அனுப்பினர். அதன்பேரில் வங்கி நிர்வாகத்தினர் வரபிரசாத்தின் வங்கிக் கணக்குக்கு 57,081 ரூபாயை திருமபச் செலுத்தினர். மீதமுள்ள தொகையை மீட்க திருவல்லிக்கேணி சைபர் க்ரைம் போலீஸார் நடவடிக்கை எடுத்துவருகின்றனர். வரபிரசாத்திடம் வங்கி மேலாளர் எனப் பேசி பணத்தை மோசடி செய்தவர் குறித்து எழும்பூர் போலீஸார் விசாரித்துவருகின்றனர்.

Election bannerElection banner
அடுத்த கட்டுரைக்கு