Published:Updated:

சென்னை: ஏடிஎம் இயந்திரத்தை உடைத்த திருடர்கள்! - மும்பையிலிருந்து வந்த தகவலால் சிக்கிய கொள்ளையர்கள்

ஒட்டுமொத்த விகடனுக்கும் ஒரே ஷார்ட்கட்

Use App
ஏடிஎம் இயந்திரத்தை உடைத்து திருட முயன்ற வடமாநில இளைஞர்
ஏடிஎம் இயந்திரத்தை உடைத்து திருட முயன்ற வடமாநில இளைஞர்

சென்னையில் ஏடிஎம் இயந்திரத்தை உடைத்து திருட முயன்ற வடமாநில இளைஞர்களை போலீஸார் கைதுசெய்திருக்கின்றனர்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

சென்னை, வேளச்சேரி காவல் நிலையப் பகுதியில் 10-ம் தேதி தலைமைக் காவலர் வினோத், காவலர் ராஜன் ஆகியோர் இரவு ரோந்து பணியில் ஈடுபட்டுக்கொண்டிருந்தனர். அப்போது தண்டீஸ்வரம் பகுதியிலுள்ள பஞ்சாப் நேஷனல் வங்கி ஏடிஎம்-ல் இரண்டு நபர்கள் இயந்திரத்தை உடைத்து கொள்ளையடிக்க முயல்வதாக அந்த வங்கியின் மும்பை கட்டுப்பாட்டு அறையிலிருந்து காவல் கட்டுப்பாட்டு அறைக்கு தகவல் தெரிவிக்கப்பட்டது. இந்தத் தகவல், காவல் கட்டுப்பாட்டு அறையிலிருந்து வேளச்சேரி ரோந்து போலீஸாருக்குக் கூறப்பட்டது.

சென்னை: 2 ஏடிஎம் இயந்திரங்களுடன் மல்லுக்கட்டிய கொத்தனார் - லாக்கரை உடைக்க முடியாததால் தப்பிய பணம்!
ஏடிஎம் இயந்திரத்தை உடைக்கும் வடமாநில இளைஞர்
ஏடிஎம் இயந்திரத்தை உடைக்கும் வடமாநில இளைஞர்

உடனடியாக போலீஸார் சம்பவ இடத்துக்குச் சென்றனர். அப்போது இரண்டு இளைஞர்கள் ஏடிஎம் இயந்திரத்தை உடைத்துக்கொண்டிருந்தனர். அதைப் பார்த்த போலீஸார் உடனடியாக ஏடிஎம் மையத்தில் ஷட்டரைப் பூட்டினர். அதனால் இளைஞர்கள் வசமாக உள்ளுக்குள் சிக்கிக்கொண்டனர். பின்னர் அவர்களை போலீஸார் மடக்கிப் பிடித்தனர். அவர்களிடம் விசாரித்தபோது மிஸோரம் பகுதியைச் சேர்ந்த ரேம்ளல்ங்கக (29), ஜானி லால்ரூடிகிமா (28) எனத் தெரியவந்தது.

இவர்கள் இருவரும் ஏடிஎம் திருடர்களாக மாறியது எப்படி என போலீஸார் கூறுகையில், ``கடந்த ஓராண்டுக்கு முன் வேலை தேடி ரேம்ளல்ங்கக, ஜானி லால்ரூடிகிமா இருவரும் சென்னை வந்து காரம்பாக்கம் பகுதி கந்தசாமி நகர், 3-வது குறுக்குத் தெருவில் தங்கியிருந்திருக்கின்றனர். ஆனால், வேலை கிடைக்கவில்லை. அதனால் பணத் தேவைக்காக ஏடிஎம் மையத்தை உடைத்து பணத்தைத் திருட முயன்றிருக்கின்றனர்.

ஏடிஎம் இயந்திரத்தை உடைக்க முயன்ற வடமாநில இளைஞர்
ஏடிஎம் இயந்திரத்தை உடைக்க முயன்ற வடமாநில இளைஞர்

ஏடிஎம் இயந்திரத்தை உடைக்க முயன்றபோது அங்கிருந்த சிசிடிவி-யில் அந்தக் காட்சி பதிவாகியிருக்கிறது. அதை வங்கியின் தலைமை அலுவலகப் கட்டுப்பாட்டிலிருந்த ஊழியர்கள் பார்த்து, உடனடியாக காவல்துறைக்கு தகவல் தெரிவித்தனர். அதிகாலை 2 மணியளவில் சம்பவ இடத்துக்குச் சென்று ஏடிஎம் இயந்திரத்தை உடைத்து, கொள்ளையடிக்க முயன்ற வடமாநில இளைஞர்களைப் பிடித்து கைதுசெய்திருக்கிறோம். அதனால் ஏடிஎம் இயந்திரத்திலிருந்த லட்சக்கணக்கான ரூபாய் தப்பியிருக்கிறது" என்றனர்.

ஏடிஎம் இயந்திரத்தை உடைத்து திருட முயன்றது தொடர்பாக வங்கி மேலாளர் ராஜேஷ் கண்ணன் வேளச்சேரி காவல் நிலையத்தில் புகாரளித்தார். அதன்பேரில் போலீஸார் ரேம்ளல்ங்கக, ஜானி லால்ரூடிகிமா இருவரையும் கைதுசெய்து, நீதிமன்றத்தில் ஆஜர்படுத்தி சிறையில் அடைத்திருக்கின்றனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு