Election bannerElection banner
Published:Updated:

போன் இணைப்பைத் துண்டித்ததும் சென்னையிலிருந்து நொய்டாவுக்குச் சென்ற பணம்! - அதிரவைத்த மோசடி

 மோசடி செய்த கும்பலிடமிருந்து பறிமுதல் செய்யப்பட்ட பணம்
மோசடி செய்த கும்பலிடமிருந்து பறிமுதல் செய்யப்பட்ட பணம்

எஸ்.பி.ஐ - கிரெடிட் கார்டு பிரிவிலிருந்து பேசுவதாகக் கூறி 64,000 ரூபாயை ஏமாற்றிய கும்பலை சென்னை சைபர் க்ரைம் போலீஸார் பிடித்திருக்கின்றனர்.

சென்னை செம்பரப்பாக்கம், லேக் வியூ அடுக்குமாடிக் குடியிருப்பில் வசித்துவருபவர் சந்திரசேகர் (56). இவர் எஸ்.பி.ஐ வங்கியின் கிரெடிட் கார்டைப் பயன்படுத்திவருகிறார். கடந்த 18.11.2020-ல் சந்திரசேகருக்கு ஒரு போன் அழைப்பு வந்தது. அதில் பேசியவர், எஸ்.பி.ஐ கிரெடிட் கார்டு பிரிவில் பணியாற்றிவருவதாகக் கூறியிருக்கிறார். அதை உண்மையென சந்திரசேகர் நம்பியிருக்கிறார். பிறகு போனில் பேசியவர், தங்களின் கடன் தொகையை அதிகரித்துத் தருவதாகவும், ரிவார்டு பாயின்ட்டை அதிகரிப்பதாகவும் கூறியிருக்கிறார். அதன் பிறகு சந்திரசேகரின் கிரெடிட் கார்டு நம்பர்கள், விவரங்களை போனில் பேசியவர் கேட்டறிந்தார்.

மோசடி
மோசடி
Representational Image

அதன் பிறகு வந்த ஓ.டி.பி எண்ணையும் சந்திரசேகர் போனில் பேசியவரிடம் கூறியிருக்கிறார். போன் இணைப்பைத் துண்டித்த சில நிமிடங்களிலேயே கிரெடிட் கார்டிலிருந்து 64,000 ரூபாய் எடுக்கப்பட்டதாக சந்திரசேகரின் செல்போனுக்கு எஸ்.எம்.எஸ் வந்திருக்கிறது. அதைப் பார்த்து அதிர்ச்சியடைந்த சந்திரசேகர், அம்பத்தூர் துணை கமிஷனர் அலுவலகத்தில் செயல்படும் சைபர் க்ரைம் பிரிவில் புகாரளித்தார். அதன்பேரில் சப்-இன்ஸ்பெக்டர் குமரன் விசாரித்தார்.

அப்போது கிரெடிட் கார்டிலிருந்து செயலி ஒன்றின் மூலம் பணப் பரிவர்த்தனை செய்யப்பட்டது தெரியவந்தது. உடனடியாக சைபர் க்ரைம் போலீஸார், எஸ்.பி.ஐ வங்கிக்குத் தகவல் தெரிவித்து, பணப் பரிவர்த்தனையை உடனடியாக முடக்கம் செய்ய பரிந்துரை செய்ததோடு, எடுக்கப்பட்ட பணத்தையும் மீட்க நடவடிக்கை எடுக்கும்படி கூறினர். அதற்கு எஸ்.பி.ஐ வங்கி நிர்வாகத்தினர் செயலி மூலம் வேறு வங்கி கணக்குக்கு பணப் பரிவர்த்தனை செய்யப்பட்டிருப்பதால், தங்களால் பணத்தைத் திரும்பத் தர இயலாது என்று விளக்கம் அளித்திருக்கின்றனர்.

கைது
கைது
Representational Image
சென்னை: `ரூ.2,000-தான் டார்க்கெட்; `Sale' வாட்ஸ்அப் குரூப்!' - அதிரவைத்த ஆன்லைன் மோசடி

உடனடியாக சைபர் க்ரைம் போலீஸார், சம்பந்தப்பட்ட செயலி நிறுவனத்துக்குப் பணப் பரிவர்த்தனை செய்யப்பட்ட வங்கிக் கணக்கு விவரங்களை கடிதம் மூலம் கேட்டு பெற்றனர். அப்போது சந்திரசேகரின் கிரெடிட் கார்டிலிருந்து பணம் நொய்டாவிலுள்ள ஒருவருக்குச் சென்ற விவரம் தெரிந்தது. மேலும், அந்தப் பணம் சென்னையிலுள்ள ஒருவரின் வங்கி கணக்குக்குச் சென்றதையும் போலீஸார் கண்டறிந்தனர். அவர்களை போலீஸார் பிடித்து விசாரித்தனர். விசாரணையில், அவர்கள் கோவளம், ஈ.சி.ஆர் சாலை, வணிகர் தெருவைச் சேர்ந்த ராயிஸ்டர் சில்வா (25), சென்னை வளசரவாக்கம் ஓம்சக்தி சாலையைச் சேர்ந்த திருவனந்தன் (42) எனத் தெரியவந்தது. இதையடுத்து இருவரையும் நசரேத்பேட்டை போலீஸாரிடம் சைபர் க்ரைம் போலீஸார் ஒப்படைத்தனர். பின்னர், அவர்களை போலீஸார் கைது செய்து 30,000 ரூபாய் பணம், இரண்டு செல்போன்கள் நான்குல் டெபிட் கார்டுகள் ஆகியவற்றைப் பறிமுதல் செய்தனர்.

Election bannerElection banner
அடுத்த கட்டுரைக்கு