Published:Updated:

சென்னை: சுராணா நிறுவனம் மீதான ரூ.4,000 கோடி மோசடிப் புகார்... நிர்வாகிகள் கைது - நடந்தது என்ன?

சுராணா நிறுவனம் - முறைகேடு புகார்

சென்னையில் இயங்கிவரும் சுராணா நிறுவனத்தின் மீதான 4,000 கோடி ரூபாய் பண மோசடிப் புகார் தொடர்பாக நிர்வாகிகள் உட்பட நான்கு பேர் கைதுசெய்யப்பட்டிருக்கிறார்கள்.

சென்னை: சுராணா நிறுவனம் மீதான ரூ.4,000 கோடி மோசடிப் புகார்... நிர்வாகிகள் கைது - நடந்தது என்ன?

சென்னையில் இயங்கிவரும் சுராணா நிறுவனத்தின் மீதான 4,000 கோடி ரூபாய் பண மோசடிப் புகார் தொடர்பாக நிர்வாகிகள் உட்பட நான்கு பேர் கைதுசெய்யப்பட்டிருக்கிறார்கள்.

Published:Updated:
சுராணா நிறுவனம் - முறைகேடு புகார்

சென்னையை தலைமையிடமாகக்கொண்டு செயல்பட்டுவரும் நிறுவனம் சுராணா. கடந்த 2012-ம் ஆண்டு இந்த நிறுவனத்தின் மீது வெளிநாடுகளிலிருந்து சட்டவிரோதமாகத் தங்கத்தை இறக்குமதி செய்து விற்பனை செய்துவருவதாகக் குற்றச்சாட்டு எழுந்தது. இந்தப் புகாரை அடுத்து இந்த நிறுவனத்தில் நடைபெற்ற சோதனையில் பல கோடி ரூபாய் மதிப்புள்ள சொத்துகளும், 400 கிலோ தங்கமும் பறிமுதல் செய்யப்பட்டன.

தங்கம் - முறைகேடு புகார்
தங்கம் - முறைகேடு புகார்

இதற்கிடையே சுராணா பவர் பிளான்ட் நிறுவனம், கடந்த 2020-ம் ஆண்டு கர்நாடகாவில் மின் உற்பத்தி நிலையங்கள் அமைப்பதாக வங்கிகளில் போலியான ஆவணங்களைக் கொடுத்து சுமார் 1,495 கோடி ரூபாய் கடன் பெற்று மோசடி செய்திருப்பதாக ஒரு குற்றச்சாட்டு எழுந்தது. இந்தப் புகாரில், சுராணா பவர் பிளான்ட் நிறுவனம் வட்டியோடு சேர்த்து 1,727 கோடி ரூபாய் மோசடி செய்ததாக சிபிஐ வங்கி மோசடிப் பிரிவில் புகார் அளிக்கப்பட்டது. இந்தப் புகாரைத் தொடர்ந்து நடைபெற்ற சோதனையில் பல ஆவணங்கள் கைப்பற்றப்பட்டன.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தப் புகார் தொடர்பாக, சுராணா நிறுவன இயக்குநர்கள் விஜயராஜ் சுராணா, தினேஷ் சந்த் சுராணா, கௌதம் ராஜ் சுராணா, சாந்திலால் சுராணா ஆகிய நான்கு பேர் மீது சிபிஐ வழக்கு பதிவுசெய்திருந்தது. மேலும், இந்த நிறுவனம், பல ஆண்டுகளாகச் சரியான கணக்கு காட்டவில்லை என்பதும், பொய்யான கணக்குகளைக் காட்டி 250 கோடி ரூபாய் அளவுக்கு ஜிஎஸ்டி வரி ஏய்ப்பு செய்ததாகவும் தகவல்கள் வெளியாகின. இந்த நிறுவனத்தின் மீது, சட்டவிரோத தங்க இறக்குமதி, வங்கி மோசடி, ஜிஎஸ்டி வரி ஏய்ப்பு, வெளிநாடுகளில் முதலீடு என்று பல்வேறு குற்றச்சாட்டுகள் இருக்கின்றன.

வங்கி மோசடி கைது
வங்கி மோசடி கைது

இந்தப் புகார் தொடர்பான விசாரணை நடைபெற்றுவந்த நிலையில், அமலாக்கத்துறை அதிகாரிகள் சுராணா நிறுவனத்தைச் சேர்ந்த நிர்வாகிகள் விஜயராஜ் சுராணா, தினேஷ் சந்த் சுராணா என்பவரையும், அந்த நிறுவனத்தில் பணிபுரியும் ஆனந்த், பிரபாகரன் என்பவர்களையும் கைதுசெய்திருக்கிறது. சுராணா நிறுவனம் கிட்டத்தட்ட 4,000 கோடி ரூபாய் அளவுக்கு பண மோசடி செய்திருப்பதாகக் கூறப்படுகிறது. கைதுசெய்யப்பட்ட நான்கு பேரையும் வரும் 27-ம் தேதி வரை சிறையிலடைக்க நீதிமன்றம் உத்தரவு பிறப்பித்திருக்கிறது.