Published:Updated:

விமானத்தில் வந்து கொள்ளை; கோவையை அதிரவைத்த வட மாநில கும்பல் கைது!

திருட்டு, கொள்ளை

விமானம் மூலம் கோவை வந்து கொள்ளையடித்த வடமாநில கும்பலை போலீஸ் கைதுசெய்தது.

விமானத்தில் வந்து கொள்ளை; கோவையை அதிரவைத்த வட மாநில கும்பல் கைது!

விமானம் மூலம் கோவை வந்து கொள்ளையடித்த வடமாநில கும்பலை போலீஸ் கைதுசெய்தது.

Published:Updated:
திருட்டு, கொள்ளை

கோவை ஆர்.எஸ்.புரம் சுற்று வட்டாரப் பகுதிகளில் திருட்டு, வழிப்பறி உள்ளிட்ட குற்றச் சம்பவங்கள் நடப்பதாக தொடர்ந்து புகார் எழுந்தது. இதையடுத்து அந்த குற்றவாளிகளைப் பிடிக்க, உதவி ஆணையர் மணிகண்டன் தலைமையில் தனிப்படை அமைக்கப்பட்டது.

கோவை
கோவை

ஒட்டுமொத்த விகடனுக்கும் ஒரே ஷார்ட்கட்!

அந்தத் தனிப்படை ஆர்.எஸ்.புரம் சுற்று வட்டாரப் பகுதிகளில் தொடர் கண்காணிப்புப் பணிகளில் ஈடுபட்டு வந்தனர். அப்போது பூ மார்க்கெட் பகுதியில் சந்தேகத்துக்குறிய வகையில் கும்பல் ஒன்று சுற்றிக்கொண்டிருந்தது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

3 சிறுவர்கள் உள்ளிட்ட 7 பேர்கொண்ட அந்த வடமாநில கும்பல், ஒரு முதியவரிடமிருந்து பணம், செல்போனை திருடியிருக்கின்றனர். இதை கவனித்த தனிப்படையினர் உடனடியாகச் சென்று அவர்கள் 7 பேரையும் சுற்றி வளைத்தனர். அதைத் தொடர்ந்து அவர்களை காவல்நிலையம் அழைத்து வந்து விசாரணை நடத்தினர்.

அதில் அவர்கள், ஜார்கண்ட் மாநிலத்தைச் சேர்ந்த பகதூர் மகடோ, சந்தோஷ், பப்லு மகடோ, பீகாரைச் சேர்ந்த மனிஷ்மகோலி என்பது தெரியவந்தது. இவர்களுடன் 10,14,15 வயதில் 3 சிறுவர்களும் திருட்டில் ஈடுபட்டு வந்திருக்கின்றனர்.

இவர்கள் 7 பேரும் விமானம் மூலம் கோவைக்கு வந்து, அறை எடுத்துத் தங்கி கோவை மற்றும் திருப்பூர் மாவட்டங்களில் ஏராளமான பகுதிகளில் திருட்டுச் சம்பவத்தில் ஈடுபட்டு வந்தது விசாரணையில் தெரியவந்துள்ளது.

கைது (மாதிரி படம்)
கைது (மாதிரி படம்)
pixabay

திருடிய பிறகு, விமானம், ரயில் மூலம் சொந்த ஊர்களுக்கு செல்வதை வாடிக்கையாக வைத்துள்ளனர். இதையடுத்து பெரியவர்கள் 4 பேரை கைதுசெய்து சிறையில் அடைத்த போலீஸார், சிறுவர்கள் 3 பேரை காப்பகத்தில் ஒப்படைத்தனர்.