Published:Updated:

காரைக்குடி: `வெடிகுண்டு வீசிவிடுவேன்!’- முன்னாள் ஊராட்சித் தலைவரைப் பணம் கேட்டு மிரட்டிய நபர்

``எங்களுக்கு பை நிறைய பணம் கொடு. கடந்த ஐந்து வருடங்களுக்கு முன்பு முன்னாள் மத்திய அமைச்சர் ப.சிதம்பரம் வீட்டில் பைப் வெடிகுண்டு வீசியது நாங்கள்தான்.’’

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

சிவகங்கை மாவட்டம், காரைக்குடியை அடுத்த பர்மா காலனியில் வசித்துவருபவர் மாங்குடி. சங்கராபுரம் பஞ்சாயத்தின் முன்னாள் ஊராட்சிமன்ற தலைவரான இவர், சிவகங்கை மாவட்ட காங்கிரஸ் கமிட்டியின் துணைத் தலைவராகவும் இருந்துவருகிறார். கடந்த உள்ளாட்சித் தேர்தலில் இவரின் மனைவி தேவி மாங்குடி வெற்றி பெற்றதாக அறிவிக்கப்பட்டு, பின்னர் மற்றொரு பெண் வேட்பாளர் வெற்றிபெற்றதாக மாற்றி அறிவிக்கப்பட்டது.

வெடிகுண்டு மிரட்டல்
வெடிகுண்டு மிரட்டல்

இதனால், சிவகங்கை மாவட்டத்தில் மிகப்பெரும் சர்ச்சை ஏற்பட்டு, ஊராட்சிமன்றத் தலைவர் வெற்றி தொடர்பான வழக்கு உச்ச நீதிமன்றத்தில் நிலுவையில் உள்ளது. இந்தநிலையில் மாங்குடி வீட்டுக்குச் சென்ற தமிழ்த் தேசம் மக்கள் கட்சியைச் சேர்ந்த தமிழ்குமரன் என்பவர், தான் கொண்டு வந்திருந்த டம்மி வெடிகுண்டு,கத்தி போன்றவற்றைக் காட்டி பணம் கேட்டு மிரட்டியதாகச் சொல்லப்படுகிறது.

நாகர்கோவில்: அ.தி.மு.க எம்.பி விஜயகுமார் வீட்டுக்கு முன் கிடந்த வெடிகுண்டு! - அரசியல் பகை காரணமா?

``எங்களுக்கு பை நிறைய பணம் கொடு. கடந்த ஐந்து வருடங்களுக்கு முன்பு முன்னாள் மத்திய அமைச்சர் ப.சிதம்பரம் வீட்டில் பைப் வெடிகுண்டு வீசியது நாங்கள்தான்’’ என்று கூறி மிரட்டல் விடுத்திருக்கிறார். சுதாரித்துக்கொண்ட மாங்குடி, காரைக்குடி காவல்நிலையத்தில் உடனடியாக செல்போன் மூலம் புகார் கொடுத்திருக்கிறார். புகாரையடுத்து சம்பவ இடத்துக்கு வந்த காவல்துறையினர், தமிழ்குமரனை கைதுசெய்து காவல் நிலையத்துக்கு அழைத்துச் சென்றனர். அங்கு அவரிடம் சம்பவம் குறித்து தீவிர விசாரணை மேற்கொண்டுவருகின்றனர்.

வெடிகுண்டு மிரட்டல்
வெடிகுண்டு மிரட்டல்

இது குறித்து டி.எஸ்.பி அருணிடம் கேட்டபோது, ``தமிழ்த் தேசம் மக்கள் இயக்கம் சார்பாக வெளியிடப்படும் இதழ்களை மாங்குடி வாங்கிவந்திருக்கிறார். இதற்காக அவர் சந்தாவும் செலுத்தியிருக்கிறார். இந்தநிலையில், மாங்குடியிடம் அதிக பணம் இருக்கும் என்ற நோக்கத்தில், தமிழ்குமரன் அவரை மிரட்டிப் பணம் பறிக்கத் திட்டமிட்டிருக்கிறார். அப்போது, தானே தயாரித்த டம்மி பாம், கத்தி உள்ளிட்டவற்றை மாங்குடி வீட்டுக்கு எடுத்துச் சென்றிருக்கிறார். மாங்குடி, தகவல் கொடுத்ததன் அடிப்படையில் தமிழ்குமரனை ரிமாண்ட் செய்திருக்கிறோம். இவருக்கு வேறு நபர்களுடன் தொடர்பு இருக்கிறதா என்ற கோணத்திலும் விசாரணை நடத்திவருகிறோம்’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு