Published:Updated:

சத்தீஸ்கர் பயங்கரம்... தொடரும் மாவோயிஸ்ட் தாக்குதல்... என்ன செய்யப்போகிறது அரசு?

சத்தீஸ்கர்
பிரீமியம் ஸ்டோரி
சத்தீஸ்கர்

மாத்வி தலைமையிலான மாவோயிஸ்ட்கள், பீஜப்பூர் மாவட்டத்தின் மலைப்பகுதியில் தங்கியிருப்பதாகப் பாதுகாப்புப் படையினருக்குத் தகவல் கிடைத்திருக்கிறது.

சத்தீஸ்கர் பயங்கரம்... தொடரும் மாவோயிஸ்ட் தாக்குதல்... என்ன செய்யப்போகிறது அரசு?

மாத்வி தலைமையிலான மாவோயிஸ்ட்கள், பீஜப்பூர் மாவட்டத்தின் மலைப்பகுதியில் தங்கியிருப்பதாகப் பாதுகாப்புப் படையினருக்குத் தகவல் கிடைத்திருக்கிறது.

Published:Updated:
சத்தீஸ்கர்
பிரீமியம் ஸ்டோரி
சத்தீஸ்கர்

அரசியல் கட்சிகள் மற்றும் ஊடகங்களின் கவனமெல்லாம் தமிழ்நாடு, கேரளா, மேற்கு வங்கம் உள்ளிட்ட மாநிலங்களின் சட்டமன்றத் தேர்தல்களை நோக்கியிருந்த நேரத்தில், சத்தீஸ்கர் மாநிலத்தில் பாதுகாப்புப் படையினர்மீது மாவோயிஸ்ட்கள் தாக்குதல் நடத்தி, 22 வீரர்களைக் கொலை செய்த சம்பவம், தேசத்தையே அதிரவைத்திருக்கிறது.

சத்தீஸ்கரில், ரமன் சிங் தலைமையில் 2003 முதல் 2018 வரை பா.ஜ.க-வின் ஆட்சி நடைபெற்றது. தற்போது, பூபேஷ் பாகல் தலைமையில் காங்கிரஸ் ஆட்சி நடைபெற்றுவருகிறது. இந்தியாவில் மாவோயிஸ்ட்களின் அச்சுறுத்தலை அதிகம் எதிர்கொண்டுவரும் மாநிலங்களில் ஒன்றாக இருக்கிறது சத்தீஸ்கர். இங்கு பாதுகாப்புப் படையினருக்கும் மாவோயிஸ்ட்களுக்கும் இடையே இதுவரை 3,200-க்கும் மேற்பட்ட மோதல்கள் நடைபெற்றிருப்பதாகப் புள்ளிவிவரங்கள் தெரிவிக்கின்றன. சத்தீஸ்கரில் மாவோயிஸ்ட்களின் கை ஓங்கியுள்ள மாவட்டங்களில் ஒன்று பீஜப்பூர். அங்கு மாத்வி ஹித்மா என்ற மாவோயிஸ்ட், ஆயுதக்குழுக்களை உருவாக்கி ஏராளமான தாக்குதல் சம்பவங்களை நடத்தியிருக்கிறார். 2010-ம் ஆண்டு தண்டேவாடாவில் 76 வீரர்கள் கொல்லப்பட்ட சம்பவத்தில் மாத்வி ஹித்மாவுக்கு முக்கியப் பங்கு உண்டு என்கிறது மத்திய அரசு. அந்தச் சம்பவத்தைத் தொடர்ந்து, அவரின் தலைக்கு 35 லட்சம் ரூபாய் வெகுமதியையும் அறிவித்தது அரசு.

சத்தீஸ்கர் பயங்கரம்... தொடரும் மாவோயிஸ்ட் தாக்குதல்... என்ன செய்யப்போகிறது அரசு?

இந்தநிலையில்தான், மாத்வி தலைமையிலான மாவோயிஸ்ட்கள், பீஜப்பூர் மாவட்டத்தின் மலைப்பகுதியில் தங்கியிருப்பதாகப் பாதுகாப்புப் படையினருக்குத் தகவல் கிடைத்திருக்கிறது. இதையடுத்து, ஏப்ரல் 3-ம் தேதி மாநில அதிரடிப்படை, மத்திய ரிசர்வ் காவல் படையின் கோப்ரா படை, மாவட்ட ஆயுதப்படை ஆகியவற்றின் வீரர்கள் தேடுதல் வேட்டையில் ஈடுபட்டார்கள். அப்போது அவர்களைச் சுற்றிவளைத்த மாவோயிஸ்ட்கள், ‘யூ’ வடிவில் மூன்று பக்கங்களிலும் இருந்தபடி இயந்திரத் துப்பாக்கிகளாலும், ராக்கெட் லாஞ்சர்களாலும் தாக்குதல் நடத்தினார்கள். பாதுகாப்புப் படையினரும் எதிர்த் தாக்குதல் நடத்தினார்கள்.

இந்த மோதலில் பாதுகாப்புப் படை வீரர்கள் 22 பேரும், மாவோயிஸ்ட்கள் தரப்பில் ஒரு பெண் உள்ளிட்ட சிலரும் உயிரிழந்தார்கள். 31 படை வீரர்கள் காயமடைந்தார்கள். பாதுகாப்புப் படையினரிடமிருந்து துப்பாக்கிகள், வெடி பொருள்கள், தோட்டாக்கள், கவச உடைகள், தகவல் தொடர்பு சாதனங்கள் உள்ளிட்டவற்றை எடுத்துச் சென்ற மாவோயிஸ்ட்கள் காயமடைந்த படை வீரர் ஒருவரையும் பணயக் கைதியாக பிடித்துவைத்துள்ளனர்.

2000-ம் ஆண்டு, மத்தியப்பிரதேசத்திலிருந்து பிரிக்கப்பட்டு புதிய மாநிலமாக உருவாக்கப்பட்டதிலிருந்தே, சத்தீஸ்கரில் மாவோயிஸ்ட்களின் தாக்குதல் தொடர்ச்சியாக நடைபெற்றுவருகிறது. 2001-ம் ஆண்டு, ஜனவரி முதல் 2019-ம் ஆண்டு மே மாதம் வரையில், மாவோயிஸ்ட் தொடர்புடைய வன்முறைச் சம்பவங்களால் 1,002 மாவோயிஸ்ட்களும், 1,234 பாதுகாப்புப் படையினரும் கொல்லப்பட்டதாக உள்துறை அமைச்சகத்தின் புள்ளிவிவரம் தெரிவிக்கிறது. சுக்மா மாவட்ட கலெக்டராகப் பணியாற்றிய தமிழகத்தைச் சேர்ந்த அலெக்ஸ் பால் மேனன், 2012-ம் ஆண்டு மாவோயிஸ்ட்களால் கடத்தப்பட்டது குறிப்பிடத்தக்கது.

சத்தீஸ்கர் பயங்கரம்... தொடரும் மாவோயிஸ்ட் தாக்குதல்... என்ன செய்யப்போகிறது அரசு?

மேற்கு வங்கம், அஸ்ஸாம் தேர்தலில் முழு கவனத்தையும் செலுத்திக்கொண்டிருந்த தலைவர்களுக்கு, இந்தத் தாக்குதல் சம்பவம் ஒரு பேரதிர்ச்சி. மத்திய உள்துறை அமைச்சராக ப.சிதம்பரம் இருந்தபோதுதான், தண்டேவாடாவில் 67 சி.ஆர்.பி.எஃப் வீரர்கள் கொல்லப்பட்டனர். அதையடுத்து, மாவோயிஸ்ட்களை ஒடுக்குவதற்கான நடவடிக்கையை அவர் முடுக்கிவிட்டார். அது என்ன பலனைக் கொடுத்தது என்பது தெரியவில்லை. தற்போதைய உள்துறை அமைச்சர் அமித் ஷா, `மாவோயிஸ்ட்களுக்குத் தக்க பதிலடி கொடுப்போம்’ என்று கூறியிருக்கிறார். பதிலடி மட்டுமே போதுமா? பல ஆண்டுகளாகத் தொடரும் இந்தப் பிரச்னையைத் தீர்ப்பதற்குச் சரியான அணுகுமுறையும் செயல்திட்டமும் ஆட்சியாளர்களிடம் இருக்கின்றனவா என்பதுதான் முக்கியமான கேள்வி.

****

மாவோயிஸ்ட்களின் நோக்கம்!

சத்தீஸ்கர், ஒடிசா, ஆந்திரா, மகாராஷ்டிரா, ஜார்கண்ட், பீகார், மேற்கு வங்கம் உள்ளிட்ட மாநிலங்களில் மாவோயிஸ்ட்களின் செயல்பாடுகள் அதிகம். ஆயுதப் போராட்டத்தின் மூலமாக நாட்டின் அரசியல் மற்றும் ஆட்சி அதிகாரத்தைக் கைப்பற்றுவது என்பது மாவோயிஸ்ட்களின் லட்சியம். ஆயுதம் ஏந்திப் போராடுவது சட்டவிரோதமானது. ஆகவே, `மக்கள் யுத்தக்குழு’ மற்றும் `மாவோயிஸ்ட் கம்யூனிஸ்ட் சென்டர்’ என்ற பெயர்களில் செயல்பட்டுவந்த இயக்கங்களுக்கு இந்திய அரசு தடைவிதித்தது. அதையடுத்து, அந்த இயக்கத்தினர் 2004-ம் ஆண்டு இந்திய கம்யூனிஸ்ட் கட்சி (மாவோயிஸ்ட்) என்ற பெயரில் புதிதாக ஒரு கட்சியைத் தோற்றுவித்தனர். இதுவும் அரசால் தடைசெய்யப்பட்டது.

3,200-க்கு மேற்பட்ட சம்பவங்கள்!

கடந்த 20 ஆண்டுகளில் மாவோயிஸ்ட்களால் நடத்தப்பட்ட தாக்குதல்களில் குறிப்பிடத்தக்க சில சம்பவங்கள்...

பீஜப்பூர் மாவட்டம் ராணி போடாலியில் 2007-ல் மாவோயிஸ்ட் நடத்திய தாக்குதலில் 55 போலீஸாரும், 2009 ஜூலையில் மதன்வாடாவில் எஸ்.பி உட்பட 30 போலீஸாரும் கொல்லப்பட்டனர். 2010 ஏப்ரலில் தண்டேவாடாவில் சி.ஆர்.பி.எஃப் வீரர்கள் 76 பேரும், 2010 மே மாதத்தில் தண்டேவாடாவில் 12 போலீஸ் அதிகாரிகள் உட்பட 36 பேரும் கொல்லப்பட்டனர். 2010 ஜூனில் நாராயண்பூரில் சி.ஆர்.பி.எஃப் வீரர்கள் 27 பேரும், 2017 ஏப்ரலில் சுக்மா மாவட்டத்தில் சி.ஆர்.பி.எஃப் வீரர்கள் 25 பேரும் கொல்லப்பட்டனர். 2019 ஏப்ரலில் தண்டேவாடாவில் பா.ஜ.க பெண் எம்.எல்.ஏ-வும் நான்கு போலீஸாரும், 2020 மார்ச்சில் சுக்மாவில் பாதுகாப்புப்படையினர் 17 பேரும் கொல்லப்பட்டனர்.