<blockquote>கேரள மாநிலம்... வயநாடு பப்பனாமலை பழங்குடி மக்கள் குடியிருப்பு… அக்டோபர் 3-ம் தேதி, காலை 9:15 மணி…</blockquote>.<p>மாவோயிஸ்டுகள் நடமாட்டம் இருப்பதாகக் கிடைத்த தகவலையடுத்து, கேரள காவல்துறையின் தண்டர்போல்ட் கமாண்டோ பிரிவுக் காவலர்கள் ரோந்துப்பணியில் ஈடுபட்டிருந்தார்கள். அப்போது இரு தரப்புக்கும் இடையே நடந்த துப்பாக்கிச்சூட்டில் மாவோயிஸ்ட் தரப்பில் ஒருவர் சுட்டுக் கொல்லப்பட்டார். ஐவர் தப்பியோடினார்கள். சுட்டுக்கொல்லப்பட்ட நபர், பல ஆண்டுகளாகத் தேடப்பட்டுவந்த மாவோயிஸ்ட் வேல்முருகன்.</p><p>யார் இந்த வேல்முருகன்? ‘‘வேல்முருகனுக்குச் சொந்த ஊர் பெரியகுளம் அருகேயுள்ள எண்டப்புளி புதுக்கோட்டை. அவரின் அண்ணன் ஒரு வழக்கறிஞர். வேல்முருகனும் மதுரை சட்டக் கல்லூரியில் படித்தார். மாணவர்களின் போராட்டம், கம்யூனிச இயக்கங்களில் ஈடுபாடு என வேல்முருகனின் செயல்பாடுகளைப் பார்த்து, மாவோயிஸ்ட் இயக்க நபர்கள் சிலர் அவருடன் பழகியிருக்கிறார்கள்’’ எனச் சொல்ல ஆரம்பித்தார் க்யூ பிரிவு அதிகாரி ஒருவர்.</p><p>‘‘சட்டக் கல்லூரியில் வேல்முருகன் இரண்டாம் ஆண்டு படித்துவரும்போது, ஆயுதப் பயிற்சி மேற்கொள்ள மாவோயிஸ்டுகள் இடம் தேடியிருக்கிறார்கள். தனது ஊர் அருகேயுள்ள முருகமலை வனப்பகுதியைச் சுட்டிக்காட்டிய வேல்முருகன், தன்னுடன் சுந்தரமூர்த்தி, முத்துச்செல்வம், ரஞ்சித், விவேக், பாலகிருஷ்ணன், ஈஸ்வரன், காளிதாஸ், பழனிவேல், நவீன் பிரசாத், கார்த்தி ஆகிய </p><p>10 மாவோயிஸ்டுகளை ஆயுதங்களுடன் முருகமலைக்கு அழைத்து வந்திருக்கிறார். வனத்துக்குள் துப்பாக்கிச் சத்தம் கேட்பதாக அந்தப் பகுதி விவசாயிகள் தகவல் தெரிவிக்கவே, சம்பவ இடத்துக்குச் சென்ற பெரியகுளம் காவல்துறையினர், அங்கே ஆயுதங்களுடன் பதுங்கியிருந்த 11 பேரையும் பிடிக்க முயன்றார்கள். அதில், வேல்முருகன், பழனிவேல், கார்த்தி ஆகிய மூவர் பிடிபட்டார்கள். மற்றவர்கள் தப்பியோடினார்கள். சில தினங்களில், கொடைக்கானல் வடகவுஞ்சி மலைப் பகுதியில் மறைந்திருந்த மாவோயிஸ்டுகளுக்கும் காவல் துறைக்கும் இடையே நடந்த துப்பாக்கிச் சண்டையில் நவீன் பிரசாத் சுட்டுக் கொல்லப்பட்டார். தொடர்ந்து, தப்பியோடிய அனைவரும் பல்வேறு பகுதிகளில் கைதுசெய்யப்பட்டார்கள்.</p>.<p>இவர்கள் மீதான வழக்கு, பெரியகுளம் குற்றவியல் நீதிமன்றத்தில் நடந்துவந்தது. கடந்த 2010-ம் ஆண்டு வேல்முருகன் உட்பட ஆறு பேருக்கு ஜாமீன் வழங்கியது நீதிமன்றம். ஜாமீனில் வெளியே வந்தவர்கள் தலைமறைவானார்கள். பழனிவேல், 2016-ம் ஆண்டு சேலத்தில் பிடிபட்டார். 2018-ல் வயநாட்டில் காளிதாஸ் பிடிபட்டார். 2019-ம் ஆண்டு கார்த்தியை கேரள தண்டர்போல்ட் போலீஸார் சுட்டுக்கொன்றார்கள். </p><p>11 பேரில், வேல்முருகன் பற்றிய தகவல் மட்டும் தெரியாமல் இருந்தது. கடந்த ஆண்டு ஒடிசாவில் காவல்துறைக்கும் மாவோயிஸ்டுகளுக்கும் நடந்த துப்பாக்கிச்சூடு சம்பவத்தின்போது அங்கே வேல்முருகன் இருந்ததாகவும், அங்கிருந்து தப்பியதாகவும் எங்களுக்குத் தகவல் கிடைத்தது. இந்தநிலையில்தான் தற்போது வயநாட்டில் வேல்முருகன் சுட்டுக்கொல்லப்பட்டிருக்கிறார்’’ என்றார் அவர்.</p><p>முருகமலையில் ஆரம்பித்த வேல்முருகனின் பயணம், 13 ஆண்டுகளில் இந்திய அளவில் விரிந்து, வயநாட்டில் முடிவடைந்திருக்கிறது. </p>
<blockquote>கேரள மாநிலம்... வயநாடு பப்பனாமலை பழங்குடி மக்கள் குடியிருப்பு… அக்டோபர் 3-ம் தேதி, காலை 9:15 மணி…</blockquote>.<p>மாவோயிஸ்டுகள் நடமாட்டம் இருப்பதாகக் கிடைத்த தகவலையடுத்து, கேரள காவல்துறையின் தண்டர்போல்ட் கமாண்டோ பிரிவுக் காவலர்கள் ரோந்துப்பணியில் ஈடுபட்டிருந்தார்கள். அப்போது இரு தரப்புக்கும் இடையே நடந்த துப்பாக்கிச்சூட்டில் மாவோயிஸ்ட் தரப்பில் ஒருவர் சுட்டுக் கொல்லப்பட்டார். ஐவர் தப்பியோடினார்கள். சுட்டுக்கொல்லப்பட்ட நபர், பல ஆண்டுகளாகத் தேடப்பட்டுவந்த மாவோயிஸ்ட் வேல்முருகன்.</p><p>யார் இந்த வேல்முருகன்? ‘‘வேல்முருகனுக்குச் சொந்த ஊர் பெரியகுளம் அருகேயுள்ள எண்டப்புளி புதுக்கோட்டை. அவரின் அண்ணன் ஒரு வழக்கறிஞர். வேல்முருகனும் மதுரை சட்டக் கல்லூரியில் படித்தார். மாணவர்களின் போராட்டம், கம்யூனிச இயக்கங்களில் ஈடுபாடு என வேல்முருகனின் செயல்பாடுகளைப் பார்த்து, மாவோயிஸ்ட் இயக்க நபர்கள் சிலர் அவருடன் பழகியிருக்கிறார்கள்’’ எனச் சொல்ல ஆரம்பித்தார் க்யூ பிரிவு அதிகாரி ஒருவர்.</p><p>‘‘சட்டக் கல்லூரியில் வேல்முருகன் இரண்டாம் ஆண்டு படித்துவரும்போது, ஆயுதப் பயிற்சி மேற்கொள்ள மாவோயிஸ்டுகள் இடம் தேடியிருக்கிறார்கள். தனது ஊர் அருகேயுள்ள முருகமலை வனப்பகுதியைச் சுட்டிக்காட்டிய வேல்முருகன், தன்னுடன் சுந்தரமூர்த்தி, முத்துச்செல்வம், ரஞ்சித், விவேக், பாலகிருஷ்ணன், ஈஸ்வரன், காளிதாஸ், பழனிவேல், நவீன் பிரசாத், கார்த்தி ஆகிய </p><p>10 மாவோயிஸ்டுகளை ஆயுதங்களுடன் முருகமலைக்கு அழைத்து வந்திருக்கிறார். வனத்துக்குள் துப்பாக்கிச் சத்தம் கேட்பதாக அந்தப் பகுதி விவசாயிகள் தகவல் தெரிவிக்கவே, சம்பவ இடத்துக்குச் சென்ற பெரியகுளம் காவல்துறையினர், அங்கே ஆயுதங்களுடன் பதுங்கியிருந்த 11 பேரையும் பிடிக்க முயன்றார்கள். அதில், வேல்முருகன், பழனிவேல், கார்த்தி ஆகிய மூவர் பிடிபட்டார்கள். மற்றவர்கள் தப்பியோடினார்கள். சில தினங்களில், கொடைக்கானல் வடகவுஞ்சி மலைப் பகுதியில் மறைந்திருந்த மாவோயிஸ்டுகளுக்கும் காவல் துறைக்கும் இடையே நடந்த துப்பாக்கிச் சண்டையில் நவீன் பிரசாத் சுட்டுக் கொல்லப்பட்டார். தொடர்ந்து, தப்பியோடிய அனைவரும் பல்வேறு பகுதிகளில் கைதுசெய்யப்பட்டார்கள்.</p>.<p>இவர்கள் மீதான வழக்கு, பெரியகுளம் குற்றவியல் நீதிமன்றத்தில் நடந்துவந்தது. கடந்த 2010-ம் ஆண்டு வேல்முருகன் உட்பட ஆறு பேருக்கு ஜாமீன் வழங்கியது நீதிமன்றம். ஜாமீனில் வெளியே வந்தவர்கள் தலைமறைவானார்கள். பழனிவேல், 2016-ம் ஆண்டு சேலத்தில் பிடிபட்டார். 2018-ல் வயநாட்டில் காளிதாஸ் பிடிபட்டார். 2019-ம் ஆண்டு கார்த்தியை கேரள தண்டர்போல்ட் போலீஸார் சுட்டுக்கொன்றார்கள். </p><p>11 பேரில், வேல்முருகன் பற்றிய தகவல் மட்டும் தெரியாமல் இருந்தது. கடந்த ஆண்டு ஒடிசாவில் காவல்துறைக்கும் மாவோயிஸ்டுகளுக்கும் நடந்த துப்பாக்கிச்சூடு சம்பவத்தின்போது அங்கே வேல்முருகன் இருந்ததாகவும், அங்கிருந்து தப்பியதாகவும் எங்களுக்குத் தகவல் கிடைத்தது. இந்தநிலையில்தான் தற்போது வயநாட்டில் வேல்முருகன் சுட்டுக்கொல்லப்பட்டிருக்கிறார்’’ என்றார் அவர்.</p><p>முருகமலையில் ஆரம்பித்த வேல்முருகனின் பயணம், 13 ஆண்டுகளில் இந்திய அளவில் விரிந்து, வயநாட்டில் முடிவடைந்திருக்கிறது. </p>
