Published:Updated:

நாமக்கல்: ஏடிஎம் இயந்திரத்தை காஸ் வெல்டிங் மூலம் வெட்டி, ரூ.4.9 லட்சம் கொள்ளை - நள்ளிரவில் துணிகரம்

கொள்ளையடிப்பட்ட ஏ.டி.எம் இயந்திரம் ( நா.ராஜமுருகன் )

நாமக்கல் மாவட்டத்தில் செயல்பட்டுவரும் தனியார் வங்கி ஒன்றுக்குச் சொந்தமான ஏ.டி.எம் இயந்திரம், மர்மநபர்களால் உடைக்கப்பட்டு, அதிலிருந்த ரூ.4.9 லட்சம் கொள்ளையடிப்பட்ட சம்பவம், அதிர்ச்சியை ஏற்படுத்தியிருக்கிறது.

நாமக்கல்: ஏடிஎம் இயந்திரத்தை காஸ் வெல்டிங் மூலம் வெட்டி, ரூ.4.9 லட்சம் கொள்ளை - நள்ளிரவில் துணிகரம்

நாமக்கல் மாவட்டத்தில் செயல்பட்டுவரும் தனியார் வங்கி ஒன்றுக்குச் சொந்தமான ஏ.டி.எம் இயந்திரம், மர்மநபர்களால் உடைக்கப்பட்டு, அதிலிருந்த ரூ.4.9 லட்சம் கொள்ளையடிப்பட்ட சம்பவம், அதிர்ச்சியை ஏற்படுத்தியிருக்கிறது.

Published:Updated:
கொள்ளையடிப்பட்ட ஏ.டி.எம் இயந்திரம் ( நா.ராஜமுருகன் )

நாமக்கல் மாவட்டம், புதுச்சத்திரம் அருகே சேலம், நாமக்கல் தேசிய நெடுஞ்சாலையில் பெருமாள்கோயில் பேருந்து நிறுத்தம் உள்ளது. இந்தப் பகுதியில் உள்ள தனியார் வணிக வளாகக் கட்டடத்தில், தனியார் வங்கிக்குச் சொந்தமான ஏ.டி.எம் மையம் ஒன்று செயல்பட்டுவருகிறது. அந்த ஏ.டி.எம் மையத்தில், கணேசன் என்பவர், கடந்த இரண்டு மாதங்களாக, தினந்தோறும் காலை மற்றும் மாலையில் சுத்தம் செய்து பராமரிக்கும் பணியில் இருந்தார்.

கொள்ளையடிப்பட்ட ஏ.டி.எம் இயந்திரம்
கொள்ளையடிப்பட்ட ஏ.டி.எம் இயந்திரம்
நா.ராஜமுருகன்

இந்த நிலையில், நேற்று அதிகாலை 5 மணி அளவில் கணேசன் வழக்கம்போல் ஏ.டி.எம் மையத்தைச் சுத்தம் செய்யச் சென்றார். அப்போது, ஏ.டி.எம் மையத்தின் ஷட்டர் மூடப்பட்டிருந்தது. இதனால் குழம்பிய கணேசன், அங்கிருந்தவர்களின் உதவியோடு ஏ.டி.எம் மையத்தின் ஷட்டரைத் திறந்து பார்த்துள்ளார். அப்போது, அங்கிருந்த ஏ.டி.எம் இயந்திரம் காஸ் வெல்டிங் மூலம் உடைக்கப்பட்டு, அதிலிருந்த பணம் கொள்ளையடிக்கப்பட்டது தெரியவந்தது. மேலும், அந்த ஏ.டி.எம் மையம் முழுவதும் புகை படர்ந்து இருந்திருக்கிறது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இதைக் கண்டு அதிர்ச்சியடைந்த கணேசன், அந்தப் பகுதியில் நின்றுகொண்டிருந்த ரோந்து போலீஸாருக்குத் தகவல் தெரிவித்தார். பின்னர், சம்பவ இடத்துக்குச் சென்ற ரோந்து போலீஸார், உயரதிகாரிகளுக்குத் தகவல் தெரிவித்தனர். அதைத் தொடர்ந்து நாமக்கல் துணை போலீஸ் சூப்பிரண்டு சுரேஷ் தலைமையில் போலீஸார் சம்பவ இடத்துக்கு விரைந்து வந்து, விசாரணையை மேற்கொண்டனர். அவர்களின் முதற்கட்ட விசாரணையில், காஸ் வெல்டிங் மூலம் ஏ.டி.எம் இயந்திரம் வெட்டி உடைக்கப்பட்டு, அதிலிருந்த ரூ.4,89,900 கொள்ளையடிக்கப்பட்டது தெரியவந்தது.

கொள்ளையடிப்பட்ட ஏ.டி.எம் இயந்திரம்
கொள்ளையடிப்பட்ட ஏ.டி.எம் இயந்திரம்
நா.ராஜமுருகன்

மேலும், ஏ.டி.எம் மையத்தின் நுழைவாயிலில் இருந்த எச்சரிக்கை ஒலிப்பானின் வயரைத் துண்டித்துவிட்டு, இந்தக் கொள்ளைச் சம்பவத்தை அரங்கேற்றியுள்ளனர். இந்த நிலையில், நாமக்கல் மாவட்ட காவல் கண்காணிப்பாளர் சாய்சரண் தேஜஸ்வி, சம்பவ இடத்துக்கு நேரில் சென்று விசாரணை நடத்தினார். ஏ.டி.எம் மையம் அமைந்துள்ள கட்டடத்திலுள்ள சி.சி.டி.வி கேமராக்களில் பதிவான காட்சிகளைக்கொண்டு, புதுச்சத்திரம் காவல் நிலைய போலீஸார் தீவிர விசாரணை நடத்திவருகின்றனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism