Published:Updated:

மனவளர்ச்சி குன்றிய சிறுமிக்குப் பாலியல் தொல்லை - ஊர்க்காவல் படை வீரருக்கு 5 ஆண்டு சிறை

சிவப்பிரகாசம்
சிவப்பிரகாசம்

மனவளர்ச்சி குன்றிய சிறுமிக்குப் பாலியல் தொல்லை கொடுத்த ஊர்க்காவல் படை வீரருக்கு ஐந்து ஆண்டு சிறைத் தண்டனை விதித்து ஊட்டி மகளிர் நீதிமன்றம் தீர்ப்பளித்திருக்கிறது.

நீலகிரி மாவட்டம், ஊட்டி பாம்பேகேசில் பகுதியைச் சேர்ந்தவர் சிவப்பிரகாசம். 35 வயதான இவர், ஊர்க்காவல் படையில் பணியாற்றிவந்தார். ஊட்டி அருகிலுள்ள தலையாட்டுமந்து பகுதிக்கு அடிக்கடி சென்றுவந்திருக்கிறார். அந்தப் பகுதியில் மனவளர்ச்சி குன்றிய 12 வயது சிறுமியுடன் அடிக்கடிப் பேசிவந்திருக்கிறார்.

சிவப்பிரகாசம்
சிவப்பிரகாசம்

இது போன்று அடிக்கடி அங்கு சென்று வந்த சிவப்பிரகாசம் கடந்த 2016-ம் ஆண்டு நவம்பர் மாதம் 4-ம் தேதி அந்தச் சிறுமிக்குப் பாலியல் தொல்லை கொடுத்திருக்கிறார். இதுகுறித்து சிறுமியின் பெற்றோர் ஊட்டி அனைத்து மகளிர் காவல் நிலையத்தில் புகார் அளித்தனர்.

சென்னை: `பாலியல் தொல்லை; கூலிப்படை ஏவி மருமகனைக் கொன்ற மாமியார்!' - ஓராண்டுக்குப் பிறகு கைது

விசாரணை மேற்கொண்டு சிவப்பிரகாசத்தைக் கைதுசெய்த போலீஸார், அவரைச் சிறையில் அடைத்தனர். இது தொடர்பான வழக்கு ஊட்டியிலுள்ள மகளிர் நீதிமன்றத்தில் நடைபெற்றுவந்தது. நேற்று இந்த வழக்கில் தீர்ப்பு வழங்கப்பட்டது.

சிவப்பிரகாசம்
சிவப்பிரகாசம்

மனநலம் பாதிக்கப்பட்ட சிறுமிக்குப் பாலியல் தொல்லை கொடுத்தற்காக சிவப்பிரகாசத்துக்கு ஐந்து ஆண்டுகள் சிறைத் தண்டனை விதித்தும், ரூ.50,000 அபராதம் விதித்தும் நீதிபதி அருணாச்சலம் உத்தரவிட்டார்.

அடுத்த கட்டுரைக்கு