Published:Updated:

திருத்தணி: பட்டாக்கத்தியால் கேக் வெட்டிய இளைஞர்! - வைரலான வீடியோ; மடக்கிப் பிடித்த போலீஸ்

ஒட்டுமொத்த விகடனுக்கும் ஒரே ஷார்ட்கட்

Use App
பட்டாக்கத்தியால் கேக் வெட்டிய இளைஞர்
பட்டாக்கத்தியால் கேக் வெட்டிய இளைஞர்

திருத்தணி அருகே, பட்டாக்கத்தியால் கேக் வெட்டி பிறந்தநாள் கொண்டாடிய இளைஞரை போலீஸார் கைதுசெய்தனர்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

திருவள்ளூர் மாவட்டம், திருத்தணியை அடுத்த மத்தூர் காலனி பகுதியைச் சேர்ந்தவர் உதயகுமார் (22). நேற்று முன்தினம் இளைஞர் உதயகுமார் தனது 22-வது பிறந்தநாளை முன்னிட்டு தனது நண்பர்கள் சிலருடன் சேர்ந்து மத்தூர் காலனி அருகிலுள்ள சுடுகாட்டுப் பகுதிக்கு இருசக்கர வாகனத்தில் சென்றிருக்கிறார். அங்கு சென்றவர், நண்பர்கள் வாங்கிவைத்திருந்த `கேக்´-ஐ இருசக்கர வாகனத்தின்மீது வைத்து இரண்டரை அடி நீளம்கொண்ட பட்டாக்கத்தியால் வெட்டி நண்பர்களுக்கு ஊட்டினார். அப்போது, உதயகுமாரின் நண்பர்கள் அவர் கத்தியால் கேக் வெட்டியதைத் தங்களது மொபைலில் வீடியோ பதிவு செய்து சமூக வலைதளங்களில் பதிவிட்டனர்.

பட்டாக்கத்தியால் கேக் வெட்டிய இளைஞர்
பட்டாக்கத்தியால் கேக் வெட்டிய இளைஞர்

அந்த வீடியோ, வாட்ஸ்அப், ஃபேஸ்புக்கில் வைரலானதை அடுத்து, சமூக ஆர்வலர்கள் சிலர் இது குறித்து திருத்தணி போலீஸாருக்கு தகவல் தெரிவித்தனர். அதைத் தொடர்ந்து, நேற்றைய தினம் மத்தூர் காலனி பகுதிக்கு விரைந்த போலீஸார், பட்டாக்கத்தியால் கேக் வெட்டிய இளைஞர் உதயகுமார்மீது வழக்கு பதிந்து, அவரைக் கைதுசெய்து, பட்டாக்கத்தியைப் பறிமுதல் செய்தனர். உதயகுமார் ஏற்கெனவே, கஞ்சா விற்பனையில் ஈடுபட்டது தொடர்பாகக் கைதாகி சிறைக்குச் சென்றவர் என்பது குறிப்பிடத்தக்கது.

பட்டாக் கத்திகளும் படுகொலைகளும் இல்லா வடசென்னை வரலாறு! - சார்பட்டா பரம்பரை வாசகர் விமர்சனம்
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு