Published:Updated:

பர்சனல் லோன் தருவதாகக் கூறி இளைஞரிடம் ரூ.2 லட்சம் சுருட்டல்; டெல்லி கும்பல் சிக்கியது எப்படி?

சைபர் க்ரைம்

பர்சனல் லோன் தருவதாகக் கூறி இளைஞரிடம் ரூ.2 லட்சம் சுருட்டிய டெல்லி கும்பலை புதுக்கோட்டை போலீஸார் கைதுசெய்தனர்.

பர்சனல் லோன் தருவதாகக் கூறி இளைஞரிடம் ரூ.2 லட்சம் சுருட்டல்; டெல்லி கும்பல் சிக்கியது எப்படி?

பர்சனல் லோன் தருவதாகக் கூறி இளைஞரிடம் ரூ.2 லட்சம் சுருட்டிய டெல்லி கும்பலை புதுக்கோட்டை போலீஸார் கைதுசெய்தனர்.

Published:Updated:
சைபர் க்ரைம்

புதுக்கோட்டை மாவட்டம், மணமேல்குடி அருகே கோட்டைப்பட்டினத்தைச் சேர்ந்தவர் கனிக்குமார். இவரது தொலைபேசி எண்ணுக்குக் கடந்த ஜூலை மாதம் 2-ம் தேதி ஒரு குறுஞ்செய்தி வந்திருக்கிறது. அதில், ஆவணங்கள் மட்டும் இருந்தால் போதும்... லட்சக்கணக்கில் தனிநபர் கடன் கொடுக்கிறோம் என்று வந்திருக்கிறது. உடனே, அந்த எண்ணைத் தொடர்புகொண்ட கனிக்குமார், தனக்கு ரூபாய் ஐந்து லட்சம் தனிநபர் கடன் வேண்டும் என்று கேட்டிருக்கிறார். இதையடுத்து, இரண்டுக்கும் மேற்பட்ட எண்களில், `தனலட்சுமி ஃபைனான்ஸிலிருந்து பேசுகிறோம்...' என்று அடுத்தடுத்து கனிக்குமாரைத் தொடர்புகொண்டவர்கள், அவரது ஆதார் கார்டு, பான் கார்டு, வாக்காளர் அட்டை போன்ற ஆவணங்களை வாட்ஸ்அப் மூலம் அனுப்பக் கோரியிருக்கின்றனர். உடனே, அவரும் தன்னிடமிருந்த ஆவணங்கள் அனைத்தையும் அனுப்பியிருக்கிறார். அடுத்த சில தினங்களில் மீண்டும் கனிக்குமாரைத் தொடர்புகொண்டவர்கள், `உங்கள் லோன் அப்ரூவல் ஆகிவிட்டது.

பர்சனல் லோன் தருவதாகக் கூறி இளைஞரிடம் ரூ.2 லட்சம் சுருட்டல்; டெல்லி கும்பல் சிக்கியது எப்படி?

அதற்கான டாக்குமென்ட் சார்ஜ், இன்ஷூரன்ஸ், உங்களுடைய அக்கவுன்ட்டில் வரவுவைக்க டி.டி எடுக்கும் செலவு கட்டணங்களைக் கட்ட வேண்டும். அப்போதுதான் லோன் ஓகே ஆகும்' என்று கூறி அக்கவுன்ட் நம்பரை அனுப்பியிருக்கின்றனர். உடனே, லோன் கிடைத்துவிடும் என்ற ஆசையில் ரூ.2,03,100 பணத்தை அவர்கள் கொடுத்த வங்கிக் கணக்கில் கனிக்குமார் செலுத்தியிருக்கிறார். ஆனால், அவருக்கு லோன் பணம் கிடைக்கவில்லை. இதையடுத்து தான் ஏமாற்றப்பட்டதை உணர்ந்த கனிக்குமார், புதுக்கோட்டை சைபர் க்ரைம் போலீஸாரிடம் புகார் கொடுத்தார். இது குறித்து வழக்கு பதிவுசெய்த சைபர் க்ரைம் போலீஸார், தனிப்படை அமைத்து விசாரணை நடத்தினர். குற்றவாளிகளின் வங்கிக் கணக்கு விவரங்கள், மொபைல் எண்களை ட்ராக் செய்தபோது, டெல்லியைச் சேர்ந்த ஐந்து பேர் கூட்டாகச் சேர்ந்து மோசடியில் ஈடுபட்டது தெரியவந்தது.

இதையடுத்து, டெல்லிக்குச் சென்ற புதுக்கோட்டை சைபர் க்ரைம் போலீஸார் டெல்லியைச் சேர்ந்த ரகுபதி, முகமது எஸ்தாக், முகமது ஷாஃபி ஆலம், பாலாஜி, பிரியா ஆகிய ஐந்து பேரையும் கைதுசெய்தனர். மோசடிக்குப் பயன்படுத்திய லேப்டாப், ஆண்ட்ராய்டு போன்கள், சிம் கார்டுகள், ஏ.டி.எம் கார்டு, ரொக்கப்பணம் ரூ.5,000 உள்ளிட்டவற்றைக் கைப்பற்றினர். தொடர்ந்து, குற்றவாளிகளை புதுக்கோட்டை குற்றவியல் நீதிமன்றத்தில் ஆஜர்படுத்தி சிறையில் அடைத்தனர். வழக்கில் துரிதமாகச் செயல்பட்டு குற்றவாளிகளைக் கைதுசெய்த சைபர் க்ரைம் தனிப்படையினரை மாவட்ட எஸ்.பி வந்திதா பாண்டே பாராட்டினார். தமிழகத்தைச் சேர்ந்த இன்னும் சிலரிடம் இந்தக் கும்பல் தனிநபர் கடன் தருவதாக ஆசைகாட்டி மோசடியில் ஈடுபட்டிருக்கிறதா என்பது குறித்தும் தொடர்ந்து விசாரித்துவருகின்றனர்.

பர்சனல் லோன் தருவதாகக் கூறி இளைஞரிடம் ரூ.2 லட்சம் சுருட்டல்; டெல்லி கும்பல் சிக்கியது எப்படி?

இது குறித்து சைபர் க்ரைம் போலீஸாரிடம் கேட்டபோது, ``தனிநபர் கடன் கொடுக்கிறோம் என்று பிரபலமான வங்கிகளிலிருந்துகூட உங்களுக்குக் குறுஞ்செய்திகள் வரலாம். அல்லது போனில் பேசலாம். உடனே, அது உண்மை என்று நம்பி ஏமாறக் கூடாது. குறிப்பாக, வங்கிக் கடன் வேண்டுபவர்கள் அருகேயுள்ள வங்கியைத் தொடர்புகொண்டு ஆலோசனை கேட்க வேண்டும். அப்போதுதான், இது போன்று ஏமாற்றப்படுவதைத் தவிர்க்கலாம்.

தினமும் ஏராளமான குறுஞ்செய்திகள் நம் தொலைபேசி எண்ணுக்கு வருகின்றன. அதிலும், குறிப்பாக `உங்களுடைய எண்ணுக்கு லட்சக்கணக்கில் பணம் விழுந்திருக்கிறது' என்று கூறி குறுஞ்செய்திகள் வரக்கூடும். இந்தக் குறுஞ்செய்திகளை நம்பி ஏமாறக் கூடாது. நாம் தொலைபேசியைப் பயன்படுத்துவதில் விழிப்புணர்வுடன் இருந்தால், மோசடிகளைத் தவிர்க்கலாம்" என்றனர்.