Published:Updated:

தூத்துக்குடி: 2 ஆண்டுக்கு முன்பு கொலை செய்யப்பட்டவரின் நினைவுநாள்... பழிக்குப் பழியாக நடந்த கொலை!

ஆத்தூர் காவல் நிலையம்

தூத்துக்குடியில் இரண்டு ஆண்டுகளுக்கு முன்பு கொலை செய்யப்பட்டவரின் நினைவுநாளில் பழிக்குப் பழியாக, கொலை செய்த சமூகத்தில் ஒருவரை வெட்டிக் கொலை செய்த சம்பவம் பரபரப்பை ஏற்படுத்தியுள்ளது.

தூத்துக்குடி: 2 ஆண்டுக்கு முன்பு கொலை செய்யப்பட்டவரின் நினைவுநாள்... பழிக்குப் பழியாக நடந்த கொலை!

தூத்துக்குடியில் இரண்டு ஆண்டுகளுக்கு முன்பு கொலை செய்யப்பட்டவரின் நினைவுநாளில் பழிக்குப் பழியாக, கொலை செய்த சமூகத்தில் ஒருவரை வெட்டிக் கொலை செய்த சம்பவம் பரபரப்பை ஏற்படுத்தியுள்ளது.

Published:Updated:
ஆத்தூர் காவல் நிலையம்

தூத்துக்குடி மாவட்டம், ஆத்தூர் அருகிலுள்ள தலைவன் வடலியைச் சேர்ந்தவர் சண்முகராஜ். இவர் அப்பகுதியிலுள்ள உப்பளத்தில் கண்காணிப்பாளராக வேலை பார்த்துவருகிறார். நேற்று இரவு உப்பளத்திலிருந்து பைக்கில் வீடு திரும்பிக்கொண்டிருந்தார். ஆவரையூர் அருகில் சென்றுகொண்டிருந்தபோது மூன்று பேர் கொண்ட கும்பல் அவரை வழிமறித்து சரமாரியாகத் தாக்கியுள்ளது. உடனடியாக சண்முகராஜ், பைக்கை கீழே போட்டுவிட்டு தப்பியோட முயன்றார். ஆனால், அந்தக் கும்பல் அவரைச் சுற்றிவளைத்து கத்தியால் குத்திவிட்டுத் தப்பியோடியது.

கொலை செய்யப்பட்ட சண்முகராஜ்
கொலை செய்யப்பட்ட சண்முகராஜ்

இதில் பலத்த காயமடைந்த சண்முகராஜ், சம்பவ இடத்திலேயே உயிரிழந்தார். இந்தச் சம்பவம் தொடர்பாக ஆத்தூர் காவல் நிலைய போலீஸார் வழக்கு பதிவுசெய்து கொலை செய்த மூன்று பேர் கும்பலைத் தேடிவருகிறார்கள். போலீஸாரின் முதற்கட்ட விசாரணையில், இதே தலைவன் வடலி கிராமத்தைச் சேர்ந்த கல்லூரி மாணவரான சத்தியமூர்த்தி, தோட்டத்தில் இளநீர் திருடியது தொடர்பாக இரு தரப்பினருக்கு இடையே மோதல் ஏற்பட்டது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கடந்த 2020-ம் ஆண்டு இதே நாளில் அப்பகுதியிலுள்ள காட்டுப்பகுதியில் மாற்றுச் சமூகத்தினரால் சத்தியமூர்த்தி தலை துண்டிக்கப்பட்டு கொடூரமாகக் கொலைசெய்யப்பட்டார். அவர் மீது ஆத்தூர் காவல் நிலையத்தில் வன்கொடுமை தடுப்புச் சட்டத்தின் கீழ் இரண்டு வழக்குகள் நிலுவையில் இருந்தன. சத்தியமூர்த்தியின் கொலைக்குப் பிறகு சத்தியமூர்த்தி தரப்புக்கும் அவரைக் கொலை செய்த மாற்றுச் சமூகத்தினருக்கும் பகை இருந்துவந்தது. ஊர்ப் பெரியவர்கள் தலையிட்டு சிறு சிறு பிரச்னைகளை அவ்வப்போது சமாளித்துவந்தனர்.

கொலை
கொலை

இந்த நிலையில், இரண்டு ஆண்டுக்கு முன்பு சத்தியமூர்த்தி கொலை செய்யப்பட்ட நினைவுநாளான நேற்று பழிக்குப் பழியாக ஒருவரைக் கொலை செய்ய திட்டமிட்டதும், அந்தத் திட்டத்தில் சண்முகராஜை கொலை செய்திருப்பதாகவும் தெரியவந்துள்ளது. இதனால் அப்பகுதியில் பதற்றம் நிலவுகிறது. தலைவன் வடலி கிராமத்தைச் சுற்றி பாதுகாப்புக்காக போலீஸார் குவிக்கப்பட்டுள்ளனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism