Published:Updated:

ஈரானிலிருந்து வந்த உப்பு மூட்டை; குஜராத்தில் சிக்கிய ரூ.500 கோடி மதிப்பிலான போதைப்பொருள்கள்

போதைப்பொருள் இருந்த உப்பு மூட்டை

குஜராத் துறைமுகத்துக்கு ஈரானிலிருந்து உப்பு மூட்டையில் கடத்தி வரப்பட்ட ரூ.500 கோடி மதிப்பு போதைப்பொருள் பறிமுதல் செய்யப்பட்டது.

ஈரானிலிருந்து வந்த உப்பு மூட்டை; குஜராத்தில் சிக்கிய ரூ.500 கோடி மதிப்பிலான போதைப்பொருள்கள்

குஜராத் துறைமுகத்துக்கு ஈரானிலிருந்து உப்பு மூட்டையில் கடத்தி வரப்பட்ட ரூ.500 கோடி மதிப்பு போதைப்பொருள் பறிமுதல் செய்யப்பட்டது.

Published:Updated:
போதைப்பொருள் இருந்த உப்பு மூட்டை

குஜராத் துறைமுகத்துக்கு அடிக்கடி போதைப்பொருள்கள் மற்ற சரக்குகளோடு சேர்த்து கடத்திவரப்படுவது வழக்கமாக நடந்துவருகிறது. ஈரான், ஆப்கானிஸ்தான் நாடுகளிலிருந்து அதிக அளவில் போதைப்பொருள் கடத்தப்படுகிறது. அதோடு பாகிஸ்தானிலிருந்து இரவு நேரங்களில் படகுகளிலும் குஜராத்துக்கு போதைப்பொருள் கடத்திவரப்படுகிறது. தற்போது மீண்டும் 500 கோடி மதிப்புள்ள போதைப்பொருள் குஜராத் துறைமுகத்துக்கு கடத்திவரப்பட்டிருப்பது கண்டுப்பிடிக்கப்பட்டுள்ளது. குஜராத்தின் முந்த்ரா துறைமுகத்துக்கு உப்பு மூட்டைகள் வந்து இறங்கின. ஈரானில் இருந்து வந்த அந்த உப்பு மூட்டையில் போதைப்பொருள் கடத்தப்படுவதாக வருவாய் புலனாய்வுத்துறை அதிகாரிகளுக்கு தகவல் கிடைத்தது. உடனே அதிகாரிகள் ஈரானிலிருந்து வந்த உப்பு மூட்டையைச் சோதனை செய்தனர்.

போதைப்பொருள் இருந்த உப்பு மூட்டை
போதைப்பொருள் இருந்த உப்பு மூட்டை

ஆப்ரேஷன் நாம்கீன் என்ற பெயரில் நடத்தப்பட்ட சோதனையில் உப்பு மூட்டையிலிருந்து மாதிரிகள் எடுக்கப்பட்டு சோதனை செய்ததில் அதில் கோகைன் என்ற போதைப்பொருள் கலந்திருப்பது தெரியவந்தது. இதையடுத்து அனைத்து உப்பு மூட்டைகளும் சோதனைக்கு உட்படுத்தப்பட்டுள்ளன. இதுவரை 52 கிலோ போதைப்பொருள் பறிமுதல் செய்யப்பட்டுள்ளது. அவற்றின் மதிப்பு ரூபாய் 500 கோடி. அவற்றை இறக்குமதி செய்த நபரிடம் அதிகாரிகள் விசாரணை நடத்திவருகின்றனர். ஏற்கெனவே குஜராத் துறைமுகத்துக்கு அடிக்கடி போதைப்பொருள் கடத்திவரப்படும் சம்பவங்கள் அதிகமாக நடந்துவருவதால் கண்காணிப்பு தீவிரப்படுத்தப்பட்டிருக்கிறது. நடப்பு ஆண்டில் மட்டும் பல ஆயிரம் கோடி மதிப்பிலான போதைப்பொருள் குஜராத்தில் பறிமுதல் செய்யப்பட்டுள்ளது. தற்போது கண்காணிப்பு மேலும் தீவிரப்படுத்தப்பட்டுள்ளது. குஜராத் மட்டுமல்லாமல் பஞ்சாப் எல்லைகள் வழியாகவும் போதைப்பொருள் இந்தியாவுக்குள் கடத்திவரப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism