Published:Updated:

படிக்கட்டில் பயணம்; கண்டித்த நடத்துநர் - கற்களை வீசி பேருந்து மீது தாக்குதல் நடத்திய பள்ளி மாணவர்கள்

அரசு பேருந்து கண்ணாடி உடைக்கப்பட்டுள்ள காட்சி

பரமக்குடியில் பேருந்து படிக்கட்டில் தொங்கிக்கொண்டு வந்த மாணவர்களை நடத்துநர் கண்டித்ததால், ஆத்திரமடைந்த மாணவர்கள் பேருந்து கண்ணாடியை உடைத்துவிட்டு தப்பி ஓடிய சம்பவம் பெரும் பரபரப்பை ஏற்படுத்தியுள்ளது.

படிக்கட்டில் பயணம்; கண்டித்த நடத்துநர் - கற்களை வீசி பேருந்து மீது தாக்குதல் நடத்திய பள்ளி மாணவர்கள்

பரமக்குடியில் பேருந்து படிக்கட்டில் தொங்கிக்கொண்டு வந்த மாணவர்களை நடத்துநர் கண்டித்ததால், ஆத்திரமடைந்த மாணவர்கள் பேருந்து கண்ணாடியை உடைத்துவிட்டு தப்பி ஓடிய சம்பவம் பெரும் பரபரப்பை ஏற்படுத்தியுள்ளது.

Published:Updated:
அரசு பேருந்து கண்ணாடி உடைக்கப்பட்டுள்ள காட்சி

ராமநாதபுரம் மாவட்டம் பரமக்குடி பேருந்து நிலையத்திலிருந்து கமுதக்குடி கிராமத்திற்கு அரசு பேருந்து சென்று கொண்டிருந்தது. அப்போது படிக்கட்டில் பள்ளி மாணவர்கள் அதிகளவில் தொங்கியதால் நடத்துநர் திருப்பதி, மாணவர்களை உள்ளே வருமாறு அறிவுறுத்தியுள்ளார்.

ஆனால், தொடர்ந்து மாணவர்கள் பேருந்தின் பக்கவாட்டில் கையால் ஓங்கி அடித்து சத்தத்தை எழுப்பியுள்ளனர். இதனால் பேருந்தை இடையே நிறுத்தி படிக்கட்டில் தொங்கிய மாணவர்களிடம் மற்ற பயணிகளுக்கு இடையூறு ஏற்படாத வகையில் படிக்கட்டில் தொங்காமல் பேருந்துக்குள் செல்லுமாறும், இல்லையென்றால் இறங்கி அடுத்த பேருந்தில் வருமாறு, நடத்துநர் திருப்பதி சத்தம் போட்டதாகக் கூறப்படுகிறது. இதையடுத்து நடத்துநரிடம் மாணவர்கள் வாக்குவாதத்தில் ஈடுபட்டனர்.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer
பரமக்குடி நகர் காவல் நிலையம்
பரமக்குடி நகர் காவல் நிலையம்

ஒருகட்டத்தில் ஆத்திரமடைந்த அரசு பள்ளி மாணவர்கள் மூன்று பேர், காட்டுபரமக்குடி பேருந்து நிறுத்தத்தில் இறங்கியபின்பு பேருந்து மீது கற்களை வீசி தாக்கிவிட்டு தப்பியோடிவிட்டனர். இதில் பேருந்தின் பின்பக்க கண்ணாடி முழுவதும் உடைந்து நொறுங்கியது. அதிர்ஷ்டவசமாக பயணிகள், பள்ளி மாணவ - மாணவிகள் யாருக்கும் காயம் ஏற்படவில்லை.

இது குறித்து பரமக்குடி நகர் காவல் துறையினர் அப்பகுதியில் சிசிடிவி காட்சிகளை ஆய்வு செய்து வருகின்றனர். மேலும் பள்ளி மாணவர்களின் சீருடை அடையாளத்தை கொண்டு நடத்துநர் மூலம் பள்ளிக்குச் சென்று விசாரணை மேற்கொண்டு வருகின்றனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism