Published:Updated:

விபரீத ஆசிரியை... சீரழிக்கப்பட்ட சிறார்கள்... அதிரவைக்கும் வாட்ஸ்அப் வீடியோக்கள்!

சீரழிக்கப்பட்ட சிறார்கள்
பிரீமியம் ஸ்டோரி
சீரழிக்கப்பட்ட சிறார்கள்

ராதிகாவின் அதீத செக்ஸ் ஆர்வத்தைத் தெரிந்துகொண்ட வீரமணி, அவருக்குப் பல்வேறு வக்கிரமான ஆபாச இணையதளங்களை அறிமுகப்படுத்தியுள்ளார்.

விபரீத ஆசிரியை... சீரழிக்கப்பட்ட சிறார்கள்... அதிரவைக்கும் வாட்ஸ்அப் வீடியோக்கள்!

ராதிகாவின் அதீத செக்ஸ் ஆர்வத்தைத் தெரிந்துகொண்ட வீரமணி, அவருக்குப் பல்வேறு வக்கிரமான ஆபாச இணையதளங்களை அறிமுகப்படுத்தியுள்ளார்.

Published:Updated:
சீரழிக்கப்பட்ட சிறார்கள்
பிரீமியம் ஸ்டோரி
சீரழிக்கப்பட்ட சிறார்கள்

மதுரையில், பள்ளி ஆசிரியை ஒருவரால் வக்கிரமான முறையில் மாணவர்கள் சீரழிக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது!

மதுரை பெத்தானியாபுரத்தைச் சேர்ந்த ஆசிரியை, ராதிகா. தன் ஆண் நண்பர் வீரமணி என்பவருடன் இணைந்து தன் செக்ஸ் வக்கிரத்துக்குப் பள்ளி மாணவர்களை மிரட்டிப் பயன்படுத்திவந்திருக்கிறார். வக்கிரமான வகையில் வீடியோவாகவும் அதை எடுத்துவைத்திருக்கிறார். அந்த வீடியோக்களில் ஒன்று சமூக வலைதளங்களில் வெளியாகி மதுரை மக்களை அதிர்ச்சிக்குள்ளாக்கியது. தற்போது, ஆசிரியை ராதிகாவும் அவருக்கு உடந்தையாக இருந்த வீரமணியும் போக்சோ சட்டத்தின் கீழ் கைதுசெய்யப்பட்டு, மதுரை மத்திய சிறையில் அடைக்கப்பட்டிருக்கிறார்கள். பாதிக்கப்பட்ட மாணவர்களிடம் விசாரணை நடத்திய காவல்துறை, அவர்களுக்கு கவுன்சலிங் கொடுத்துவருகிறது.

‘‘ராதிகா சாதாரண ஆள் அல்ல. அவருடைய லேப்டாப்பிலும் மொபைலிலும் ஏகப்பட்ட வெளிநாட்டு போர்னோ வெப்சைட்டுகள் ஆக்டிவ்வில் இருந்துள்ளன. மாணவர்களுடனான செக்ஸ் வீடியோக்களை வெளிநாட்டு போர்னோ வெப்சைட்டுகளுக்கு அவர் விற்றிருக்கலாம். ஒருசில ரகசிய வாட்ஸ்அப், டெலிகிராம் குழுக்களில் இந்த வீடியோக்களைப் பகிர்ந்து, அதன் மூலம் பணமும் சம்பாதித்துவந்துள்ளதாகவும் தகவல்கள் கிடைக்கின்றன. இந்த விவகாரத்தில், மாணவர்களை மட்டும் அவர் பயன்படுத்தியிருக்கிறாரா... வேறு பெண்களையும் பயன்படுத்தியிருக்கிறாரா... ராதிகா, வீரமணி இருவர் மட்டும்தானா... இல்லை, மேலும் சிலர் இதில் ஈடுபட்டார்களா... இதில், குழுக்கள் எவையேனும் செயல்பட்டனவா என்பதையெல்லாம் விசாரிக்க வேண்டும்’’ என்று சமூக ஆர்வலர்கள் கோரிக்கை விடுத்துள்ளார்கள்.

விபரீத ஆசிரியை... சீரழிக்கப்பட்ட சிறார்கள்... அதிரவைக்கும் வாட்ஸ்அப் வீடியோக்கள்!

யார் இந்த ராதிகா... இந்த விவகாரம் வெளியில் வந்தது எப்படி? காவல்துறை வட்டாரத்தில் விசாரித்தோம்... ‘‘மதுரை பெத்தானியாபுரத்தில் வசித்துவரும் 45 வயதான ராதிகா, அரசுப் பள்ளியொன்றில் ஆசிரியராகப் பணியாற்றி வருகிறார். இவருடைய 19 வயதான மகன் கேட்டரிங் கல்லூரியில் 2-ம் ஆண்டு படித்துவருகிறார். ஆரம்பத்திலிருந்தே விபரீதமான சிந்தனையுடன் ஆபாசப் படங்கள் பார்ப்பது, பல ஆண் நண்பர்களுடன் டூர் செல்வது என்று வாழ்ந்துவந்திருக்கிறார் ராதிகா. இவருடைய நடவடிக்கை பிடிக்காமல் கணவர் பிரிந்து சென்றுவிட்டார். அது இவருக்கு இன்னும் வசதியாகிவிட்டது. திருமணமாகி குழந்தைகளுள்ள வீரமணி என்பவருடன் (2010-ம் ஆண்டு வாக்கில்) ஏற்பட்ட சாதாரண பழக்கம், வீடு வரை வளர்ந்தது.

ராதிகாவின் அதீத செக்ஸ் ஆர்வத்தைத் தெரிந்துகொண்ட வீரமணி, அவருக்குப் பல்வேறு வக்கிரமான ஆபாச இணையதளங்களை அறிமுகப்படுத்தியுள்ளார். அந்த வீடியோக்களைப் பார்த்து அதுபோலவே தானும் அனுபவிக்க வேண்டும் என்று ராதிகா விரும்பியுள்ளார். அதற்கு, தன்னிடம் டியூஷன் பயிலும் மாணவர்களைப் பயன்படுத்திக்கொள்ள ஆரம்பித்துள்ளார். ஆரம்பத்தில் வீரமணியுடன் செக்ஸ் வைத்துக்கொள்வதை வீடியோவாகப் பதிவுசெய்து ரசித்த ராதிகாவுக்கு, கொரோனா காலகட்டத்தின் தனிமையில் விபரீத ஆசை ஏற்பட்டுள்ளது. இதையடுத்து டியூஷன் படிக்கும் மாணவர்களிடம் குரூப் செக்ஸ் வைத்துக்கொண்டிருக்கிறார். அந்த விபரீதக் காட்சிகளை வீரமணி வீடியோவாகப் பதிவுசெய்துள்ளார். அந்த வீடியோக்களில் ஒன்றுதான் இணையத்தில் பரவத் தொடங்கியது. இது மதுரை மாவட்ட போலீஸாரின் கவனத்துக்குச் செல்ல... வழக்கு கரிமேடு போலீஸார் வசம் சென்றது.

வீடியோவில் இருக்கும் சிறுவர்கள் உள்ளிட்ட அனைவரையும், கரிமேடு போலீஸார் விசாரணை வளையத்துக்குள் கொண்டுவந்தார்கள். ராதிகா மற்றும் வீரமணியின் செல்போன்கள், லேப்டாப்களைப் பறிமுதல் செய்து ஆய்வு செய்தபோது, அவற்றில் பல இளஞ்சிறார்களுடன் ராதிகா உடலுறவுகொள்ளும் 50-க்கும் மேற்பட்ட வீடியோக்கள் இருந்துள்ளன’’ என்றார்கள்.

விபரீத ஆசிரியை... சீரழிக்கப்பட்ட சிறார்கள்... அதிரவைக்கும் வாட்ஸ்அப் வீடியோக்கள்!

கரிமேடு இன்ஸ்பெக்டர் சரவணக்குமார், சம்பந்தப்பட்டவர்களிடம் விசாரணை நடத்திக்கொண்டிருந்தபோது, வழக்கின் தீவிரத்தன்மையைப் புரிந்துகொண்ட கமிஷனர் செந்தில்குமார், அனைத்து மகளிர் காவல் நிலைய இன்ஸ்பெக்டர் விமலாவிடம் வழக்கை ஒப்படைத்தார். விமலாவின் விசாரணையில், ஆசிரியை ராதிகா தன் நண்பருடன் சேர்ந்து டியூஷனுக்கு வந்த மாணவர்களைப் பாலியல் தேவைக்குப் பயன்படுத்திக்கொண்டதும், அதை வீடியோவாக எடுத்ததும் உறுதியானது. அதைத் தொடர்ந்து, இருவர்மீதும் வழக்கு பதிவுசெய்து சிறையில் அடைத்திருக்கிறார்கள்.

ராதிகாவிடம் விசாரணை நடத்திய போலீஸாரிடம் பேசினோம். ‘‘ராதிகா தன் வீட்டில், மாலை 5 மணி முதல் இரவு 10 மணி வரை பேட்ச் பேட்சாக டியூஷன் எடுத்துள்ளார். சனி, ஞாயிறு உள்ளிட்ட விடுமுறை நாள்களில் பகல் முழுவதும் டியூஷனும், ஸ்பெஷல் கோச்சிங் கிளாஸும் நடத்துவதாகச் சொல்லி மாணவர்களை வரவழைத்துள்ளார். வீட்டில், அரைகுறை ஆடைகளுடன் மாணவர்களுக்குப் பாலியல் உணர்வுகளைத் தூண்டும்விதமாக நடந்துகொண்டிருக்கிறார். அத்துடன், அவருடைய செல்போன், லேப்டாப் முழுவதும் போர்னோ வீடியோக்களைப் பதிவிறக்கம் செய்துவைத்துள்ளார். மாணவர்கள் பார்க்க வேண்டும் என்பதற்காகவே ஆன் செய்து வைத்துவிட்டு, வேறு வேலைகளைப் பார்ப்பதுபோல நடித்திருக்கிறார். வீடியோக்களைப் பார்த்து உணர்ச்சிவசப்படும் மாணவர்களைப் பாலியல் ரீதியாகப் பயன்படுத்தியுள்ளார். சில மாணவர்களைக் கட்டாயப்படுத்தியும் உறவுகொண்டிருக்கிறார்.

ராதிகா
ராதிகா

சம்பந்தப்பட்ட மாணவர்கள் ஆரம்பத்தில் பயந்திருக்கிறார்கள். ஆனால், அவர்களை மிரட்டி கொஞ்சம் கொஞ்சமாகத் தன்வசப்படுத்தியுள்ளார். ‘டீச்சர் எங்களைக் கட்டாயப்படுத்தினார், மிரட்டினார், அதனால் உடன்பட்டோம்’ என்று அந்த மாணவர்கள் சொல்லியிருக்கிறார்கள். இந்த விஷயங்களெல்லாம் வீட்டிலிருந்த ராதிகாவின் மகனுக்கு எப்படித் தெரியாமல்போனது என்று விசாரித்தபோது, ‘எனக்கு சைனஸ் பிரச்னை இருக்கிறது. அதற்கு அம்மா மாத்திரை கொடுப்பார். நான் தூங்கிவிடுவேன். எனக்கு எதுவும் தெரியாது’ என்று கூறியுள்ளார். பதினெட்டு வயது நிரம்பாத பல மாணவர்கள் ராதிகாவிடம் சீரழிந்திருக்கிறார்கள். அவர்களின் எதிர்கால வாழ்வைக் கருத்தில்கொண்டு, இந்த வழக்கில் அவர்களைக் கொண்டுவரவில்லை. சமூக வலைதளங்களில் வெளியான வீடியோவில் இடம்பெற்ற மூன்று பேரை மட்டும் சாட்சிகளாகச் சேர்த்திருக்கிறோம்’’ என்றார்கள்.

மதுரையைச் சேர்ந்த சமூக ஆர்வலர்கள் சிலர், ‘‘வாட்ஸ்அப், டெலிகிராம் உள்ளிட்ட சமூக வலைதளங்களில் சில ரகசியக் குழுக்களில் ராதிகாவின் வீடியோக்கள் பகிரப்பட்டு வந்துள்ளன. அந்தக் குழுவில் யாரெல்லாம் இருந்தார்கள் என்பதைக் கண்டறிய வேண்டும். அப்போதுதான் ராதிகா, வீரமணிபோல வேறு யாரேனும் இது போன்ற விபரீதச் செயல்களில் ஈடுபட்டுள்ளனரா என்பது தெரியவரும். வீரமணி வெளியிட்ட வீடியோக்களைப் பார்ப்பதற்குப் பணம் வசூலிக்கப்பட்டிருக்கிறதா, வெளிநாட்டு வெப்சைட்டுகளுக்கு அவை விற்கப்பட்டனவா என்பதையும் கண்டறிய வேண்டும். ஆரம்பத்தில் சாதாரண நிலையிலிருந்த வீரமணி, இப்போது வளமாக இருப்பதும், அவர் இதைவைத்துப் பணம் பார்த்திருப்பார் என்ற சந்தேகத்தை உறுதிப்படுத்துவதாக உள்ளது. அவ்வாறு வாட்ஸ்-அப் மற்றும் பிற தளங்கள் வாயிலாகப் பார்க்க பணம் வசூலிக்கப்பட்டிருந்தால், ராதிகா, வீரமணிக்குப் பின்னே மிகப்பெரிய நெட்வொர்க் இருக்க வாய்ப்புள்ளது. இவை அனைத்தையும் வெளியில் கொண்டுவர வேண்டும்’’ என்றார்கள்.

வீரமணி
வீரமணி

வழக்கின் விசாரணை அதிகாரியான இன்ஸ்பெக்டர் விமலாவிடம் பேசினோம். ‘‘ராதிகாவின் பாலியல் இச்சையை வீரமணி பயன்படுத்திக்கொண்டிருக்கிறார். வீரமணி என்ன சொன்னாலும் செய்யும் நிலையில்தான் ராதிகா இருந்திருக்கிறார். பாலிடெக்னிக் மட்டுமே படித்துள்ள வீரமணி, டெக்னாலஜியைப் பயன்படுத்துவதில் படு அப்டேட்டாக இருக்கிறார். அவர் பயன்படுத்தும் வாட்ஸ்அப் எண்கூட வெளிநாட்டு எண்போல இருக்கிறது. ராதிகாவிடமிருந்தும் நிறைய பணத்தைக் கறந்திருக்கிறார். பணத்தாசையால் செக்ஸ் வீடியோக்களை ஆபாசத் தளங்களுக்கு விற்றிருக்கலாம் என்ற சந்தேகம் உள்ளது. அதனால், அவரின் வீடியோக்கள் ஆய்வுக்கு உட்படுத்தப்பட்டுள்ளன. மேலும் பெரிய அளவில் பணப் பரிமாற்றம் நடந்திருக்கிறதா என்பதை அறிய இருவரின் வங்கிக் கணக்கு விவரங்களையும் சேகரித்து விசாரித்துவருகிறோம். அவர்கள் இருவரையும் கஸ்டடியில் எடுத்து விசாரிக்க ஏற்பாடுகள் செய்யப்பட்டுள்ளன. அவர்களிடம் முழுமையாக விசாரித்தால் மட்டுமே மேற்கொண்டு விவரங்கள் தெரியவரும்’’ என்றார்.

‘ஒரு ஆசிரியையா இப்படிச் செய்துவிட்டார்?’ என்கிற அதிர்ச்சியிலிருந்து மதுரை பெற்றோர் மீள முடியாமல் தவிக்கிறார்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism