Published:Updated:

காவல் உதவி ஆய்வாளருக்குக் கொலை மிரட்டல் விடுத்த ரௌடி; வைரலான ஆடியோ... தீவிரமாகத் தேடும் போலீஸ்!

ஆய்வாளருக்கு கொலை மிரட்டல் விடுத்த ரௌடி

சீர்காழி அருகே வழக்கு விசாரணைக்காக அழைத்த சிறப்பு காவல் உதவி ஆய்வாளரை ஆபாசமாக பேசி கொலை மிரட்டல் விடுத்த ரௌடி தப்பி ஓடி தலைமறைவாகி விட்டான். அவனைக் கைது செய்ய சீர்காழி போலீஸார் தீவிரம் காட்டி வருகின்றனர்.

காவல் உதவி ஆய்வாளருக்குக் கொலை மிரட்டல் விடுத்த ரௌடி; வைரலான ஆடியோ... தீவிரமாகத் தேடும் போலீஸ்!

சீர்காழி அருகே வழக்கு விசாரணைக்காக அழைத்த சிறப்பு காவல் உதவி ஆய்வாளரை ஆபாசமாக பேசி கொலை மிரட்டல் விடுத்த ரௌடி தப்பி ஓடி தலைமறைவாகி விட்டான். அவனைக் கைது செய்ய சீர்காழி போலீஸார் தீவிரம் காட்டி வருகின்றனர்.

Published:Updated:
ஆய்வாளருக்கு கொலை மிரட்டல் விடுத்த ரௌடி

மயிலாடுதுறை மாவட்டம் சீர்காழி காவல் நிலையத்தில் சிறப்பு காவல் ஆய்வாளராக அர்ஜூனன் என்பவர் பணியாற்றி வருகிறார். இவரிடம் புத்தூர் பகுதியைச் சேர்ந்த மணிமாறன் என்பவர் தன்னை வழிமறித்து வினோத் என்பவர் கொலை மிரட்டல் விடுத்ததாக புகார் அளித்திருந்தார். அவர் புகாரின் பேரில் வழக்கு பதிவு செய்த அர்ஜுனன், எதிர்தரப்பைச் சேர்ந்த வினோத் என்பவரிடம் விசாரணை மேற்கொண்டனர். அப்போது வினோத்துக்கு ஆதரவாக தைக்கால் பகுதியைச் சேர்ந்த செந்தில் என்பவர் கொலை மிரட்டல் விடுத்தது தெரியவந்தது. அதையடுத்து, சிறப்பு காவல் ஆய்வாளர் அர்ஜுனன் செந்திலை தொலைபேசியில் தொடர்பு கொண்டு வழக்கு விசாரணைக்காக அழைத்துள்ளார்.

செந்தில்
செந்தில்

அப்போது தொலைபேசியில் ஆய்வாளரை ஆபாசமாக பேசிய செந்தில்,  கடுமையாக திட்டி கொலை மிரட்டல் விடுத்திருக்கிறார். மேலும், தன்னை இனிமேல் விசாரித்தால் ``அரை மணி நேரத்தில் குடும்பத்தோடு காலி செய்து விடுவேன்'' என கடுமையாக பேசி மிரட்டிய ஆடியோ சமூக வலைதளங்களில் பரவியது.

ஒட்டுமொத்த விகடனுக்கும் ஒரே ஷார்ட்கட்!

அர்ஜூனன்
அர்ஜூனன்

இதையடுத்து ரௌடி செந்தில் மீது சிறப்பு காவல் உதவி ஆய்வாளர் அர்ஜுனன் சீர்காழி காவல் நிலையத்தில் புகார் அளித்தார். அவர் புகாரின் பேரில் சீர்காழி போலீஸார் வழக்கு பதிவு செய்து தப்பியோடி தலைமறைவான ரௌடி செந்திலை தேடி வருகின்றனர். வழக்கு விசாரனைக்கு அழைத்த சிறப்பு உதவி காவல் ஆய்வாளரை ரௌடி ஒருவன் மிரட்டிய சம்பவம் சீர்காழி பகுதியில் பரபரப்பை ஏற்படுத்தியுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism