Published:Updated:

தொடரும் இலங்கை கடற்கொள்ளையர் கொடுமை! - தமிழக மீனவர்களைத் தாக்கி கடலில் தள்ளிவிட்ட கொடூரம்

தமிழக மீனவர்கள்

படகிலிருந்த டீசலையும் கொள்ளையர்கள் எடுத்துச் சென்றதால், கரைக்கு வர முடியாமல் தத்தளித்த மீனவர்கள், அருகே மீன் பிடித்துக்கொண்டிருந்த மீனவர்களிடம் 2 லிட்டர் டீசல் வாங்கிக்கொண்டு வேதாரண்யம் அருகே ஆறுகாட்டுத்துறை கடற்கரைக்கு வந்து சேர்ந்தனர்.

தொடரும் இலங்கை கடற்கொள்ளையர் கொடுமை! - தமிழக மீனவர்களைத் தாக்கி கடலில் தள்ளிவிட்ட கொடூரம்

படகிலிருந்த டீசலையும் கொள்ளையர்கள் எடுத்துச் சென்றதால், கரைக்கு வர முடியாமல் தத்தளித்த மீனவர்கள், அருகே மீன் பிடித்துக்கொண்டிருந்த மீனவர்களிடம் 2 லிட்டர் டீசல் வாங்கிக்கொண்டு வேதாரண்யம் அருகே ஆறுகாட்டுத்துறை கடற்கரைக்கு வந்து சேர்ந்தனர்.

Published:Updated:
தமிழக மீனவர்கள்

வேதாரண்யம் மீனவர்களைத் தாக்கிய இலங்கை கடல் கொள்ளையர்கள், சுமார் ஒரு லட்சம் ரூபாய் மதிப்புள்ள பொருள்களைக் கொள்ளையடித்துச் சென்றதோடு, மூன்று மீனவர்களைக் கடுமையாகத் தாக்கி கடலில் வீசிய சம்பவம் மீனவ மக்களிடையே பதற்றத்தை ஏற்படுத்தியிருக்கிறது.

தமிழக மீனவர்கள்
தமிழக மீனவர்கள்

நாகை மாவட்டம், வேதாரண்யத்தை அடுத்த புஷ்பவனம் பகுதியைச் சேர்ந்த நாகமணி என்பவருக்குச் சொந்தமான ஃபைபர் படகில் அதே ஊரைச் சேர்ந்த நாகமுத்து, பன்னீர்செல்வம், ராஜேந்திரன் ஆகிய மூன்று பேரும் நேற்று (24.01.2022) அதிகாலை கோடிக்கரைக்குத் தென் கிழக்கே மீன்பிடித்துக்கொண்டிருந்தனர்.

அப்போது ஒரு படகில் இலங்கை கடற்கொள்ளையர்கள் மூன்று பேர் வந்து, புஷ்பவனம் மீனவர்களின் படகில் ஏறி மீனவர்களை கம்பு, இரும்புக்கம்பிகொண்டு தாக்கி அவர்களைத் தண்ணீரில் தூக்கி வீசியதாகக் கூறப்படுகிறது. பின்பு படகில் இருந்த 200 கிலோ வலை, ஜி.பி.எஸ் கருவி, வாக்கி - டாக்கி செல்போன் உள்ளிட்ட சுமார் ஒரு லட்சம் மதிப்புள்ள பொருள்கள் கொள்ளையடித்து சென்றனர்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

படகிலிருந்த டீசலையும் கொள்ளையர்கள் எடுத்துச் சென்றதால் கரைக்கு வர முடியாமல் தத்தளித்த மீனவர்கள், அருகே மீன் பிடித்துக்கொண்டிருந்த  மீனவர்களிடம் 2 லிட்டர் டீசல் வாங்கிக்கொண்டு அவசரம் அவசரமாக வேதாரண்யம் அருகே ஆறுகாட்டுத்துறை கடற்கரைக்கு வந்து சேர்ந்தனர்.

தமிழக மீனவர்கள்
தமிழக மீனவர்கள்

ஆறுகாட்டுத்துறையிலிருந்து 108 ஆம்புலன்ஸ் மூலம் வேதாரண்யம் அரசு மருத்துவமனைக்குக் கொண்டுவரப்பட்டு  சிகிச்சை பெற்றுவருகின்றனர். இது பற்றி வேதாரண்யம் கடலோரக் காவல் குழும போலீஸார் விசாரணை செய்துவருகின்றனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism