Published:Updated:

திருப்பூர்: தன்பாலின உறவு; உடனிருந்தவரைக் கொலைசெய்துவிட்டு, இளைஞர் தற்கொலை... போலீஸார் விசாரணை!

கொலை

கல்லூரியில் படிக்கும்போதிலிருந்தே இரண்டு இளைஞர்களும் தன்பாலின உறவில் இருந்திருக்கின்றனர். தனியார் விடுதியில் தங்கியிருந்த இருவருக்குமிடையே சண்டை ஏற்பட்டிருக்கிறது.

திருப்பூர்: தன்பாலின உறவு; உடனிருந்தவரைக் கொலைசெய்துவிட்டு, இளைஞர் தற்கொலை... போலீஸார் விசாரணை!

கல்லூரியில் படிக்கும்போதிலிருந்தே இரண்டு இளைஞர்களும் தன்பாலின உறவில் இருந்திருக்கின்றனர். தனியார் விடுதியில் தங்கியிருந்த இருவருக்குமிடையே சண்டை ஏற்பட்டிருக்கிறது.

Published:Updated:
கொலை

தன்பாலின உறவிலிருந்த இளைஞர்களிடையே ஏற்பட்ட தகராறில் உடனிருந்தவரைக் கொலைசெய்துவிட்டு, இளைஞர் ஒருவர் தானும் தற்கொலை செய்துகொண்ட சம்பவம் அதிர்ச்சியை ஏற்படுத்தியிருக்கிறது.

திருப்பூர் பழைய பேருந்து நிலையம் பகுதியிலுள்ள தனியார் தங்கும் விடுதியின் அறையிலிருந்து ஜன. 7-ம் தேதி துர்நாற்றம் வீசியது. இதையடுத்து, விடுதி நிர்வாகத்தினர் அறையைத் திறந்து பார்த்தபோது, இளைஞர் ஒருவர் சடலமாக உயிரிழந்து கிடந்தது தெரியவந்தது. இதையடுத்து, திருப்பூர் தெற்கு காவல்துறையினர் நடத்திய விசாரணையில், இளைஞர் கழுத்தில் குத்தப்பட்டு கொலைசெய்யப்பட்டிருப்பது தெரியவந்தது. கொலைசெய்யப்பட்டவர், திருப்பூர் கருவம்பாளையம் புளியமரத்தோட்டத்தைச் சேர்ந்த வினோத்குமார் (26) என்பதும், அவருடன் அறையிலிருந்த மற்றொரு இளைஞர், கரூர் மாவட்டத்தைச் சேர்ந்த கதிரேசன் (26) என்பதும் தெரியவந்தது.

தன்பாலின உறவு
தன்பாலின உறவு

கல்லூரிகால நண்பர்களான இருவரும், கல்லூரியில் படிக்கும்போதிலிருந்தே தன்பாலின உறவில் இருந்திருக்கின்றனர். இந்த நிலையில், திருப்பூர் விடுதியில் ஜன. 4-ம் தேதி அறை எடுத்துத் தங்கியிருந்தவர்களிடையே தகராறு ஏற்பட்டிருக்கிறது. இதில், ஆத்திரமடைந்த கதிரேசன், வினோத்குமாரைக் கொலைசெய்துவிட்டு கரூருக்குத் திரும்பியிருக்கிறார். அங்கு, போலீஸ் விசாரணைக்கு பயந்து ஜன. 7-ம் தேதி தற்கொலை செய்துகொண்டிருக்கிறார். இது தொடர்பாக போலீஸார் விசாரித்துவருகின்றனர். இந்தச் சம்பவம் அந்தப் பகுதியில் பெரும் அதிர்ச்சியை ஏற்படுத்தியிருக்கிறது.