Published:Updated:

தேனி: போதை ஊசிப் பயன்பாடு குறித்த ரகசியத் தகவல்; சுடுகாட்டில்வைத்து இளைஞர்களைக் கைதுசெய்த போலீஸ்!

போதை ஊசி

தேனியில் போதை ஊசிகளைப் பயன்படுத்திய கும்பலை, போலீஸார் சுடுகாட்டில்வைத்து மடக்கிப் பிடித்தனர்.

தேனி: போதை ஊசிப் பயன்பாடு குறித்த ரகசியத் தகவல்; சுடுகாட்டில்வைத்து இளைஞர்களைக் கைதுசெய்த போலீஸ்!

தேனியில் போதை ஊசிகளைப் பயன்படுத்திய கும்பலை, போலீஸார் சுடுகாட்டில்வைத்து மடக்கிப் பிடித்தனர்.

Published:Updated:
போதை ஊசி

​தேனி மாவட்டம், போடி சிலமலை அருகேயுள்ள சுடுகாட்டில் இளைஞர்கள் ஒன்றுகூடி போதை வஸ்துக்களைப் பயன்படுத்தி வருவதாகப் ​புகார் எழுந்தது. ​​இதைத் தொடர்ந்து, நேற்று மாலை 6 மணியளவில் ​​போடி தாலுகா காவல்​ ​​சார்பு ஆய்வாளர் இத்தீஸ்கான் தலைமையில் ​போலீஸார், சுடுகாட்டில் ஆய்வு மேற்கொண்டனர். அப்போது, சுடுகாட்டிலிருந்து ஆறு இளைஞர்கள் காவலர்களைக் கண்டு தப்பி ஓடினர். ​அதில் ​தப்பி ஓடிய ​மூன்று இளைஞர்களைத் தாலுகா ​போலீஸார் கைதுசெய்தனர்.

சுஜித்
சுஜித்

அவர்களிடம் ​போலீஸார் நடத்திய விசாரணையில், போதை ஊசிப் பயன்படுத்தியவர்கள் போடி சிலமலையைச் சேர்ந்த சுஜித் குமார், திவின் குமார், தமிழ்ச்செல்வன் ஆகியோர் என்பது தெரியவந்தது.​ ​

திவீன்குமார்
திவீன்குமார்

மேலும் தப்பி ஓடிய மூன்று இளைஞர்கள் ராசிங்காபுரத்தைச் சேர்ந்த கார்த்திக், சிலமலையைச் சேர்ந்த பிரவீன், பரத் குமார் என்பதும் தெரிய​வந்தது.​ ​இதைத் தொடர்ந்து கைதுசெய்யப்பட்ட மூன்று பேரிடமிருந்து மூன்று ஊசிகள்​,​ ரத்த அழுத்தத்தை அதிகரிக்கச் செய்யும் மருந்தையும் கைப்பற்றினர்.

​இந்த மருந்தானது கர்ப்பிணிகள், இதய நோய் உள்ளவர்களுக்கும், அறுவை சிகிச்சை செய்வதற்கும் பயன்படுத்தக்கூடிய மருந்து.​ ​இந்த மருந்தை தற்போது இளைஞர்கள் போதை ஊசியாகப் பயன்படுத்திவருகின்றனர்.​ ​போடி தாலுகா காவல்துறையினர் கைதுசெய்யப்பட்ட இளைஞர்களிடமிருந்து மருந்து எங்கே வாங்கப்பட்டது... மேலும் யாரெல்லாம் இந்தப் போதை ஊசிப் பழக்கத்துக்கு அடிமையாகியிருக்கின்றனர் என்பதைப் பற்றி விசாரணை மேற்கொண்டுவருகின்றனர்.

தமிழ்ச்செல்வன்
தமிழ்ச்செல்வன்

​ஏ​ற்கெனவே திருச்சியிலிருந்து பேருந்து பார்சல் சர்வீஸ் மூலம்​ வாங்கப்பட்ட மருந்துகளை, போதை ஊசிகளாக வியாபாரம் செய்தும், பயன்படுத்தியும் வந்த தேனியைச் சேர்ந்த 18 இளைஞர்களை தனிப்படை போலீஸார் கைதுசெய்தது குறிப்பிடத்தக்கது.