Published:Updated:

சொத்துப் பிரச்னை; 2 முறை ஸ்கெட்ச்; தந்தையின் கழுத்தை அறுத்த மகன்கள் - விழுப்புரத்தில் அதிர்ச்சி

கொலை முயற்சி ( சித்தரிப்புப் படம் )

சொத்துப் பிரச்னையால், பெற்றெடுத்த தந்தையையே மகன்கள் ஸ்கெட்ச் போட்டு கழுத்தை அறுத்து சென்றுள்ளதாகக் கூறப்படும் சம்பவம் பரபரப்பை ஏற்படுத்தியுள்ளது.

சொத்துப் பிரச்னை; 2 முறை ஸ்கெட்ச்; தந்தையின் கழுத்தை அறுத்த மகன்கள் - விழுப்புரத்தில் அதிர்ச்சி

சொத்துப் பிரச்னையால், பெற்றெடுத்த தந்தையையே மகன்கள் ஸ்கெட்ச் போட்டு கழுத்தை அறுத்து சென்றுள்ளதாகக் கூறப்படும் சம்பவம் பரபரப்பை ஏற்படுத்தியுள்ளது.

Published:Updated:
கொலை முயற்சி ( சித்தரிப்புப் படம் )

விழுப்புரம் முகமதியார் தெருவில் வசித்துவந்துள்ளார் அகமது. 57 வயதான இவர், முன்னாளில் விழுப்புரம் 9-வது வார்டு கவுன்சிலராக இருந்துள்ளார். இவர், தற்போது நகராட்சி ஒப்பந்ததாரராகச் செயல்பட்டுவருகிறார். இவருடைய பிள்ளைகளான உமர், ஷாருக்குடனான சொத்துப் பிரச்னையில் இவருக்கு முன்விரோதம் இருந்துவந்ததாம். இந்நிலையில், 23-ம் தேதி அதிகாலை 1 மணி அளவில், தனது காரில் விழுப்புரத்திலிருந்து சென்னைக்குச் சென்றிருக்கிறார் அகமது.

கழுத்து அறுக்கப்பட்டு கிடந்த அகமது.
கழுத்து அறுக்கப்பட்டு கிடந்த அகமது.

ஒட்டுமொத்த விகடனுக்கும் ஒரே ஷார்ட்கட்!

முண்டியம்பாக்கம் அருகே உள்ள சிந்தாமணி அருகே அகமதுவின் கார் சென்று கொண்டிருந்தபோது, வழிமறித்த அவரது மகன்கள் உமர், ஷாருக்... சொத்து குறித்து வாக்குவாதத்தில் ஈடுபட்டு, கத்தியால் அகமது கழுத்தை அறுத்தாகக் கூறப்படுகிறது. இதில் காயமடைந்த அகமது, தப்பித்துச் சென்று அருகில் இருந்த முண்டியம்பாக்கம் அரசு மருத்துவமனையில் சேர்ந்து முதலுதவி சிகிச்சை பெற்றுள்ளார். பிறகு, அதிகாலை சுமார் 4 மணியளவில் மருத்துவமனை அருகே உள்ள கார் நிறுத்தத்திற்கு வந்த அகமது, வாடகை கார் மூலம் விழுப்புரத்துக்குச் சென்று தனது உடமைகளை எடுத்துக்கொண்டு சென்னை நோக்கிச் சென்றுள்ளார்.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அப்போது, தேசிய நெடுஞ்சாலையில் 1 கி.மீ தூரத்தில் அகமது சென்ற காரை மீண்டும் வழிமறித்த அவரின் இரு மகன்கள், மகன்களின் நண்பர்களான வினோத், நேதாஜி ஆகியோர்... மற்றொரு காரில் அகமதைக் கடத்திச் சென்று கத்தியால் கழுத்தை அறுத்து கீழே தள்ளிவிட்டு சென்றுள்ளனர். காயமடைந்து ரத்தம் சிந்திக் கிடந்த அகமதுவைப் பார்த்த அய்யன் கோவில்பட்டு பொதுமக்கள் சிலர், அவரை மீட்டு 108 ஆம்புலன்ஸ் மூலம் முண்டியம்பாக்கம் அரசு மருத்துவமனையில் சிகிச்சைக்காகச் சேர்த்துள்ளனர். இந்தச் சம்பவம் குறித்துக் கிடைத்த தகவலின் பேரில் மருத்துவமனைக்குச் சென்ற விழுப்புரம் தாலுகா காவல்துறை அதிகாரிகள், சிகிச்சை பெற்றுவந்த அகமதுவிடம் வாக்குமூலம் பெற்று வழக்கு பதிந்துள்ளனர்.

விழுப்புரம் மாவட்ட காவல் கண்காணிப்பாளர் அலுவலகம்
விழுப்புரம் மாவட்ட காவல் கண்காணிப்பாளர் அலுவலகம்

ஆள் கடத்தல், கொலை முயற்சி உள்ளிட்ட பிரிவுகளின் கீழ் வழக்கு பதிந்து தீவிர விசாரணை மேற்கொண்டு வந்த காவல்துறையினர், இந்தச் சம்பவத்தில் தொடர்புடைய ஒருவரை 23-ம் தேதி இரவே கைதுசெய்து, அவரிடம் விசாரணை மேற்கொண்டுவருவதாகத் தகவல்கள் வெளியாகியுள்ளன. சொத்துப் பிரச்னைதான் காரணமா அல்லது வேறு ஏதேனும் காரணங்கள் இருக்கின்றனவா உள்ளிட்ட சந்தேக கோணங்களில் போலிஸார் தீவிர விசாரணை நடத்திவருகின்றனர்.

சொத்துப் பிரச்னையில் ஏற்பட்ட விரோதம் காரணமாக பிள்ளைகளே தந்தையின் கழுத்தை அறுத்துக் கொலை செய்ய முயன்றதாகக் கூறப்படும் சம்பவம் பரபரப்பை ஏற்படுத்தியுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism