Published:Updated:

மாந்திரீகம் என்ற பெயரில் 7 வயது சிறுமிக்கு நேர்ந்த கொடூரம்! - உ.பி அதிர்ச்சி

பாலியல் வன்கொடுமை
பாலியல் வன்கொடுமை ( representational image )

`பரசுராம் தம்பதியினருக்கு 1999-ம் ஆண்டு திருமணம் நடைபெற்றது. ஆனால், அவர்களுக்கு இதுவரை குழந்தை பாக்கியம் இல்லாத காரணத்தால், தங்கள் உறவினர்களான மாந்திரீகர்களின் உதவியை நாடியிருக்கிறார்கள்’ - கான்பூர் போலீஸ்

உத்தரப்பிரதேச மாநிலம், கான்பூர் மாவட்டத்திலுள்ள ஒரு கிராமத்தில் வசித்துவரும் பரசுராம் தம்பதியினருக்கு பல வருடங்களாக குழந்தை பாக்கியமில்லை. குழந்தை பாக்கியம் வேண்டி மாந்திரீக பூஜை ஒன்றை நடத்தத் திட்டமிட்டு, அதே பகுதியைச் சேர்ந்த மாந்திரீகர்களான அங்குல் மற்றும் பீரன் என்ற இருவரிடம் ஆயிரம் ருபாய் பணம் கொடுத்து பூஜை நடத்த ஏற்பாடு செய்திருக்கிறார்கள்.

கடந்த சனிக்கிழமை (14.11.2020) அன்று அதே பகுதியைச் சேர்ந்த 7 வயது சிறுமியை மாந்திரீகர்களான இருவரும் திட்டமிட்டு கடத்தி, பின்னர் அந்தச் சிறுமியை பாலியல் வன்கொடுமை செய்திருக்கிறார்கள். பிறகு அந்தச் சிறுமியைக் கொடூரமான முறையில் கொலை செய்து, சிறுமியின் கல்லீரலை அறுத்தெடுத்து பரசுராமிடம் கொடுத்திருக்கிறார்கள்.

கொலை செய்யப்பட்ட சிறுமி கடந்த ஞாயிற்றுக்கிழமை (15.11.2020) காலை சடலமாகக் கண்டெடுக்கப்பட்டார்.

இது தொடர்பாக, வழக்கு பதிவு செய்து விசாரணையைத் தொடங்கிய கான்பூர் மாவட்ட போலீஸார், அங்குல் மற்றும் பீரன் ஆகிய இருவரையும் கைதுசெய்து விசாரணை மேற்கொண்டுவருகின்றனர்.

நெல்லை: கஞ்சா போதை... ஆபாசப் படம்... பாலியல் தொல்லை - 3 இளைஞர்களால் இளம் பெண்ணுக்கு நேர்ந்த சோகம்!

இது குறித்து செய்தியாளர்களிடம் பேசிய கான்பூர் மாவட்ட போலீஸ் அதிகாரியான பிரஜேஷ் ஸ்ரீவாஸ்தவா, ``7 வயது சிறுமிக்கு நடந்திருக்கும் இந்தக் கொடுமைச் சம்பவத்துக்குக் காரணமானவர்களைக் கைதுசெய்து, விசாரணை மேற்கொண்டு வருகிறோம். பரசுராம் தம்பதியருக்கு 1999-ம் ஆண்டு திருமணம் நடைபெற்றது. ஆனால், அவர்களுக்கு இதுவரை குழந்தை பாக்கியம் இல்லாத காரணத்தால், தங்கள் உறவினர்களான மாந்திரீகர்களின் உதவியை நாடியிருக்கிறார்கள். மாந்திரீகர்களான இருவரும் குற்றச் செயலில் ஈடுபடும்போது, மதுபோதையில் இருந்திருக்கிறார்கள். அந்தச் சிறுமியின் கல்லீரல் அறுக்கப்பட்டதோடு, உடலின் மற்ற சில உறுப்புகளும் அறுக்கப்பட்டிருப்பது விசாரணையில் தெரியவந்திருக்கிறது’’ என்றார்.

பாலியல் வன்கொடுமை
பாலியல் வன்கொடுமை
Representational Image

``இந்தக் கொடூரச் செயலில் ஈடுபட்டவர்கள் மீது விரைவில் கடுமையான நடவடிக்கை எடுக்கப்படும். சிறுமியின் குடும்பத்தினருக்கு ஐந்து லட்சம் ரூபாய் நிதியுதவி வழங்கப்படும்” என்று உத்தரப்பிரதேச மாநில முதல்வர் யோகி ஆதித்யநாத் தெரிவித்திருக்கிறார்.

அடுத்த கட்டுரைக்கு