Published:Updated:

சச்சார் - நீதியின் அடையாளம்!

சச்சார் - நீதியின் அடையாளம்!
பிரீமியம் ஸ்டோரி
சச்சார் - நீதியின் அடையாளம்!

ஆ.பழனியப்பன்

சச்சார் - நீதியின் அடையாளம்!

ஆ.பழனியப்பன்

Published:Updated:
சச்சார் - நீதியின் அடையாளம்!
பிரீமியம் ஸ்டோரி
சச்சார் - நீதியின் அடையாளம்!

னித உரிமை மீறல்களால் பாதிக்கப்படுபவர்களின் பக்கம் நின்று உறுதியுடன் போரடிய  மனித உரிமைப் போராளி, தன் இறுதிமூச்சுவரை முற்போக்கா ளராக விளங்கியவர் என்ற பெருமைகளுக்கு உரியவர் நீதிபதி ராஜிந்தர் சச்சார்.

ஒன்றுபட்ட பஞ்சாப் மாகாணத்தின் முதல்வராக இருந்த பீம் சென் சச்சாரின் மகனாக லாகூரில் பிறந்தவர் ராஜிந்தர் சச்சார். இந்திய-பாகிஸ்தான் பிரிவினையின்போது,  ரத்தம்தோய்ந்த துயரங்களை நேரில் கண்டவர். பிரிவினைக்குப் பிறகு இந்தியாவுக்கு வந்த சச்சார், 1952ல் சிம்லாவில் வழக்கறிஞராகப் பதிவுசெய்துகொண்டார். 1960-ல் உச்சநீதிமன்ற வழக்கறிஞர், 1970-ல் டெல்லி உயர் நீதிமன்றக் கூடுதல் நீதிபதி, 1972-ல் டெல்லி உயர் நீதிமன்ற நீதிபதி என உயர்ந்தார். சிக்கிம் உயர் நீதிமன்றத்தின் செயல் தலைமை நீதிபதியாக சச்சார் இருந்தபோது, இந்திரா காந்தியால் அறிவிக்கப்பட்ட  எமர்ஜென்சியைக் கடுமையாக எதிர்த்ததால் ராஜஸ்தானுக்கு இடமாற்றம் செய்யப்பட்டார். 1977-ல் டெல்லி உயர் நீதிமன்றத்துக்கு மாற்றப்பட்ட சச்சார், 1984 முதல் 1986-ல் ஓய்வுபெறும் வரை டெல்லி உயர் நீதிமன்றத் தலைமை நீதிபதியாக இருந்தார்.

சச்சார் - நீதியின் அடையாளம்!

பணியிலிருந்து ஓய்வுபெற்ற பின், மக்கள் சிவில் உரிமைக்கழகத்தில் (பி.யூ.சி.எல்) தன்னை இணைத்துக்கொண்டு, நாடு முழுவதும் பயணம் செய்து மனித உரிமை மீறல்களுக்கு எதிராகத் தீவிரமாகச் செயல்பட்டார். 2002-ல் கொண்டு வரப்பட்ட பொடா சட்டத்துக்கு எதிராக உச்ச நீதிமன்றத்தில் வாதாடினார்.

முஸ்லீம்களின் பொருளாதார நிலை குறித்து ஆராய அமைக்கப்பட்ட சச்சார் கமிஷன், ஒரு சமூகநீதி சாதனை. இந்திய மக்கள் தொகையில் 14 சதவிகிதம் பேர் முஸ்லீம்கள். ஆனால், ஐ.ஏ.எஸ் மற்றும் ஐ.பி.எஸ் அதிகாரிகளில் 2.5 சதவிகிதத்தினரே முஸ்லீம்கள் என்பது உள்பட பல புள்ளிவிவரங்கள் சச்சார் அறிக்கையில் இடம்பெற்றன. சமூகம், அரசியல், சமூக நீரோட்டத்தில் முழுமையாகப் பங்கெடுப்பதில் இந்திய முஸ்லீம்களுக்கு இருக்கக்கூடிய தடைகளைத் தகர்த்தெறிவதற்கான பல ஆலோசனைகளையும் சச்சார் குழு வழங்கியது. சச்சார் குழுவின் பரிந்துரைகளைச் செயல்படுத்துவதற்காக, தேசிய சிறுபான்மையினர் மேம்பாடு மற்றும் நிதிக்கழகத்தின் பட்ஜெட் ஒதுக்கீட்டை அதிகரிக்க ஐ.மு.கூட்டணி ஆட்சியில் நடவடிக்கை எடுக்கப்பட்டது. சச்சார் குழு பரிந்துரைகளின் விளைவாக, கடந்த பத்தாண்டுகளில் இந்திய முஸ்லீம்களின் நிலையில் சற்று முன்னேற்றம் ஏற்பட்டிருப்பதாக சில புள்ளிவிவரங்கள் தெரிவிக்கின்றன.

குரலற்றவர்களுக்காக ஒலித்த நீதிபதி சச்சாரின் குரல், ஏப்ரல் 20-ம் தேதி நின்றுபோனது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism