Published:Updated:

என்றும் மணக்கும் அறுசுவை!

விகடன் விமர்சனக்குழு

என்றும் மணக்கும் அறுசுவை!

பிரீமியம் ஸ்டோரி

விறகு அடுப்புகளுக்கு முன் வியர்வையையும் பொருட்படுத்தாமல் நின்று, உள்ளங்கை கடுக்கக் கரண்டி பிடித்து அயராது உழைத்து, சமையற்கலைஞர்களுக்கு முக்கிய அந்தஸ்து பெற்றுத்தந்தவர்களில் குறிப்பிடத்தக்கவர், அண்மையில் மறைந்த அறுசுவை நடராஜன் (வயது 90).

என்றும் மணக்கும் அறுசுவை!

சமையல்காரர் என்றால், அவர் டைனிங் ஹால் வாசலில் நின்று கல்யாண மேடையைத் தொலைவிலிருந்து வேடிக்கை பார்த்த காலம் உண்டு. பிறகு, நிலைமை மாறியது. அறுசுவை நடராஜனை மணமேடைக்கு அழைப்பார்கள். அவர் கையில் பூவும் அட்சதையும் கொடுப்பார்கள். புதுமணத் தம்பதி காலில் விழுந்து வணங்க, பெரியவர் நடராஜன் ஆசி வழங்குவார்.

அவரின் வாழ்க்கை, ஏற்ற இறக்கங்களுடன் சென்றுகொண்டிருந்தது. திருமணமாகி மனைவியுடன் சென்னையில் வசிக்க ஆரம்பித்தபோது, வயது 23. ஒரு குழந்தையும் பிறந்துவிட்டது. வறுமை அதன் உச்சத்தில்!

மனைவியுடன் காஞ்சிபுரம் சென்றார் நடராஜன். பெரியவரை தரிசனம் செய்தார். மனக்கலக்கத்தை அந்த மகானிடம் தெரிவித்தார். அவர் கொடுத்த புது வேட்டி, புதுப் புடவையை உடுத்திக்கொண்டு கணவனும் மனைவியும் நமஸ்கரித்தார்கள்.

`எதிரில் மூங்கில் தட்டில் இருந்த 11 ரூபாயை எடுத்து எங்களிடம் கொடுக்கச் சொன்னார் மகா பெரியவா. `போ! எல்லாம் சரியாயிடும்!’ என்று கையை உயர்த்தி ஆசீர்வதித்தார். அன்றிலிருந்து என்னைப் பற்றியிருந்த வறுமை கொஞ்சம் கொஞ்சமாக விலக ஆரம்பித்தது’ என்று விகடனில் எழுதிய தனது தொடர் கட்டுரையில் குறிப்பிட்டிருக்கிறார் நடராஜன்.

நான்காம் வகுப்பு வரை மட்டுமே படித்திருந்த இவர், தஞ்சாவூருக்கு அருகில் உள்ள சண்முகா பொறியியல் கல்லூரியில், மாணவர்களுக்குச் சமையல்கலையைக் கற்றுக்கொடுக்கும் விரிவுரையாளராக உயர்ந்தார்.

கும்பகோணத்தில் எளிமையான குடும்பத்தில் பிறந்தவர் நடராஜன். திருச்சி அம்பி ஐயர் ஹோட்டலில் டேபிள் க்ளீனராக வேலைபார்த்திருக்கிறார். சிறிது காலம் பிஸ்கட் கம்பெனி ஒன்றில் பணிபுரிந்த அனுபவமும் உண்டு. இடுப்பில் ஈரத்துண்டுடன், புகை மண்டலத்துக்கு நடுவே கரிபடிந்த பாத்திரங்களுடன் போராடி, உழைத்து முன்னுக்கு வந்தவர் அறுசுவை நடராஜன். ஜனாதிபதிகள், ஆன்மிகப் பெரியோர்கள், அரசியல் மற்றும் சினிமாப் பிரபலங்கள் எனப் பல துறைப் பிரமுகர்களும் இவரது சமையலை ரசித்து, ருசித்துச் சாப்பிட்டிருக்கிறார்கள்.

வீயெஸ்வி 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு