Published:Updated:

தேம்பியழும் தேசம்... விதைக்கப்பட்டவர்களுக்கு வீரவணக்கம்!

தேம்பியழும் தேசம்... விதைக்கப்பட்டவர்களுக்கு வீரவணக்கம்!
பிரீமியம் ஸ்டோரி
தேம்பியழும் தேசம்... விதைக்கப்பட்டவர்களுக்கு வீரவணக்கம்!

தேம்பியழும் தேசம்... விதைக்கப்பட்டவர்களுக்கு வீரவணக்கம்!

தேம்பியழும் தேசம்... விதைக்கப்பட்டவர்களுக்கு வீரவணக்கம்!

தேம்பியழும் தேசம்... விதைக்கப்பட்டவர்களுக்கு வீரவணக்கம்!

Published:Updated:
தேம்பியழும் தேசம்... விதைக்கப்பட்டவர்களுக்கு வீரவணக்கம்!
பிரீமியம் ஸ்டோரி
தேம்பியழும் தேசம்... விதைக்கப்பட்டவர்களுக்கு வீரவணக்கம்!

திர்ச்சி, அழுகை, ஆத்திரம்...இப்போது ஒட்டுமொத்த தேசத்தின் உணர்வுகள் இவைதான். காஷ்மீர், புல்வாமா பகுதியில் நம் சிஆர்பிஎப் வீரர்களின் மீது நடத்தப்பட்ட பயங்கரவாதத் தாக்குதல், நம் தேசத்தின் இறையாண்மைமீது தொடுக்கப்பட்ட கொடூரத் தாக்குதல் என்பதை உணர்ந்து கலங்கி நிற்கிறோம்.

தேம்பியழும் தேசம்... விதைக்கப்பட்டவர்களுக்கு வீரவணக்கம்!

இந்த பயங்கரவாதத் தாக்குதலுக்குப் பிறகு பாகிஸ்தான் இருக்கிறது என்பது எல்லோருக்கும் தெரிந்த உண்மைதான். தாக்குதலுக்குப் பொறுப்பேற்றிருக்கும் ஜெய்ஷ்-இ-முகமது அமைப்பு, பாகிஸ்தானில் இருந்து இயக்கப்படுவது. ஏற்கெனவே நாடாளுமன்றத் தாக்குதல், மும்பைத் தாக்குதல், பதான்கோட் தாக்குதல் என, பல வன்முறைச் செயல்களுக்குக் காரணமாக இருந்த பாகிஸ்தான்தான், இப்போது இந்த பயங்கரவாதத் தாக்குதலுக்கும் பின்னணியில் இருக்கிறது.

ஒட்டுமொத்த விகடனுக்கும் ஒரே ஷார்ட்கட்!

தேம்பியழும் தேசம்... விதைக்கப்பட்டவர்களுக்கு வீரவணக்கம்!



இந்தத் தாக்குதலுக்குப் பதிலடி கொடுக்க, நம் வீரர்களின் தியாகத்துக்கு சரியான மதிப்பளிக்க இந்திய அரசு முயலும் என்பதிலும் அதற்கு ஒட்டுமொத்த இந்தியாவும் துணைநிற்கும் என்பதிலும் சந்தேகமேயில்லை. இன்று எல்லா அரசியல் கட்சிகளும் தங்களுக்கு இடையிலான கருத்துவேறுபாடுகளை மறந்து ஒரே குரலில், உரத்த குரலில் பயங்கரவாதத்திற்கு எதிரான தங்களின் உணர்வுகளைப் பகிர்ந்துகொள்கின்றனர்.

பாகிஸ்தான் தூதரை அழைத்து இந்திய அரசு அழுத்தமாகத் தன் கண்டனத்தைப் பதிவு செய்திருக்கிறது. பாகிஸ்தானுக்கான இந்தியத் தூதரை டெல்லி வரச்சொல்லி உத்தரவிட்டிருக்கிறது மத்திய அரசு. பாகிஸ்தானிலிருந்து இறக்குமதி செய்யப்படும் பொருள்களுக்கான சுங்கவரி 200 சதவிகிதம் உயர்த்தப்பட்டிருக்கிறது. பயங்கரவாதத்துக்குத் துணைபோகும் பாகிஸ்தானை சர்வதேச அரங்கில் அம்பலப்படுத்தும் எல்லா நடவடிக்கைகளையும் இந்திய அரசு மேற்கொள்ள வேண்டும் என்பதுதான் இன்று இந்தியாவில் உள்ள ஒவ்வொரு குடிமகனின் உணர்வுக்குரல்.

நம் தேசத்தின் சுதந்திரம் எண்ணற்ற தியாகிகளின் கண்ணீராலும் ரத்தத்தாலும் ஆனது என்றால், நம் தேசத்தின் பாதுகாப்பு, ராணுவ வீரர்களின் தியாகத்தால் நிலைநிறுத்தப்பட்டிருக்கிறது. இதை உணர்ந்ததால்தான் ஒவ்வொரு இந்தியரும் ராணுவ வீரர்களுக்கான இதய அஞ்சலியைச் செலுத்திக்கொண்டிருக்கின்றனர்.

இந்தியாவெங்கும் மக்கள் தன்னெழுச்சியாகக் கூடி, இறந்துபோன ராணுவ வீரர்களின் படங்களுக்கு அஞ்சலி செலுத்துகின்றனர். கோபத்தின் உச்சிக்குச் சென்ற சிலர் பாகிஸ்தான் கொடியை எரித்துப் போராடவும் செய்கின்றனர்.

ராணுவ வீரர்களின் உயிரை பலிவாங்கி, பயங்கரவாதம் மீண்டும் தன் கோரமுகத்தை காஷ்மீரில் காட்டியுள்ளது இந்தியர்களின் நாட்டுப்பற்றையும் ஒற்றுமை உணர்வையும் அதிகப்படுத்தியுள்ளது. ‘இந்தத் தாக்குதல் இந்திய ராணுவத்தையும் இந்திய மக்களின் மனவுறுதியையும் சீர்குலைத்துவிடும்’ என்று பயங்கரவாதிகள் நினைத்திருக்கலாம். ஆனால் இந்தத் தாக்குதலுக்குப் பிறகு மனவுறுதியுடன் பயங்கரவாதத்துக்கு எதிரான தங்கள் உணர்வுகளை இந்தியர்கள் அனைவரும் அழுத்தமாகப் பதிவு செய்கின்றனர். இதுதான் இந்தியா, இவர்கள்தான் இந்தியர்கள்!

இந்தத் தாக்குதலுக்குப் பொறுப்பேற்றுள்ள ஜெய்ஷ்-இ-முகமது என்ற அமைப்பு மசூத் ஆசார் என்பவர் தலைமையின் கீழ் செயல்படுகிறது. இதுவரை நடந்த தாக்குதல்களைவிட இது மிகவும் கொடூரமானது மட்டுமல்ல; நம்விரலைக் கொண்டே நம் கண்ணைக் குத்தியுள்ளது என்பதே அதிர்ச்சியையும் ஆத்திரத்தையும் ஏற்படுத்துகிறது.

இந்திய எல்லையை ஊடுருவி வரும் பாகிஸ்தான் பயங்கரவாதி கள்தான் இதுவரை பயங்கரவாதத் தாக்குதல்களைக் காஷ்மீரில் நடத்திவந்தனர். ஆனால், தற்போது உள்ளூர் இளைஞர்களையே பயன்படுத்தித் தாக்குதல்கள் நடத்தும் அளவுக்கு ஜெய்ஷ்-இ-முகமது துணிந்துள்ளது.

ஜெய்ஷ்-இ-முகமது அமைப்பின் தலைவர் மசூத் ஆசார் ஐந்து ஆண்டுகள் (1994-1999) இந்தியச் சிறையில் இருந்தார். காஷ்மீரில் ஹர்ஹத்-உல்-முஜாஹிதீன் என்ற ஆயுதக் குழுவில் உறுப்பினராக இருந்த குற்றத்திற்காக 1994-ல் ஆசார் கைது செய்யப்பட்டு, சிறையில் அடைக்கப்பட்டார். 1999-ல் இந்திய விமானம் (IC-814) காத்மாண்டு விலிருந்து கடத்தப்பட்டு தாலிபான் ஆளுகைக்கு உட்பட்ட ஆப்கா னிஸ்தானுக்குக் கொண்டு செல்லப்பட்ட போது, விமானத்தி லிருந்த பயணிகளைக் காப்பாற்று வதற்காக, அப்போதைய வாஜ்பாய் அரசு முஷ்டாக் அஹமது ஸர்கார், உமர் ஷேக் உட்பட மூன்று தீவிரவாதிகளை விடுவித்தது. அதில் மூன்றாவது தீவிரவாதிதான் மசூத் ஆசார்.  

தேம்பியழும் தேசம்... விதைக்கப்பட்டவர்களுக்கு வீரவணக்கம்!

டிசம்பர் 1999-ல் காந்தகாரில் விடுதலை செய்யப்பட்ட பின், பாகிஸ்தான்  சென்ற மசூத், ‘ஜெய்ஷ்-இ-முகமது’ என்ற தீவிரவாதக் குழுவை உருவாக்கினார். அதற்குப்பிறகு மனச்சாட்சியற்ற கோரத் தாக்குதல்களை நடத்தத் தொடங்கியது ஜெய்ஷ்-இ-முகமது.

ஒரு பள்ளி ஆசிரியரின் 17 வயது மகன் அஃபாக் அகமது ஷா, கடந்த 2000-ம் ஆண்டு ஏப்ரல், பாதாமிபாகின் ராணுவக் காவல்படை முகாமின் நுழைவாயிலில் வெடிகுண்டுகள் நிறைந்த ஒரு காரை ஓட்டித் தாக்குதல் நடத்தினான். இதுதான் காஷ்மீரில், ஜெய்ஷ்-இ-முகமது நடத்திய முதல் தாக்குதல்.

அதற்குப் பிறகு பல தாக்குதல்களை இந்த அமைப்பு நடத்தியது. லஷ்கர்-இ-தொய்பா, ஹிஸ்புல் முஜாஹிதின் தீவிரவாத அமைப்புகளைப் பின்னுக்குத்தள்ளி, காஷ்மீரில் வேகமாக வளர்ந்தது ஜெய்ஷ்-இ-முகமது. காஷ்மீரில் அதன் தீவிரவாதச் செயல்களைத் தடுக்க ராணுவம் முற்படும்போது, அதன் தாக்குதல்கள் பாராளுமன்றம், செங்கோட்டை என டெல்லி வரை ஊடுருவியது.

 2001-ல் நாடாளுமன்றத்தில் தாக்குதல் நடத்தியதாக ஜெய்ஷ்-இ-முகமது மீது இந்தியா குற்றம் சாட்டியதால், 2002-ல் பாகிஸ்தான் அந்த அமைப்பைத் தடை செய்ததாக அறிவித்தது. பெயருக்குத்தான் தடையே தவிர, இன்றுவரை அந்த அமைப்பு பாகிஸ்தானில் சுதந்திரமாகத்தான் செயல்படுகிறது. பாகிஸ்தானில் மசூதுக்கு விஐபி பாதுகாப்பு அளிக்கப்பட்டதாக பாகிஸ்தான் பத்திரிகைகளே தெரிவிக்கின்றன.

 2002-ல், ஜம்மு அருகே உள்ள களுசாக் எனும் இடத்தில் இந்தியப் பாதுகாப்புப் படைகள்மீது நடந்த கொடூரமான தாக்குதல்தான் புல்வாமா தாக்குதலுக்கு முன் நடத்தப்பட்ட மிகப்பெரிய தாக்குதல். அதில் இறந்த 31 பேரில் பெரும்பாலானோர் பொதுமக்கள் மற்றும் ராணுவத்தினரின் உறவினர்கள்.

அதைத் தொடர்ந்து, ஜெய்ஷ்-இ-முகமது ஒரு பயங்கரவாத அமைப்பு என இந்தியா, ஐநா சபை, அமெரிக்கா மற்றும் ஐக்கிய நாடுகள் சபை ஆகியவை அறிவித்தன. மசூதை ஒப்படைக்கப் பலமுறை இந்தியா வலியுறுத்தியும், பாகிஸ்தான் போதிய ஆதாரங்கள் இல்லை என்று கூறி ஒப்படைக்க மறுத்துவிட்டது.

2016 ஜனவரி 2-ல் பதான்கோட்  இந்திய விமானப்படைத் தளத்தின் மீது நடந்த தாக்குதலை அடுத்து, மசூதைப் பன்னாட்டு பயங்கரவாதியாக அறிவிக்க இந்தியா ஒரு முன்மொழிவை ஐநாவில் கொண்டுவந்தது. ஆனால், சீனா தனது சிறப்பு அதிகாரத்தைப் பயன்படுத்தி அதைத் தடுத்தது. டிசம்பரில் மேற்கொண்ட இந்தியாவின் அடுத்த முயற்சியும் தோல்வியில் முடிந்தது.  

தாலிபான் தலைவர் முல்லா ஒமரும், அல்-காய்தா தலைவர் ஒசாமா பின் லேடனும் பாகிஸ்தானில் தங்கியிருந்தபோது, மசூத் அவரைப் பலமுறை சந்தித்ததாகவும், ஒரு சமயம் பாகிஸ்தான் முன்னாள் அதிபர் முஷாரப்பைத் தீர்த்துக்கட்டவும் முயற்சி செய்ததாகவும் கூறப்படுகிறது. காஷ்மீரின் ஸ்திரத்தன்மையை இழக்க வைத்து, அதை பாகிஸ்தானுடன் இணைப்பதுதான் அதன் ஒரே குறிக்கோள்.

சீனா, பாகிஸ்தானின் ராஜதந்திரம் மசூதுக்குப் பக்கபலமாக இருப்பதால், அவரைப் பன்னாட்டுத் தீவிரவாதியாக அறிவிக்க இந்தியா எடுத்த அனைத்து முயற்சிகளும் வெற்றி அடையவில்லை. ஐநாவின் தீவிரவாதப் பட்டியலில் மசூத் பெயர் சேர்க்கப்பட்டிருந்தால், அவருடைய அசையாச் சொத்துகள் மற்றும் அவர் பயணங்கள் முடக்கப்பட்டிருக்கும்.

புல்வாமா தாக்குதல் குறித்த சீனாவின் இரங்கல் செய்தியில்கூட பாகிஸ்தான், ஜெய்ஷ்-இ-முகமது பற்றி ஒருவார்த்தையும் இல்லை. தன்னுடைய பொருளாதார, ராஜதந்திர நடவடிக்கைகளுக்கு பாகிஸ்தானின் உதவி அவசியம் என்பதால் சீனா பாகிஸ்தான் ஆதரவு நிலைப்பாட்டை எடுத்துள்ளது.

அதைப்பற்றியெல்லாம் கவலைப்படாமல், காஷ்மீரில் தீவிரவாதத்தை ஒடுக்கும் நடவடிக்கைகளை மத்திய அரசு தீவிரப்படுத்தியது. 2017-ல் காஷ்மீர் ட்ரால் எனும் இடத்தில் ஜெய்ஷ்-இ-முகமது அமைப்பின் படைத்தலைவன் நூர் முகமது தந்திரி உட்பட மூன்று தலைவர்களை வேட்டையாடியது மத்திய பாதுகாப்புப்படை. இதனால் ஜெய்ஷ்-இ-முகமது அமைப்புக்குப் பெரிய பின்னடைவு ஏற்பட்டது. நூர் மொஹம்மது தந்தரி அந்த அமைப்பின் காஷ்மீர்ப் பகுதியின் படைத்தலைவனாக இருந்தவர்.

சில மாதங்களில் ஜெய்ஷ்-இ-முகமதுக்கு மேலும் ஓர் அடி விழுந்தது. மசூதின் இரு மருமகன்கள் டல்ஹா ரஷீது, உஸ்மான் ஹைதர் கொல்லப்பட்டனர். பின்னர் அதன் பல பிராந்திய கமாண்டர்களும் கொல்லப்பட்டனர். ஆனாலும் ஜெய்ஷ்-இ-முகமது முழுவதுமாக அழியவில்லை.

2016-ல் தீவிரவாதிகளின் கமாண்டராகக் கருதப்பட்ட பர்ஹன் வானி கொல்லப்பட்ட பிறகு, காஷ்மீரில் தீவிரவாதிகளுக்கு ஆதரவான போக்குகள் அதிகரித்தன. பின்னர் காஷ்மீரில் நிலவிய குழப்பமான அரசியல், சமூக சூழ்நிலைகளைப் பயங்கரவாதிகள் சாதகமாகப் பயன்படுத்தி க்கொண்டனர்.

இந்தக் காலகட்டத்தில்தான் எல்லை ஊடுருவல்கள், தொடர் தாக்குதல்கள் மற்றும் போர் நிறுத்த மீறல்கள், பயங்கரவாதிகளுக்கு  நிதி உதவி என அனைத்தும் காஷ்மீரில் அரங்கேறின.

ராணுவத்தின் கிடுக்கிப்பிடிக்குத் தாக்குப்பிடித்த இரு ஜெய்ஷ்-இ-முகமது குழுக்கள், கடந்த பிப்ரவரியில் ஸ்ரீநகர் லால் சௌக்கில் ஒரு தாக்குதல் நடத்தியது. அதில் 4 காவலர்கள், 3 மத்திய காவல்படையினர் உட்பட 11 பேர் கொல்லப்பட்டனர். தொடர்ந்து குப்வாரா, நக்ரொடா, லெத்பொரா, சுன்ஜுவான் இடங்களில் ராணுவ, சிறப்புப்படை வீரர்கள்மீது தொடர் தாக்குதல்கள் நடத்தி, தன்னை மீண்டும் புதுப்பித்துக்கொண்டது.

அதே வேளையில், தன் தாக்குதல் உத்திகளையும் முற்றிலுமாக மாற்றிக்கொண்டது. எல்லை தாண்டி வரும் தீவிரவாதிகளைத் தவிர்த்து, உள்நாட்டு இளைஞர்களைத் தீவிரவாதத்திற்குப் பயன்படுத்தத் தொடங்கியது. ராணுவம், துணை ராணுவம் அல்லது கலவரங்களினால் பாதிக்கப்பட்டவர்களின் குடும்பத்தைச் சேர்ந்த இளைஞர்கள் மட்டுமே குறிவைக்கப்பட்டனர். ஏனெனில், பாதித்த அவர்களை மூளைச்சலவை செய்வது மிகவும் சுலபம்.

2016-ம் ஆண்டு தொடக்கத்தில் பஞ்சாப் மாநிலம் பதான்கோட்டில் உள்ள ராணுவ தளத்தில் நடந்த தாக்குதலில் 7 இந்திய ராணுவ வீரர்கள், ஆயுதக் குழுக்களைச் சேர்ந்த 6 பேர் கொல்லப்பட்டது, ஊரி ராணுவ தளத்தில் நடந்த தாக்குதலில் 18 படையினர் கொல்லப்பட்ட சம்பவம், இப்போதைய தாக்குதல் உள்ளிட்ட பல்வேறு தாக்குதல்களுக்குப் பின் ஜெய்ஷ் இருந்தது தெரியவந்துள்ளது.

தேசியப் பாதுகாப்பு மையத்தின் புள்ளி விவரங்களின்படி, 406 குண்டு வெடித்த விபத்துகளும், 337 ஐஇடி தாக்குதல்களும், 337 மேம்படுத்தப்பட்ட வெடிக்கும் சாதனத் தாக்குதல்களும், 69 வெடிமருந்துத் தாக்குதல்களும் 2016-ம் ஆண்டு மட்டும் நிகழ்ந்துள்ளன. இதுவரை 479 பேர் இறந்துள்ளனர். கடந்த ஐந்து ஆண்டுகளில் பாதுகாப்பு வீரர்களின் மரணம் 93 சதவிகிதமாக உயர்ந்துள்ளது. பயங்கரவாத சம்பவங்கள் 173 சதவிகிதம் உயர்ந்துள்ளன.

தேம்பியழும் தேசம்... விதைக்கப்பட்டவர்களுக்கு வீரவணக்கம்!

இவை அத்தனைக்கும் பின்னால் பாகிஸ்தான் இருந்தாலும் ஒவ்வொருமுறையும் ‘பயங்கரவாதத்துக்கும் எங்களுக்கும் தொடர்பில்லை’ என்றே பம்மாத்து காட்டிவருகிறது பாகிஸ்தான்.

இந்தியா, உலகின் மிகப்பெரிய ஜனநாயக நாடு. இன்று வளர்ந்த நாடுகளில் ஒன்றாக இந்தியா மாறியிருக்கிறது. இந்திய ராணுவம் தேசத்தைக் காப்பதில் கவனம் செலுத்துகிறதே தவிர, அரசியல் பிரச்னைகளில் மூக்கை நுழைப்பதில்லை. ஆனால் பாகிஸ்தானில் தலைகீழ் நிலைமை. அங்கு ராணுவம் அடிக்கடி கிளர்ச்சியில் ஈடுபடுகிறது. சதிகளும் கொலைகளும் ஜனநாயக விரோதமும் பாகிஸ்தான் அரசியலில் சர்வசாதாரணம். பொருளாதாரத்திலும் பாகிஸ்தான் பின்தங்கியுள்ளது. இந்த எரிச்சல் மனநிலையுடன்தான் பாகிஸ்தான், இந்தியா மீது வன்முறையை ஏவுகிறது.

ஆனால் பயங்கரவாதத்தை எதிர்கொள்வதற்கு இந்தியர்களுக்கு எப்போதும் இருக்கும் ஆயுதங்கள் மனவுறுதியும் ஒற்றுமையும் தேசப்பற்றும். அந்த ஆயுதங்களின் துணைகொண்டு இந்தியா பயங்கரவாதத்துக்கு எதிரான யுத்தத்தில் நிச்சயம் வெல்லும்.

கே.ராஜு - படங்கள்: எல்.ராஜேந்திரன், ஆர்.வெங்கடேஷ்

தேம்பியழும் தேசம்... விதைக்கப்பட்டவர்களுக்கு வீரவணக்கம்!
தேம்பியழும் தேசம்... விதைக்கப்பட்டவர்களுக்கு வீரவணக்கம்!

இருவர்... தமிழர்! 

ந்தத் தாக்குதலுக்குப் பலியானவர்களில் சிவச்சந்திரன், சுப்பிரமணியன் என்ற இரு தமிழர்களும் உண்டு. சிவச்சந்திரன் அரியலூர் மாவட்டம் கார்குடியைச் சேர்ந்தவர். சுப்பிரமணியனுக்குத் தூத்துக்குடி மாவட்டம் கயத்தாறு சொந்த ஊர்.   

தேம்பியழும் தேசம்... விதைக்கப்பட்டவர்களுக்கு வீரவணக்கம்!

இருவரின் உடல்களும் தனிவிமானம் மூலம் தமிழகம் கொண்டுவரப்பட்டு, அவர்களின் ஊர்களுக்கு அனுப்பி வைக்கப்பட்டன. அமைச்சர்கள் உள்ளிட்ட ஆயிரக்கணக்கான மக்கள், பெரும் உணர்ச்சிப்பெருக்கோடு, அவர்களின் உடலுக்கு மரியாதை செலுத்தினர். பிறகு, 21 துப்பாக்கிக்குண்டுகள் முழங்க மண்ணில் விதைக்கப்பட்டனர் மாவீரர்கள்.   

தேம்பியழும் தேசம்... விதைக்கப்பட்டவர்களுக்கு வீரவணக்கம்!
தேம்பியழும் தேசம்... விதைக்கப்பட்டவர்களுக்கு வீரவணக்கம்!

இரு வீரர்களின் குடும்பங்களுக்கும் தலா 20 லட்சம் ரூபாய் நிவாரண நிதி அறிவித்திருக்கிறது, தமிழக அரசு. அவர்களின் குடும்பங்களில் ஒருவருக்கு அரசுப்பணி வழங்கவும், ஆணையிட்டிருக்கிறார் முதல்வர் எடப்பாடி பழனிசாமி. மாநிலம் முழுவதும் உணர்ச்சிப்பெருக்கோடு தமிழர்கள் அஞ்சலி செலுத்தினர்.

தேம்பியழும் தேசம்... விதைக்கப்பட்டவர்களுக்கு வீரவணக்கம்!

தற்கொலை பயங்கரவாதி!

பு
ல்வாமா தாக்குதலின் தற்கொலைப்படைத் தீவிரவாதியாகச் செயல்பட்டவன் அதில் அஹமது அக்பர் தார் என்கிற வக்காஸ் கமாண்டோ. ஜெய்ஷ்-இ-முகமது தன் அமைப்புக்காகத் தேர்வு செய்தவர்களில் ஒருவன். தார் ஒரு c வகை தீவிரவாதி. A, A+ வகையைச் சேர்த்தவன் அல்ல என்கிறது, காவல்துறை.

பள்ளிப்படிப்பைப் பாதியில் நிறுத்திவிட்ட தார், கடந்த மார்ச் 2018-ல் தன் நண்பர்கள் தௌசீப், வாசிமுடன் காணாமல்போய்விட்டான். நடுத்தரக் குடும்பத்தைச் சேர்ந்தவன். “எனக்கு நினைவு தெரிந்த வரையில் என் மகன் உதவும் எண்ணம் கொண்ட, கீழ்ப்படிந்து நடக்கும் உணர்ச்சி வசப்படக்கூடிய ஒரு இளைஞன்” என அவர் தந்தை குலாம் ஹாசன் தார் கூறுகிறார். “துணி விற்பனையாளராகவும், தொழிலாளியாகவும் இருந்த அவன் இப்படி ஆவான் என நாங்கள் நினைத்துக்கூடப் பார்த்தது இல்லை” என்கிறார் அவர். காஷ்மீர், மனித உரிமை மீறல்கள் குறித்து அடிக்கடி அவன் கோபமாகப் பேசுவான். ஆனால் சமூக வலைதளங்களில் ஆயுதமேந்தி போஸ் கொடுத்த போதுதான் அவன் தீவிரவாதக் குழுவில் சேர்ந்தது தெரியவந்தது.

“இந்த வீடியோவைப் பார்க்கும் போது நான் சொர்க்கத்தில் இருப்பேன்” என்று தனது வீடியோவில் குறிப்பிட்டுள்ளான். மேலும், ஆப்கானிஸ்தான் விமானக் கடத்தல், பதன்கோட் தாக்குதல்களை மேற்கோள் காட்டி, இதுபோல் பல தாக்குதல்கள் நடக்கும் எனவும் அவன் வீடியோவில் எச்சரித்துள்ளான்.

11-ம் வகுப்பு முடித்தபிறகு, தார் இஸ்லாம் கல்வி பயின்றான். 2016-ல் புர்ஹான் வானி இறப்பிற்குப் பின் அவனது வாழ்க்கை தடம் புரண்டது. இவனின் ஒன்று விட்ட சகோதரனும் ஒரு தீவிரவாதி. தீவிரவாதக் குழுவில் சேர்ந்த 11-வது நாளில் ஒரு தற்கொலைப்படைத் தாக்குதலில் ஈடுபட்டு  இறந்தான். கடந்த 2016-ல் ஒரு ஹிஸ்புல் முஜாஹிதீன் தீவிரவாதி கொலையைக் கண்டித்து நடைபெற்ற  ஆர்ப்பாட்டத்தில் கலந்துகொண்டபோது, நடந்த துப்பாக்கிச் சூட்டில் அதிலுக்குக் காலில் குண்டடி பட்டது.  இச்சம்பவங்கள் அவனை மனதளவில் வெகுவாக பாதித்தது என அவன் உறவினர்கள் கூறுகின்றனர்.

கடந்த ஆண்டுதான் அவன் இந்த இயக்கத்தில் சேர்ந்தான். ஜெய்ஷ்-இ-முகமது அமைப்பு அவனைத் தேர்ந்தெடுத்ததற்கு முக்கிய காரணம் தார் ஓர் உள்ளூர்வாசி என்பதால். மேலும், புல்வாமா பகுதி முழுவதும் அவனுக்கு அத்துப்படி. கண்டிபாகின் ‘வக்காஸ் கமாண்டோ’ என்ற பெயரும் அவனுக்கு உண்டு. தீவிரவாதிகளை உற்பத்தி செய்யும் மையம்தான் கண்டிபாக் பகுதி.

தேம்பியழும் தேசம்... விதைக்கப்பட்டவர்களுக்கு வீரவணக்கம்!

இன்னும் வசதிகள் வேண்டும்!

சு
மார் 3.5 லட்சத்திற்கும் அதிகமான வீரர்களைக் கொண்ட உலகின் மிகப் பெரிய துணைப்படை சிஆர்பிஎப் (CRPF). நாட்டின் உள்நாட்டுப் பாதுகாப்புக்காக சிஆர்பிஎப் செயல்படுகிறது. மாவோயிச நடவடிக்கைகள், வடகிழக்கு மற்றும் ஜம்மு காஷ்மீர்க் கிளர்ச்சியால் பாதிக்கப்பட்ட பகுதிகளில் அமைதியை நிலை நாட்டும் பணியில் ஈடுபட்டுள்ளது.

உயிரிழப்புகளுக்குப் பிறகுதான், சிஆர்பிஎப் அமைப்பின் முக்கியத்துவத்தையும் அதற்குப் போதுமான வசதிகள் வழங்கப்படவில்லை என்பதையும் உணர்கிறோம். உதாரணமாக சத்தீஸ்கரில் 12 சிஆர்பிஎப் வீரர்கள் கொல்லப்பட்ட பின்தான், உயிர் அச்சுறுத்தும் பகுதிகளில் செயல்படும் வீரர்களுக்குக் கண்ணிவெடி பாதுகாப்பு வாகனத்தின் முக்கியத்துவத்தை உணர்ந்தது அரசு.

சிஆர்பிஎப்-க்கு வழங்கப்படும் பயிற்சி மற்றும் இயக்க நடைமுறைகள் மேம்படுத்தப்படாததும், போதிய அளவில் உபகரணங்கள் இல்லாததும், தீவிரவாதத் தாக்குதலின்போது ஏற்படும் பின்னடைவிற்குப் பின்தான் தெரிகிறது. நாளுக்கு நாள் அவர்கள் சந்திக்கும் சவால்களும் அபாயங்களும் தற்போது அவர்களுக்கு வழங்கப்படும் பயிற்சிகள், ஆயுதங்களைவிடப் பலமடங்கு நவீனமாக இருப்பதால், இரண்டுக்கும் உள்ள இடைவெளி அதிகரித்துக்கொண்டே வருகிறது.

ஆண்டுதோறும் ராணுவத்திற்கு ஒதுக்கப்படும் நிதி அதிகரித்துக்கொண்டு இருந்தாலும், பல அடிப்படை வசதிகள் சிஆர்பிஎப் வீரர்களுக்கு எட்டாக்கனியாகவே இருக்கிறது.

குளிர்காலத்தில் காஷ்மீரில் படைகளை நகர்த்துவது என்பது ஒரு சிக்கலான பணி. பனிப்பொழிவுகளை, நிலச்சரிவுகளை சிஆர்பிஎப் ஜவான்கள் எதிர்கொள்ளும்போது அவர்கள் தற்காலிக முகாம்களில் தங்கவைக்கப்படுவார்கள். ஆனால் ஜம்முவில் இருக்கும் தற்காலிக முகாம்கள் 1,000 பேரைத் தங்கவைக்கக்கூடப் போதாது. தங்கக் காத்திருக்கும் வீரர்களின் எண்ணிக்கையோ 3,000 முதல் 4,000 வரை இருக்கும். பெரும்பாலானவர்கள் சாலைப்பயணத்தை நம்பியுள்ளனர். அவர்கள் பயணிக்கும் பேருந்துகளும் தாக்குதல்களைத் தாங்கும் திறனற்றவை. சில பேருந்துகள் மட்டும் குண்டு துளைக்காத வகையில் வடிவமைக்கப்பட்டுள்ளன. இந்த வசதிகள் மேம்படுத்தப்பட வேண்டும்.  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism