Published:Updated:

ஓவியத்தில் உறைந்த இளையராஜா!

ஒட்டுமொத்த விகடனுக்கும் ஒரே ஷார்ட்கட்

Use App
ஓவியத்தில் உறைந்த இளையராஜா!
ஓவியத்தில் உறைந்த இளையராஜா!

தென்னிந்திய ஓவியக் கலைஞர்களில் தனித்துவமான ஆளுமையாகத் திகழ்ந்த இளையராஜா, வளர்ந்துவரும் கலைஞர்களுக்கு மிகச் சிறந்த முன்மாதிரியாக விளங்கினார்.

பிரீமியம் ஸ்டோரி

ஓவியமா ஒளிப்படமா என்று, பார்க்கும் எல்லோரையும் ஒரு நொடி திகைப்பிலும் வியப்பிலும் ஆழ்த்தும் தத்ரூப ஓவியங்கள் இளையராஜாவின் தனித்துவம். ஆனந்த விகடனில் 2010-ம் ஆண்டு முதல் வெளிவரத் தொடங்கிய இளையராஜாவின் ஓவியங்கள், நாடு கடந்து உலகம் முழுவதும் புகழ்பெறத் தொடங்கின. நம் காலத்தின் தனித்துவமான ஓவியராக இயங்கிவந்த இளையராஜா, ஜூன் 6 நள்ளிரவு 12 மணியளவில் கொரோனாத் தொற்றால் ஏற்பட்ட மாரடைப்பு காரணமாக மரணமடைந்தார்; அவருக்கு வயது 43.

ஓவியத்தில் உறைந்த இளையராஜா!
ஓவியத்தில் உறைந்த இளையராஜா!
ஓவியம்: கே.மோகன்
ஓவியம்: கே.மோகன்
ஓவியத்தில் உறைந்த இளையராஜா!
ஓவியத்தில் உறைந்த இளையராஜா!

கும்பகோணம் அருகே செம்பியவரம்பல் எனும் கிராமத்தில் பிறந்த இளையராஜா, கும்பகோணம் நகர உயர்நிலைப் பள்ளியில் பள்ளிப் படிப்பு முடித்தார். கும்பகோணம் அரசு கவின் கலைக் கல்லூரியில் ஓவியர் மனோகரனிடம் ஓவியம் பயின்றார். கிராமத்துத் தமிழ்ப்பெண்களின் அன்றாடங்கள் இளையராஜாவின் ஓவியங்களில் அற்புதத் தருணங்களாக வெளிப்பட்டன; அவை ஆனந்த விகடனில் தொடர்ந்து வெளிவந்து உலகளவில் புகழ்பெற்றன. சமீபத்தில் புதிதாக வீடு கட்டி, அங்கேயே ஓவியக் கூடமும் அமைத்து இளையராஜா தன்னுடைய கனவுகளை அடுத்த கட்டத்துக்கு நகர்த்தியிருந்த நிலையில், எதிர்பாராதவிதமாக அவர் கொரோனாவுக்குப் பலியாகியிருப்பது அதிர்ச்சியை ஏற்படுத்தியிருக்கிறது.

தென்னிந்திய ஓவியக் கலைஞர்களில் தனித்துவமான ஆளுமையாகத் திகழ்ந்த இளையராஜா, வளர்ந்துவரும் கலைஞர்களுக்கு மிகச் சிறந்த முன்மாதிரியாக விளங்கினார். இளையராஜாவுக்குத் தன் அஞ்சலிகளைச் செலுத்துகிறது ஆனந்த விகடன்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு