Published:Updated:

5 ரூபாய் டிபன்; 30 ரூபாயில் மருத்துவம் - `கோவை சாந்தி சமூக சேவை' சுப்பிரமணியம் காலமானார்!

சுப்பிரமணியம்
News
சுப்பிரமணியம்

கோவை சாந்தி சமூக சேவை அறக்கட்டளையின் அறங்காவலர் சுப்பிரமணியம் காலமானார்.

`மனிதநேயத்துடன் செய்யும் சேவை, கடவுகளுக்கே செய்யும் சேவை’ (Service to Humanity is Service to God)... இதுதான் கோவை சாந்தி சமூக சேவை அறக்கட்டளையின் தாரக மந்திரம். ரூ.5-ல் இருந்து, ரூ.15-க்கு டிபன் வகைகள், ரூ.25-க்கு தரமான முழுச் சாப்பாடு, டீ, ஃபில்டர் காபி, ராகி பால், சத்து மாவு பால் எல்லாமே ரூ.5 தான்.

சாந்தி சமூக சேவை
சாந்தி சமூக சேவை

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

கோவையிலுள்ள உயர்தர உணவகங்களின் சுவைக்கும் தரத்துக்கும் சவால்விடும் அளவுக்கு சந்தோஷமான சேவையை இந்த அமைப்பு செய்துவந்தது. இந்தநிலையில், சாந்தி சமூக சேவை நிறுவனத்தின் அறங்காவலர் சுப்பிரமணியம் (78) உடல்நலக்குறைவால் இயற்கை எய்தினார்.

கோவையில் `சாந்தி கியர்ஸ்’ என்ற நிறுவனத்தை சுப்பிரமணியம் கடந்த 1972-ம் ஆண்டு தொடங்கினார். அதன் மூலம், இயந்திர உதிரி பாகங்களை உற்பத்தி செய்து, பல்வேறு நாடுகளுக்குக் கொடுத்து வேகமாக வளர்ச்சியடைந்தார். இதையடுத்து, 1996-ம் ஆண்டு `சாந்தி சமூக சேவை’ என்ற அறக்கட்டளையைத் தொடங்கி, அதன் அறங்காவலராகவும் இருந்துவந்தார்.

சாந்தி சமூக சேவை
சாந்தி சமூக சேவை

சாந்தி கியர்ஸ் நிறுவனம், வேறு நிறுவனத்துக்கு விற்கபட்டுவிட்டது. ஆனால், சாந்தி சமூக சேவையின் மூலம் தொடர்ந்து ஏராளமான சேவைகளைச் செய்துவந்தார் சுப்பிரமணியம். உணவகம், மருத்துவமனை, மருந்தகம் போன்றவற்றை லாப நோக்கம் இல்லாமல் சேவை மனப்பான்மையுடன் நடத்திவந்தார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

குறைந்த விலையில், தினசரி பல எளிய மக்களுக்கு அக்‌ஷய பாத்திரமாகப் பசியாற்றினார். மேலும், இங்கே தினசரி 60 வயதுக்கு மேற்பட்ட 300 பேருக்கு இலவசமாக உணவும் வழங்கப்பட்டுவருகிறது. இவரது மருத்துவமனையில் மருத்துவர் கட்டணம் 30 ரூபாய்தான். மருந்தகங்களில் 30 சதவிகிதம் தள்ளுபடியில் அனைத்து மருந்துகளும் விற்பனை செய்யப்படுகின்றன.

இதனால், பெரிய தனியார் மருத்துவமனைகளுக்குச் செல்ல முடியாத ஏழை, நடுத்தர குடும்பத்தினர் இங்கு மருத்துவ ஆலோசனை பெறவும் , பரிசோதனைகள் செய்யவும், மருந்துகள் வாங்கவும் அதிக அளவில் வருவார்கள்.

சாந்தி சமூக சேவையின் பெட்ரோல் நிலையத்தில், ஸ்டாக் வரும்போது என்ன விலையோ, அந்த ஸ்டாக் முடியும் வரை அதே விலைக்குதான் விற்பனை செய்யப்படும். சாந்தி சமூக சேவை அமைப்பால் இலவச மின்மயானமும் இயங்கிவருகிறது. இவ்வளவு சேவைகளுக்கு சொந்தக்காரரான சுப்பிரமணியம், அது குறித்து ஊடகங்களில் முகத்தைக் காட்டுவதில்லை என்ற கொள்கையில் இறுதி வரை உறுதியாக இருந்தார். உடல் நலக்குறைவால் கடந்த சில தினங்களாக சுப்பிரமணியம் ஓர் தனியார் மருத்துவமனையில் சிகிச்சை பெற்றுவந்தார்.

சுப்பிரமணியம்
சுப்பிரமணியம்

இந்தநிலையில் சிகிச்சை பலனின்றி இன்று காலை சுப்பிரமணியம் உயிரிழந்தார். அவரது மரணத்துக்கு கோவை மக்கள் இரங்கல் தெரிவித்துவருகின்றனர். முகம் காட்டாமல், முகவரியும் தெரிவிக்காமல் மக்கள் மனதைக் குளிரவைத்த சுப்பிரமணியம், மக்கள் மனதில் என்றும் உயர்ந்த இடத்தில் இருந்துகொண்டேதான் இருப்பார்.