Published:Updated:

மாமூல் வாங்காததால் கொலை செய்யப்பட்டாரா எஸ்.ஐ?

சப் இன்ஸ்பெக்டர் விபல்குமார்
பிரீமியம் ஸ்டோரி
சப் இன்ஸ்பெக்டர் விபல்குமார்

புதுவையை உலுக்கும் போலீஸ் மரணம்!

மாமூல் வாங்காததால் கொலை செய்யப்பட்டாரா எஸ்.ஐ?

புதுவையை உலுக்கும் போலீஸ் மரணம்!

Published:Updated:
சப் இன்ஸ்பெக்டர் விபல்குமார்
பிரீமியம் ஸ்டோரி
சப் இன்ஸ்பெக்டர் விபல்குமார்

இந்திய அளவில் சிறந்த காவல் நிலையங்களில் ஒன்றாகத் தேர்வு செய்யப்பட்டு மத்திய அரசின் விருது வாங்கிய புதுச்சேரி நெட்டப்பாக்கம் காவல் நிலையம், தற்போது சர்ச்சையில் சிக்கி யிருக்கிறது. அந்தக் காவல் நிலையத்தில் பணியாற்றிய சப் இன்ஸ்பெக்டர் விபல்குமார், மர்மமான முறையில் உயிரிழந்த சம்பவம் கடும் அதிர்வலை களை ஏற்படுத்தி யிருக்கிறது.

38 வயதான விபல்குமாருக்கு, கிருஷ்ணப்பிரியா என்கிற மனைவியும், இரண்டு மகன்களும் உள்ளனர். நவம்பர் 21-ம் தேதி காலையில் காவல் நிலையத்தின் பின்புறம் உள்ள காவலர் ஓய்வறைக்குச் சென்ற விபல்குமார், மூன்று பக்க அளவில் ஒரு கடிதம் எழுதி வைத்துவிட்டு தற்கொலை செய்துகொண்டதாக காவல்துறை தெரிவித்தது. குடும்பப் பிரச்னை காரணமாகவே அவர் அந்த முடிவை எடுத்ததாகவும் விளக்கமளித்தது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அதை ஏற்க மறுத்த சமூக அமைப்புகள், ‘‘இன்ஸ்பெக்டர் கலைச்செல்வன் உள்ளிட்ட அதிகாரிகள் கொடுத்த மன உளைச்சலால்தான் விபல்குமார் தற்கொலை செய்துகொண்டார்’’ என்று போராட்டத்தில் குதித்தன. விபல்குமாரின் தந்தை பாலுவும், ‘இன்ஸ்பெக்டர் கலைச்செல்வன் செய்யும் குற்றங்களுக்குத் துணைபோகாததால் என் மகனை ஆள் வைத்து அடித்துக் கொன்றுவிட்டார்’ என்று ஆளுநர் கிரண்பேடி, முதல்வர் நாராயணசாமி உள்ளிட்டோரிடம் புகார் அளித்தார்.

மாமூல் வாங்காததால் கொலை செய்யப்பட்டாரா எஸ்.ஐ?

``இன்ஸ்பெக்டர் கலைச்செல்வன்மீது நடவடிக்கை எடுக்கும் வரை உடலை வாங்க மாட்டோம்’’ என்று விபல்குமாரின் உறவினர்கள் நடத்திய போராட்டத்தைத் தொடர்ந்து, கலைச்செல்வன் ஆயுதப்படைக்கு மாற்றம் செய்யப்பட்டார். அத்துடன், இந்த வழக்கை சி.பி.சி.ஐ.டி பிரிவுக்கு மாற்றி உத்தரவிட்டார் முதல்வர் நாராயணசாமி.

 நித்யா
நித்யா

விபல்குமாரின் தங்கை நித்யாவிடம் பேசினோம். ‘‘தற்கொலை செய்துகொள்ளும் அளவுக்கு என் அண்ணன் கோழை அல்ல. ஆதிக்கச் சமூகத்தைச் சேர்ந்த சிலர், ஒரு பெண்ணை கூட்டுப் பாலியல் வன்கொடுமை செய்திருக்கிறார்கள். அந்த வழக்கை அண்ணனைப் பதிவுசெய்யவிடாமல் பேசி முடித்துவிட்ட இன்ஸ்பெக்டர் கலைச்செல்வன், ‘மாமூல் வாங்கச் சொன்னாலும் வாங்குறதில்லை... அவங்களா கொடுத்தாலும் வாங்குறதில்லை. உன்னால இந்த ஸ்டேஷனுக்கு என்ன லாபம்?’ என்று அண்ணனைத் திட்டியிருக்கிறார். அண்ணன் நேர்மையாக இருந்ததற்கு இதுதான் பரிசா? அவர்கள் செய்த ஏதோ ஒரு தவறு, அண்ணனுக்குத் தெரிந்திருக்கிறது. அதனால்தான் அவரை கொலை செய்திருக்கிறார்கள்.

மாமூல் வாங்காததால் கொலை செய்யப்பட்டாரா எஸ்.ஐ?

என் அண்ணனுக்கு குடிப்பழக்கம் கிடையாது. ஆனால், `குடித்துவிட்டு தூக்குப்போட்டுக்கொண்டார்’ என்கிறார்கள். மின்விசிறிக்கும் கழுத்துக்கும் அரை அடி தூரம்கூட இல்லாமல் எப்படி ஒருவரால் தூக்குப்போட்டுக்கொள்ள முடியும்? அந்த அறையில் ஒரு நாற்காலிகூட இல்லை. எதன் மீதேறி அவர் தூக்குப்போட்டுக்கொண்டார்? இது கொலைதான் என்பதை ஆதாரங்களுடன் நிரூபிப்போம்’’ என்றார் ஆவேசமாக.

இதுகுறித்து விளக்கம் கேட்க ஆய்வாளர் கலைச்செல்வனைச் சந்தித்தோம். ‘‘வழக்கு, விசாரணையில் இருப்பதால் அதுகுறித்து இப்போது எதுவும் பேச முடியாது’’ என்று மட்டும் சொன்னார்.

இதுதான் சிறந்த காவல் நிலையமா... கொடுமை!