<p><span style="color: rgb(255, 0, 0);"><strong>கா</strong></span>விரி பாய்ந்தோடும் ஊர் என்றுதான் திருச்சிக்குப் பெயர். காவிரிப் படுகை காய்ந்துகிடக்கிறது. காவிரி - கொள்ளிடம் ஆறுகளில் ராட்சத ஆழ்துளைக் கிணறுகள் அமைத்து, 40-க்கும் மேற்பட்ட திட்டங்கள் மூலம் தமிழகத்தின் பல பகுதிகளுக்கும் தண்ணீர் கொண்டு செல்லப்படுகிறது. முத்தரசநல்லூரிலிருந்து, ராமநாதபுரம் கூட்டுக் குடிநீர் திட்டம் மூலம் புதுக்கோட்டை, சிவகங்கை, ராமநாதபுரம் ஆகிய மாவட்டங்களுக்கு, குடிநீர் கொண்டு செல்லப்படுகிறது. கொள்ளிடம் ஆற்றில் ஸ்ரீரங்கத்தை அடுத்த மேலூரில், மூன்று கிலோ மீட்டர் தூரத்துக்குள் எட்டு ஆழ்துளைக் கிணறுகள் அமைக்கப்பட்டுள்ளன. இந்தத் திட்டங்கள் மூலம், திருச்சி மட்டுமல்லாமல் சிவகங்கை, புதுக்கோட்டை, ராமநாதபுரம், அரியலூர், பெரம்பலூர், திண்டுக்கல் உள்ளிட்ட பத்து மாவட்டங்கள் பயன்பெறுகின்றன.</p>.<p>திருச்சி மாநகரில் தினமும் ஒரு மணி நேரம் மட்டுமே குடிதண்ணீர் விநியோகம் செய்யப்படுகிறது. காவிரியில் தண்ணீர் கரைபுரண்டு ஓடியும் அந்தத் தண்ணீரைத் தேக்கி வைக்காத காரணத்தால், நிலத்தடி நீர்மட்டத்தில் எந்த முன்னேற்றமும் இல்லை. துறையூர், மணப்பாறை பகுதிகளில்தான் பாதிப்பு அதிகம். துறையூர், தெப்பக்குளம், சிக்கத்தம்பூர், கோட்டாத்தூர் ஆகிய பகுதிகளைச் சேர்ந்த மக்கள் கடந்த இரண்டு மாதங்களாக குடிநீர் கேட்டு மறியலில் ஈடுபட்டு வருகிறார்கள். மணப்பாறையில் மரவனூர், சமுத்திரம் உள்ளிட்ட பகுதிகளிலும் காலிக் குடங்களுடன் மக்கள் சாலை மறியல் செய்தனர். காவிரி கூட்டுக் குடிநீர்த் திட்டத்தில், 15 நாள்களுக்கு ஒருமுறைதான் தண்ணீர் வழங்கப்படுகிறது. <br /> <br /> மணப்பாறை, வையம்பட்டி பகுதிகளிலும் இதே நிலைதான். ஆயிரம் அடி ஆழத்துக்கு ஆழ்துளைக்கிணறு அமைத்தாலும் தண்ணீர் கிடைப்பதில்லை. தூர்ந்துபோன ஆழ்துளைக்கிணறுகளில் தண்ணீர் இல்லாத நிலையில், மோட்டார்களை இயக்குவதால், அவை பழுதடைகின்றன. சில இடங்களில் உள்ள பொதுக்குழாய், சின்டெக்ஸ் டேங்க் ஆகியவை தனிநபர்களின் பொறுப்பில் இருப்பதால், அடிதடிப் பிரச்னைகளும் அரங்கேறுகின்றன.<br /> <br /> இத்தனை பிரச்னைகளை வைத்துக்கொண்டு, ‘எரியும் வீட்டில் பிடுங்கியவரை லாபம்’ என்ற நோக்கில் செயல்படுகிறார் கள் அதிகாரிகள். தண்ணீர்த் தட்டுப்பாட்டைப் போக்க, ஆழ்துளைக் கிணறுகள் அமைத்ததாகப் பொய்க்கணக்கு காட்டி பணத்தைச் சுருட்டிவருவதாகப் புகார்கள் எழுந்துள்ளன. துறையூர் பகுதியைச் சேர்ந்த குருசாமி என்பவர், இது தொடர்பாக நீதிமன்றத்தில் ஆதாரங்களுடன் வழக்கு தொடர்ந்துள்ளார். ‘தண்ணீர்ப் பஞ்சம் தலைவிரித்தாடும் நிலையில், அதை வைத்தே அதிகாரிகள் கொள்ளையடிப்பது வேதனையாக இருக்கிறது’ என்கிறார்கள் திருச்சி மக்கள்.<br /> <strong><br /> - சி.ய.ஆனந்தகுமார்<br /> படம்: என்.ஜி.மணிகண்டன்</strong></p>
<p><span style="color: rgb(255, 0, 0);"><strong>கா</strong></span>விரி பாய்ந்தோடும் ஊர் என்றுதான் திருச்சிக்குப் பெயர். காவிரிப் படுகை காய்ந்துகிடக்கிறது. காவிரி - கொள்ளிடம் ஆறுகளில் ராட்சத ஆழ்துளைக் கிணறுகள் அமைத்து, 40-க்கும் மேற்பட்ட திட்டங்கள் மூலம் தமிழகத்தின் பல பகுதிகளுக்கும் தண்ணீர் கொண்டு செல்லப்படுகிறது. முத்தரசநல்லூரிலிருந்து, ராமநாதபுரம் கூட்டுக் குடிநீர் திட்டம் மூலம் புதுக்கோட்டை, சிவகங்கை, ராமநாதபுரம் ஆகிய மாவட்டங்களுக்கு, குடிநீர் கொண்டு செல்லப்படுகிறது. கொள்ளிடம் ஆற்றில் ஸ்ரீரங்கத்தை அடுத்த மேலூரில், மூன்று கிலோ மீட்டர் தூரத்துக்குள் எட்டு ஆழ்துளைக் கிணறுகள் அமைக்கப்பட்டுள்ளன. இந்தத் திட்டங்கள் மூலம், திருச்சி மட்டுமல்லாமல் சிவகங்கை, புதுக்கோட்டை, ராமநாதபுரம், அரியலூர், பெரம்பலூர், திண்டுக்கல் உள்ளிட்ட பத்து மாவட்டங்கள் பயன்பெறுகின்றன.</p>.<p>திருச்சி மாநகரில் தினமும் ஒரு மணி நேரம் மட்டுமே குடிதண்ணீர் விநியோகம் செய்யப்படுகிறது. காவிரியில் தண்ணீர் கரைபுரண்டு ஓடியும் அந்தத் தண்ணீரைத் தேக்கி வைக்காத காரணத்தால், நிலத்தடி நீர்மட்டத்தில் எந்த முன்னேற்றமும் இல்லை. துறையூர், மணப்பாறை பகுதிகளில்தான் பாதிப்பு அதிகம். துறையூர், தெப்பக்குளம், சிக்கத்தம்பூர், கோட்டாத்தூர் ஆகிய பகுதிகளைச் சேர்ந்த மக்கள் கடந்த இரண்டு மாதங்களாக குடிநீர் கேட்டு மறியலில் ஈடுபட்டு வருகிறார்கள். மணப்பாறையில் மரவனூர், சமுத்திரம் உள்ளிட்ட பகுதிகளிலும் காலிக் குடங்களுடன் மக்கள் சாலை மறியல் செய்தனர். காவிரி கூட்டுக் குடிநீர்த் திட்டத்தில், 15 நாள்களுக்கு ஒருமுறைதான் தண்ணீர் வழங்கப்படுகிறது. <br /> <br /> மணப்பாறை, வையம்பட்டி பகுதிகளிலும் இதே நிலைதான். ஆயிரம் அடி ஆழத்துக்கு ஆழ்துளைக்கிணறு அமைத்தாலும் தண்ணீர் கிடைப்பதில்லை. தூர்ந்துபோன ஆழ்துளைக்கிணறுகளில் தண்ணீர் இல்லாத நிலையில், மோட்டார்களை இயக்குவதால், அவை பழுதடைகின்றன. சில இடங்களில் உள்ள பொதுக்குழாய், சின்டெக்ஸ் டேங்க் ஆகியவை தனிநபர்களின் பொறுப்பில் இருப்பதால், அடிதடிப் பிரச்னைகளும் அரங்கேறுகின்றன.<br /> <br /> இத்தனை பிரச்னைகளை வைத்துக்கொண்டு, ‘எரியும் வீட்டில் பிடுங்கியவரை லாபம்’ என்ற நோக்கில் செயல்படுகிறார் கள் அதிகாரிகள். தண்ணீர்த் தட்டுப்பாட்டைப் போக்க, ஆழ்துளைக் கிணறுகள் அமைத்ததாகப் பொய்க்கணக்கு காட்டி பணத்தைச் சுருட்டிவருவதாகப் புகார்கள் எழுந்துள்ளன. துறையூர் பகுதியைச் சேர்ந்த குருசாமி என்பவர், இது தொடர்பாக நீதிமன்றத்தில் ஆதாரங்களுடன் வழக்கு தொடர்ந்துள்ளார். ‘தண்ணீர்ப் பஞ்சம் தலைவிரித்தாடும் நிலையில், அதை வைத்தே அதிகாரிகள் கொள்ளையடிப்பது வேதனையாக இருக்கிறது’ என்கிறார்கள் திருச்சி மக்கள்.<br /> <strong><br /> - சி.ய.ஆனந்தகுமார்<br /> படம்: என்.ஜி.மணிகண்டன்</strong></p>
